Winnie Mandela fær ekki að koma til Kanda

Til stóð að Winnie yrði viðstödd frumsýningu á óperu um líf hennar í Toronto en af því verður ekki. Þótti þeim sem stóðu fyrir komu hennar þetta undarlegt þar sem hún fékk vegabréfsáritun til Bandaríkjanna fyrir tveimur vikum þar sem hún tók á móti viðurkenningu fyrir baráttu gegn alnæmi.

Winnie Mandela varð þekkt fyrir að taka þátt í baráttu fyrir afnámi aðskilnaðarstefnunnar í Suður-Afríku en hún hefur tvisvar fengið dóm, annars vegar fyrir aðild að morði á ungum manni og hins vegar fyrir fjársvik og þjófnað.