Eggert sér ekki eftir neinu

Breska blaðið The Sun hefur eftir Eggerti Magnússyni að hann sjái alls ekki eftir því að hafa keypt úrvalsdeildarliðið West Ham þó útlit sé fyrir að það falli í 1. deild í vor. Hann segir að viðskiptahliðin á félaginu hafi komið sér á óvart.

"Ég hef aldrei séð eftir því að kaupa félagið. Þetta hefur verið erfitt í vetur en við munum koma liðinu á réttan kjöl fyrr eða síðar. Sumir hlutir varðandi viðskiptahliðina á félaginu hafa komið mér á óvart og eru alls ekki nógu góðir, en ég ætla ekki að fara út í smáatriði í því samhengi," er haft eftir Eggerti í Sun.