25 milljónir dollara ef þú þekkir lausn

Ef þú kannt lausn á vandanum sem er losun koltvísýrings út í andrúmsloftið getur þú unnið þér inn 25 milljónir bandaríkjadala. Það eru auðjöfurinn Richard Branson eigandi Virgin-flugfélagsins og Al Gore, fyrrverandi varaforseti Bandaríkjanna, sem standa fyrir samkeppni um leiðir til að minnka umtalsvert magn koltvísýrings í andrúmslofti.

Branson sagði þegar þeir félagar kynntu samkeppnina í morgun að þetta væri stærsta vandamálið sem mannkyn stæði frammi fyrir. „Jörðin getur ekki beðið í 60 ár", sagði hann á blaðamannafundi. „Ég vil framtíð fyrir börnin mín og barnabörn. Klukkan tifar".

Þeir sem sitja í dómnenfd samkeppninnar eru James Hansen yfirmaður geimrannsóknunarstofnunar NASA, James Lovelock er fann upp Gaia-kenninguna, umhverfissérfræðingurinn Crispin Tickell og ástralski umhverfisverndarsinninn Tim Flannery.

Leitað er leiðar til að minnka útblástur koltvísýrings um billjón tonn á ári. Al Gore segir það verða til marks um siðferðisvitund mannkyns hvort það takist að sýna fólki fram á vandann sem við blasir.