Hafnað fyrir að heita „helvíti“

Ástralskir foreldrar eru ævareiðir skólayfirvöldum í kaþólskum skóla sem neituðu fimm ára syni þeirra um inngöngu vegna fjölskyldunafnsins Hell sem þýðir „helvíti“ á íslensku.

Foreldrar Max vildu skrá hann í skólann til að flýja einelti sem hann varð fyrir í gamla skólanum vegna nafnsins. Byrjað var að undirbúa skráningu undir eftirnafni móður hans en þegar foreldrarnir vildu frekar halda Hell-nafninu drógu skólayfirvöld boðið til baka. Eftir að farið var með málið í fjölmiðla var Max boðin innganga á ný að sögn föðurins, Axel Hell.

Axel segir nafnið upprunnið í Austurríki þar sem það merki „bjartur“ eða „ljós“.