Hundrað létust í bílasprengjum

Talið er að hátt í hundrað manns hafi látist þegar bílasprengjuárás var gerð á sjíahverfi í Bagdad í gær. Árásin var gerð með því að aka þremur bílum, drekkhlöðnum sprengiefni, að vinsælu verslunarhverfi í Bagdad. Þær sprungu með örskömmu millibili og að því loknu lágu um hundrað manns í valnum. Fjölmargir særðust og voru fluttir á nærliggjandi sjúkrahús.

Þá eru tildrög þess rannsökuð að vörubíll ók á strætisvagnabiðstöð skammt utan við Bagdad í gærmorgun með þeim afleiðingum að 22 létust. Ekki er talið að það hafi verið slys.