Íslamistar draga sig frá Mogadishu

Sómölsku uppreisnarsamtökin Íslamska dómstólaráðið tilkynntu rétt upp úr sex í morgun að þau myndu draga allar bardagasveitir sínar frá höfuðborg Sómalíu, Mogadishu, sem uppreisnarmennirnir hafa haft á valdi sínu frá því í júní.

Stjórnarhermenn, með liðsstyrk eþíópískra hermanna, hefur fikrað sig nær höfuðborginni síðan Jowhar, mikilvægur bær á leiðinni til höfuðborgarinnar, féll í hendur stjórnarhersins í gær. Uppreisnarmennirnir ætluðu þó ekki að gefast upp þó þeir yfirgefi eitt helsta vígi sitt undanfarið hálft ár, heldur útskýrðu flóttann sem stríðstækni og sögðu sveitir sínar áfram verða sterkar.