Segist saklaus

Í bréfi sem dreift hefur verið til danskra þingmanna lýsir ríkisstjórn landsins sig saklausa af öllum þeim ásökunum sem á hana eru bornar í nýrri heimildarmynd um þátttöku danska hersins í innrásinni í Afganistan.

Stjórnin telur her landsins hafa verið í rétti þegar hann afhenti bandaríska hernum 34 fanga, en í myndinni er því haldið fram að Bandaríkjaher hafi látið pynta þá. Einnig segist stjórnin ekki hafa leynt þingið upplýsingum um starf danska hersins í Afganistan og segist ekki hafa fengið rangar upplýsingar þegar sagt var að Bandaríkjaher myndi fylgja Genfarsáttmálanum um meðferð stríðsfanga.