Myndband birt af gíslunum

Sjónvarpsstöðin al-Jazeera hefur birt myndir af fjórum friðarsinnum sem eru í haldi samtaka sem kalla sig Sverð réttlátu herdeildanna. Þá er þýskur fornleifafræðingur og íraskur bílstjóri hennar í gíslingu mannræningja.

Fjórmenningarnir eru á vegum kristinna friðarsamtaka í Írak sem í yfirlýsingu í gær sögðust harma að það sem fólk þeirra berðist fyrir hefði orðið til þess að það væri nú í höndum mannræningja. Níu manns létust í skotárás uppreisnarmanna á smárútu í bænum Baqouba í gærmorgun.