Yfirvöld samgönguöryggismála í Bandaríkjunum hafa tilkynnt að frá og með 22. desember megi flugfarþegar hafa með sér um borð smáskæri og lítil málmáhöld. Þau hafa verið bönnuð í flugvélum síðan 11. september 2001, þegar hryðjuverkaárásin var gerð á Tvíburaturnana í New York.
Í staðinn hyggjast yfirvöld fjölga skyndileit á fólki og skoða það nánar en áður. Ekki verður þó leitað sérstaklega á sumum hópum umfram öðrum, til dæmis Mið-Austurlandabúum, að því er fram kemur á vefsíðu CNN.
