Ljóshærður og með blá augu

Norska krón­prinsessan Mette-Marit fæddi dreng í gær og heilsast bæði móður og barni vel. Prinsinn var 16 merkur við fæð­ingu og er ljóshærður með blá augu. Saman eiga Hákon krónprins og Mette-Marit eitt barn fyrir, Ingiríði Alexöndru.

Hún á tilkall til krúnunnar eftir lagabreytingu frá árinu 1990 sem leyfir kvenkyns þjóðhöfðingja. Nýi prinsinn er því þriðji í röðinni til að erfa ríkið á eftir föður sínum og systur. Mette-Marit og Hákon giftust árið 2001 en Mette-Marit á soninn Maríus frá fyrra hjónabandi. Hann á hins vegar ekkert tilkall til krúnunnar.

Nýfædda prinsinum hefur enn ekki verið gefið nafn.