Ásakanir um mútur til vitna

Husam Taher Husam, fyrrverandi leyniþjónustumaður Sýrlendinga í Líbanon, sakaði í sjónvarpsviðtali um helgina Saad Hariri, son Rafik heitins Hariri, fyrrverandi forsætisráðherra Líb­a­nons, um að hafa boðið sér 70 milljónir íslenskra króna fyrir að ljúga að rannsóknarnefnd Sameinuðu þjóðanna að sýrlensk stjórnvöld hefðu látið myrða föður sinn.

Fjölskylda Hariri neitaði ásökununum í gær og sagði þær ömurlegt yfirklór ráðamanna í Damaskus á meðan einn talsmanna sýrlensku ríkisstjórnarinnar lét þá skoðun í ljós að uppljóstrun Husam kippti stoðunum undan rannsókn SÞ á morðinu.