FL Group upp en Icelandair niður

Gengi hlutabréfa í kauphöllinni hækkuðu almennt í verði í dag. Mest hækkuðu bréf í FL Group um 5,09 prósent en bréf í Icelandari Group lækkuðu mest.

Promens kaupir framleiðslueiningu á Spáni

Promens yfirtók í dag framleiðslueiningu spænska fyrirtækisins STE Packaging Development á snyrtivöruumbúðum. Kaupverð er trúnaðarmál en það verður greitt með handbæru fé. Fyrirtækið er staðsett í Esparraguera, nálægt Barcelona á Spáni. Starfsmenn fyrirtækisins eru 33 talsins en árssala fyrirtækisins nemur 3,8 milljónum evra, 332 milljónum króna.

Ebay ofgreiddi fyrir Skype

Bandaríska uppboðsveitan Ebay segist hafa ofmetið verðið á netsímafyrirtækinu Skype. Fyrirtækið keypti fyrirtækið fyrir rétt um tveimur árum og greiddi fyrir það heila 2,6 milljarða dala, jafnvirði rúmlega 161 milljarð íslenskra króna.

Hlutabréf í FL Group á flugi

Hlutabréf í FL Group hafa hækkað um 5,09 prósent í kauphöllinni það sem af er degi. Almennt hafa hlutabréf hækkað í verði í dag og hefur úrvalsvísitalan hækkað um 2,13 prósent.

Léttúð í umgengni um yfirtökureglur

Þorvaldur Lúðvík Sigurjónsson, forstjóri Saga Capital Fjárfestingarbanka, varar markaðsaðila við frjálslegri umgengni við reglur um yfirtökuskyldu og segir að slíkt virðingaleysi komi aðeins niður á þeim sjálfum. Til lengri tíma muni það rýra traust á markaðnum og þar með hægja á vexti hans.

Hótel Nordica verður Hilton-hótel í dag

Nordica hótel í Reykjavík mun frá og með deginum í dag heita Hilton Reykjavík Nordica. Stjórnendur eru sannfærðir um að breytingin muni laða enn fleiri viðskiptavini að hótelinu.

Vill skýrari reglur um yfirtökuskyldur

Björgvin G. Sigurðsson viðskiptaráðherra vill skýrari reglur um yfirtökuskyldur fyrirtækja. Þetta sagði hann á ráðstefnu sem Fjármálaeftirlitið hélt í morgun. Ráðherra segir reglur um yfirtökuskyldu fyrirtækja afar óskýrar.

Matarverð hækkar innan OECD en þó ekki á Íslandi

Verðbólga á ársgrundvelli innan OECD mældist 1,8 prósent í ágúst síðastliðnum samkvæmt tölum sem birtar voru í dag. Hafði hún lækkað um 0,1 prósent frá fyrra mánuði.

Hækkanir í kauphöllinni

Hlutabréf hækkuðu almennt í verði í kauphöllinni í morgun. Úrvalsvísitalan hafði hækkaði um 1,97 prósent um klukkan hálf ellefu.

Miklar hækkanir í Japan

Miklar hækkanir urðu á hlutabréfum í Japan og komst Nikkei vísitalan í fyrsta skipti í átta vikur yfir 17 þúsund stig. Alls hækkaði Nikkei um 1,2 prósent.

Aukin bjartsýni meðal evrópskra fjárfesta

Hlutabréf á mörkuðum í Evrópu hækkuðu þegar opnað var fyrir viðskipti í morgun. FTSEurofirst 300 vísitalan hækkaði um 0,7 prósent.

Straumur ræður yfirmann lánasviðs í Lundúnum

Straumur-Burðarás Fjárfestingabanki hefur ráðið Andrew Bernhardt til starfa sem yfirmann lánasviðs félagsins í London.

Úrvalsvísitalan tók sprettinn

Gengi hlutabréfa tók sprettinn rétt fyrir lokun viðskipta í Kauphöllinni fyrir nokkrum mínútum. Gengi bréfa í 365 leiddi lestina fram eftir degi en það hækkaði langmest skráðra félaga í Kauphöllinni, eða um 7,97 prósent. Gengi allra fjármálafyrirtækjanna hækkaði sömuleiðis. Föroyabanki er það undanskilinn en gengi bréfa í honum lækkaði mest, um 2,17 prósent.

VGK-Hönnun fær risaverkefni í Ungverjalandi

VGK-Hönnun hefur samið við ungverska fyrirtækið Pannonplast Zrt um umsjón og hönnun á átta nýjum jarðvarmavirkjunum í Ungverjalandi. Umfang verkefnisins er um 30 milljarðar kr. og má reikna með að VGK-Hönnun fái um 5% í sinn hlut eða um 1,5 milljarða króna.

365 hf. hækka um rúm 8%

Það sem af er degi hefur gengið bréfa í 365 hf. hækkað um 8,37% í Kauphöllinni. Aðrir sem hafa hækkað m.a. eru Straumur-Burðarás með 2,29% og Össur hf, með 0,99%. Úrvalsvísitalan er aftur komin yfir 8000 stig og stendur í 8032 þessa stundina.

Asíulönd setja nýtt ferðamannamet

Samkvæmt nýjum tölum frá asísku ferðamannasamtökunum PATA hafa fleiri lönd í álfunni slegið fyrri met sín hvað fjölda ferðamanna varðar. Á síðasta ári komu 365 milljón alþjóðaflug til þessara landa sem er auking um 5,3% frá fyrra ári. Í ár er svo reiknað með um 380 milljón alþjóðaflugum til svæðisins.

Fasteignamarkaðurinn enn á útopnu

Fasteignamarkaður hefur verið mjög öflugur á þessu ári og endurspeglað góðar aðstæður í hagkerfinu til húsnæðiskaupa. Gott atvinnuástand og miklar launahækkanir hafa verið helsti drifkraftur markaðarins ásamt allgóðu aðgengi að lánsfjármagni. Allt þetta hefur gert það að verkum að eftirspurn eftir húsnæði hefur verið mikil og fólksfjölgun í landinu hefur einnig aukið eftirspurn. Fjallað er um málið í Morgunkorni Glitnis

Vodofone rekur stærsta víðnet landsins

Þorgerður Katrín Gunnarsdóttir, menntamálaráðherra, og Árni Pétur Jónsson, forstjóri Vodafone skrifuðu á fimmtudag undir samning þess efnis að Vodafone sjái um reksturs stærsta víðnets landsins næstu ár fyrir Menntamálaráðuneytið. Um er að ræða tölvunet sem tengir saman alla framhaldsskóla landsins og símenntunarstöðvar um allt land, samtals um 70 menntastofnanir.

DHL semur við Skýrr

DHL hefur samið við Skýrr um launaþjónustu og prentvinnslu. Annarsvegar útvistar DHL allri launatengdri starfsemi til Skýrr og hinsvegar mun Skýrr sjá um prentun á ölu útsendu efni DHL.

Risasala Eimskips vestan hafs

Eimskip hefur lokið sölu á 23 kæli- og frystigeymslum í Bandaríkjunum og Kanada fyrir 385 milljónir kanadadollara eða um 24 milljarða króna. Andvirði sölunnar verður nýtt til að greiða niður skuldir vegna yfirtöku á kanadíska félaginu Atlas Cold Storage í nóvember 2006.

Fasteignalánin bíta í afkomu UBS

Svissneski alþjóðabankinn UBS greindi frá því í dag að hann þurfi að afskrifa fjóra milljarða svissneskra franka, jafnvirði 211 milljarða íslenskra króna, vegna tapaðra útlána á bandarískum fasteignalánamarkaði. Þetta mun skila sér í því að bankinn tapar á bilinu 600 til 800 milljónum franka á þriðja ársfjórðungi.

Norski olíusjóðurinn eykur hlutabréfakaup

Knut Kjær forstjóri Norska olíusjóðsins tilkynnti í vikunni að sjóðurinn myndi auka hlutabréfakaup um 50 prósent. Knut sagði á ráðstefnu ABP lífeyrissjóðsins í Hollandi að hlutdeild sjóðsins í hlutabréfum yrði aukin úr 40 í 60 prósent af eignum.

Fasteignamat á Akranesi hækkar

Heildarfasteignamat íbúðarhúsnæðis á Akranesi hækkaði um 13,6 prósent samkvæmt endurmati Fasteignamats ríkisins. Bæjarstjórn Akraness fór fram á endurmatið. Fasteignamat eigna á Akranesi nú er 77 prósent af meðalfasteignamati samsvarandi eigna á höfuðborgarsvæðinu.

Stærri einkaflugvél fyrir góðan rekstur

Breska blaðið Telegraph segir að Baugur hafi verðlaunað forstjóra Iceland, frystivöruverslunarinnar í Bretlandi sem er í eigu Baugs, með því að leyfa honum að kaupa stærri einkaflugvél.

Fjárhagsstaða breskra heimila batnar

Fjárhagsleg staða heimila í Bretlandi hefur batnað um meira en helming á síðustu 10 árum. Ástæðuna má aðallega rekja til hækkandi húsnæðisverðs. Eftir að búið var að taka tillit til skulda heimilanna í lok síðasta árs voru eignir breskra heimila 803 þúsund billjónir íslenskra króna.

Frakki verður framkvæmdastjóri Alþljóðagjaldeyrissjóðsins

Dominique Strauss-Kahn hefur verið tilnefndur nýr framkvæmdastjóri Alþjóðagjaldeyrissjóðsins. Búist hafði verið við því að þessi fyrrverandi fjármálaráðherra Frakka og jafnaðarmaður í flrönskum stjórnmálum fengi stöðuna.

Hagnaður JJB Sports dregst saman

Sportvöruverslanakeðjan JJB Sports skilaði 38,3% minni hagnaði á fyrri hluta rekstrarársins en á sama tímabili í fyrra. Félagið, sem rekur 420 verslanir á Bretlandseyjum, hagnaðist um 11,2 milljónir punda fyrir skatta, sem svarar til 1,4 milljarða króna, samanborið við 18,2 milljónir punda árið 2006. JJB Sports er 30% í eigu Exista og forstjórans Chris Ronnie.

Sigurður Svavarsson hættir hjá Eddu

Sigurður Svavarsson, útgáfustjóri Eddu-útgáfu, hefur ákveðið að láta af störfum hjá fyrirtækinu nú þegar Edda pg JPV hyggjast sameinast. Þetta kemur fram í tilkynningu frá Eddu.

Launakostnaður hærri á Íslandi en í öllum evruríkjum

Launakostnaður á Íslandi er hærri en í öllum evruríkjunum þegar horft er til almenna vinnumarkaðarins. Munurinn mælist 30% á 2. ársfjórðungi 2007 en árið 2004 var munurinn 13%.

Risasjónvarp á átta milljónir

Eitt stærsta háskerpusjónvarp heims, 103 tommu plasmaflatskjár frá Panasonic, er til sýnis í verslun Sense í Kópavogi þessa dagana. Sjónvarpið er í eigu tækjaleigu Nýherja, en þrjú tæki hafa verið pöntuð til landsins til að setja í almenna sölu. Verðið er ekki fyrir alla, 7.990.000 krónur.

Langflestir kaupa flugmiða í gegnum netið

Vefur flugfélagsins Iceland Express var valinn besti vefurinn á heimsráðstefnu lággjaldaflugfélaga í Lundúnum í síðustu viku. Vefsvæði yfir hundrað lággjaldaflugfélaga tóku þátt í forvali, þar á meðal vefir easyJet, Ryanair, Southwest og JetBlue. Snorri Kristjánsson er vefritstjóri hjá Iceland Express.

Þúsund milljarðar króna í lán

Stjórnendur enska bankans Northern Rock hafa tekið alls um 1000 milljarða króna í lán frá Seðlabanka Englands til að bregðast við lausafjárskorti. Í síðustu viku tók bankinn lán upp á 650 milljarða króna.

Úrvalsvísitalan hækkar í kauphöllinni

Úrvalsvísitalan hefur hækkað um 0,03 prósent frá því opnað var fyrir viðskipti með hlutabréf í kauphöllinni í morgun. Mestu viðskiptin hafa verið með bréf í FL Group og Landsbankanum.

Hlutabréf í AMR hækkuðu í kjölfar bréfs Hannesar

Hlutabréf í AMR, móðurfélagi bandaríska flugfélagsins American Airlines, hækkuðu um 25 sent eða 1,1 prósent í gær eftir að fréttir bárust af því að Hannes Smárason, forstjóri FL Group, hefði sent stjórnendum AMR bréf og farið fram á það að gripið yrði til aðgerða til að laga rekstur fyrirtækisins.

Lækkun í Japan

Verð á hlutabréfum lækkuðu á hlutabréfamörkuðum í Japan í dag. Hlutabréf í ljósmyndaframleiðslufyrirtækinu Canon hækkuðu hins vegar um 2,6 prósent.

Hlutabréf lækka í Bretlandi

Hlutabréf í Bretlandi lækkuðu í verði við opnun markaða í morgun. Áhyggjur fjárfesta af hækkandi olíuverði skýrir lækkunina að mati sérfræðinga.

Tölvuleikirnir teknir í tollinum

Miðnæturopnunin í BT gekk ekki að öllu leyti vel og er tollinum á Keflavíkurflugvelli þar helst um að kenna. Innkaupastjóri BT hafði farið til London fyrr um daginn til að sækja tæplega sjötíu eintök af sérútgáfu leiksins (e. limited edition), sem ekki tókst að senda með pósti til Íslands í tæka tíð. Leikina átti að selja um leið og innkaupastjórinn kæmi í hús, enda margir búnir að panta eintak. Það fór ekki betur en svo að maðurinn var stöðvaður í tollinum og leikirnir gerðir upptækir.

FL Group þrýstir á breytingar hjá AMR

Hlutur FL Group í AMR er kominn í 9,14 prósent. Í tilkynningu frá félaginu er þrýst á um breytingar til að auka virði AMR. Gengi bréfa AMR hefur lækkað um 47 prósent frá því í janúar. FL Group kennir meðal annars um slælegri upplýsingagjöf.

Exista græddi 8 milljarða á sænskum bankaslag

Áform SEB bankans sænska um að kaupa 20% hlut sænska ríkisins í Nordea leiddi til þess að Sampo Group í Finnlandi hækkaði um fjögur prósent í dag og skilaði sú hækkun sér til Íslands. Hlutur Exista í Sampo hækkaði um 8,3 milljarða króna að markaðsvirði og hækkaði félagið um 1,89% í Kauphöllinni. Þess ber þó að geta að Exista færir hlut sinn í Sampo með hlutdeildaraðferð

Úrvalsvísitalan skreið yfir 8.000

Úrvalsvísitalan skreið yfir 8.000 stigin í dag en hún hækkaði um 0,43% eftir daginn og náði 8.005 stigum. Markaðurinn var fremur rólegur, mest hækkun var hjá Century Aluminium eða um 5,4% og gengið styrktist um tæp 0,4%.

Hannesi Smárasyni líkt við „flugdólg“

Hannes Smárason forstjóri FL Group þrýstir á AMR móðurfélag American Airlines að auka verðmæti félagsins sem fallið hefur um 50 prósent frá því í byrjun árs. Í bréfi sem hann sendi AMR og birt er á vefsíðu Wall Street Journal í dag segir hann möguleikana meðal annars liggja í að aðskilja vildarklúbb félagsins AAdvantage frá AMR.

Samþykkt að breyta Sparisjóði Svarfdæla í hlutafélag

Samþykkt var á fundi stofnfjáreigenda í Sparisjóði Svarfdæla í gærkvöld að breyta sjóðnum í hlutafélag. Af 120 stofnfjáreigendum greiddu 102 atkvæði með tillögunni en tveir voru á móti eftir því sem segir í tilkynningu.

Telja hægt að auka virði AMR um 250 milljarða

FL Group telur að hægt að auka virði AMR, móðurfélags bandaríska flugfélagsins American Airlines, um 250 milljarða króna, meðal annars með því að aðskilja vildarklúbb félagsins frá rekstri þess.

Færeyingar á botninum

Færeyski bankinn Foryo Banki hefur lækkað mest í verði í kauphöllinni frá því opnað var fyrir viðskipti í morgun. Almennt hafa hlutabréf hækkað í verði það sem af er degi.

Stofna prentkeðju á Íslandi, Færeyjum og Grænlandi

Íslenska félagið Kvos, sem meðal annars á Prentsmiðju Odda og Gutenberg, hefur gert sérleyfissamning við bresku prentkeðjuna Printing.com um að byggja upp prentþjónustu og sölustarfsemi að þeirra fyrirmynd á Íslandi, Grænlandi og í Færeyjum.