Telja nýjan landlækni allt of feitan

Regina Benjamin, nýr landlæknir Bandaríkjanna, þykir allt of feit til að gegna svo hárri stöðu innan heilbrigðiskerfisins og hefur skömmunum rignt yfir hana, mestmegnis frá öðrum læknum.

Týndi síma og fyrirfór sér

Verkfræðingi hjá kínverskum framleiðanda iPhone-síma varð svo mikið um þegar ný frumgerð símans týndist að hann stökk fram af tólftu hæð á vinnustað sínum.

Vísað úr landi vegna meintra hryðjuverkatengsla

Dönsk yfirvöld hafa vísað tæplega fertugum íröskum múslima úr landi vegna gruns um að hann hafi tengsl við hryðjuverkasamtök.

Sonur bin Ladens líklega fallinn

Líklegt þykir að Sa'ad, sonur Osama bin Laden, hafi látið lífið í árás ómannaðrar orrustuflugvélar í Pakistan snemma á þessu ári.

Hjó höfuð af blaðamanni

Úkraínski hershöfðinginn Alexei Pukach hefur verið tekinn höndum vegna gruns um að hann hafi rænt umdeildum blaðamanni fyrir níu árum og höggvið af honum höfuðið.

Breskt herskip tók 750 kíló af kókaíni

Herskip á vegum konunglega sjóhersins breska stöðvaði smyglskip undan strönd Suður-Ameríku í byrjun vikunnar og lagði áhöfnin hald á um 750 kíló af kókaíni, sem að öllum líkindum var á leið til Bandaríkjanna.

Heilbrigðismálin gætu þurft að bíða

Bandaríkin Barack Obama hefur nú í vikunni mætt harðri andstöðu á Bandaríkjaþingi gegn frumvarpi sínu um víðtækar umbætur í heilbrigðismálum. Stórum hluta þingmanna, einkum repúblikönum en einnig mörgum demókrötum, vex í augum sá kostnaður sem frumvarpið er talið hafa í för með sér fyrir ríkissjóð.

Slegist á þingi

Slagsmál brutust út á þingi Suður-Kóreu í Seúl í gær. Tilefnið var umdeilt fjölmiðlafrumvarp, sem var samþykkt, en það losar um takmarkanir á eignarhaldi fjölmiðla.

Lengsti sólmyrkvi þessarar aldar

Milljónir manna söfnuðust saman í Asíuríkjum í dag til þess að fylgjast með lengsta sólmyrkva sem verður á þessari öld. Sólmyrkvinn hófst á Indlandi og fór þaðan yfir Nepal, Bangladesh, Bhutan, Burma og Kína. Frá meginlandi Asíu lá leiðin suðaustur yfir Kyrrahaf.

Lottómilljónamæringur ætlar í tívolí

Hún datt heldur betur í lukkupottin einstæða þriggja barna móðirin frá Køge í Danmörku. Konan, sem hafði þegið bætur frá hinu opinbera, ákvað að festa kaup á lottómiða laugardaginn 11. júlí síðastliðinn.... og viti menn!

Allt að 3000 Danir munu látast vegna svínaflensunnar

Búist er við því að allt að þrjú þúsund Danir munu látast vegna inflúensu A eða svokallaðrar svínaflensu.

Deilt um einkalíf Berlusconis í ítalska þinginu

Hart var deilt í ítalska þinginu í gær vegna einkamála Silvios Berlusconis, forsætisráðherra landsins. Nýlega fundust upptökur af samtali hans við vændiskonu, en í því samtali lýsir Berlusconi mjög frjálslega skoðunum sínum á samskiptum sínum við kvenfólk.

Hveitibrauðsdögum Obama lokið

Hveitibrauðsdagar Baracks Obama í embætti forseta Bandaríkjanna virðast vera á enda. Hann hefur aldrei notið minni vinsælda samkvæmt skoðanakönnunum. Könnun sem Gallup gerði fyrir USA Today sýnir að nú, sex mánuðum eftir að hann tók við embætti, nýtur Obama minni vinsælda en George Bush gerði sex mánuðum eftir að hann tók við embætti.

Viðurkennir gáleysisleg orð

Japan, AP Taro Aso, forsætisráðherra Japans, rauf þinghald neðri deildar japanska þingsins í gær og boðaði til kosninga í næsta mánuði. Skoðanakannanir benda til þess að uppstokkunar sé að vænta í japönskum stjórnmálum, þar sem Frjálsyndi lýðræðisflokkurinn hefur verið ráðandi afl í meira en hálfa öld.

Keppni harðnar um sjö undur veraldar

Vilja taka harðar á netþjófnaði

Franska þingið ræðir nú nýja útgáfu frumvarps að lögum um netþjófnað. Fyrri útgáfa frumvarpsins reyndist brjóta í bága við stjórnarskrá Frakklands. Í frumvarpinu er mælt fyrir um stighækkandi refsingar fyrir ítrekuð brot.

Vill að Úkraína gangi í NATO

Joe Biden, vara­forseti Bandaríkjanna, segir að Bandaríkjastjórn myndi fagna því ef Úkraína sækti um aðild að Atlantshafsbandalaginu.

Eldri borgurum snarfjölgar

Eldri borgurum heimsins hefur aldrei fjölgað eins ört og nú og stutt er í að eldra fólk verði fleira í Bandaríkjunum en það yngra.

Tunglfarar líta til baka

Tunglfararnir Neil Armstrong, Buzz Aldrin og Michael Collins komu saman í gær á geimferðasafni Bandaríkjanna og minntust þess að 40 ár voru liðin frá því að þeir tveir fyrstnefndu stigu fyrstir manna fæti á tunglið.

Lögreglumenn grýttir

Töluvert hefur verið um árásir á lögreglumenn á hátíð sem nú stendur yfir í Gråsten í Danmörku.

Illa gengur að loka Guantanamo

Illa virðist ætla að ganga að loka Guantanamo-fangelsinu á Kúbu. Barack Obama Bandaríkjaforseti lofaði því að fangelsinu yrði lokað í dag en þau fyrirheit virðast ekki ætla að ganga eftir.

Signubakkar verða að strönd

Bökkum árinnar Signu í París hefur verið breytt í sandströnd, með tilheyrandi pálmatrjám, sólbaðsstólum, hengirúmum og útisturtum. Uppátækið nefnist Strandir Parísar, og er þetta nú gert í áttunda sinn.

Áframhaldandi spenna í Íran

Æðsti leiðtogi Írans, Ayatollah Ali Khamenei, varaði stjórnarandstöðu landsins í gær við því að halda áfram mótstöðu sinni. Viðvörunin kom í kjölfar þess að fyrrverandi forseti Írans, Mohammad Khatami, kallaði eftir þjóðaratkvæðagreiðslu um lögmæti ríkis­stjórnarinnar. Það sé eina leiðin út úr því ástandi sem nú ríki í landinu.

Hryðjuverkaógn minnkar í Bretlandi

Hættustig gagnvart hryðjuverkum hefur verið lækkað í Bretlandi úr miklu í töluvert í fyrsta skipti síðan að hryðjuverk voru framin þar í júlí 2005.

Elsti lundi í Evrópu er 34 ára gamall

Elsti lundi í Evrópu er 34 ára gamall. Það var áhugahópur um fugla- og fuglamerkingar sem fann lundann við Shiant eyju við vesturhluta Skotlands þegar hópurinn var í fuglaskoðunarferð.

Drykkja kínverskra skrifstofumanna aldrei meiri

Áfengisdrykkja telst hreinlega hluti af starfi margra skrifstofumanna í Alþýðulýðveldinu Kína með tilheyrandi kostnaði fyrir hið opinbera auk annarra vandræða.

Fjör í dönsku brúðkaupi

Hjónaband danskra brúðhjóna hófst heldur betur með látum núna um helgina þegar brúðguminn lenti í slagsmálum við sína eigin fjölskyldu í veislunni.

Neita flensusjúklingum um flugfar

Bresku flugfélögin British Airways og Virgin Atlantic ætla að meina farþegum sem grunaðir eru um að vera smitaðir af svínaflensu að ferðast með flugvélum þeirra.

Danir og Svíar treysta börnum á Netinu

Danskir og sænskir foreldrar treysta börnum sínum betur á veraldarvefnum en foreldrar í öllum öðrum ríkjum innan Evrópusambandsins, ef marka má rannsókn sem Berlingske Tidende vísar til í dag.

Jyllands-Posten gerir grín að ESB umsókn Íslendinga

Aðildarumsókn Íslendinga að Evrópusambandinu og átökin á Alþingi fyrir helgi hafa vakið athygli víða erlendis, ekki síst hjá grannþjóðunum.

Herflugvél hrapaði í Afganistan

Herflugvél á vegum Atlantshafsbandalagsins hrapaði í Kandahar í Suður-Afganistan í morgun skömmu eftir flugtak. Nokkurra manna áhöfn var í vélinni og komst hún klakklaust út úr flakinu.

Churchill var ósáttur við loftvarnabyrgi

Winston Churchill, forsætisráðherra Bretlands í síðari heimsstyrjöldinni, varð æfur af reiði þegar hann uppgötvaði að loftvarnabyrgi ætlað honum var alls ekki sprengjuhelt.

Nær milljón Bretar í hlutastörfum

Næstum því ein milljón Breta neyðist til þess að stunda hlutastörf þar sem vinnuveitendur hafa skorið starfshlutfall þeirra niður í kreppunni.

Enn reynt að tala um fyrir Norður-Kóreumönnum

Suður-Kóreumenn freistuðu þess í morgun að fá Norður-Kóreumenn að samningaborðum að nýju og hvetja þá til að láta af kjarnorkuáætlun sinni.

Fjörutíu ár frá tunglferð Armstrongs og félaga

Fjörutíu ár eru liðin í dag frá því að fyrstu geimfararnir gengu á tunglinu. Áhöfn geimfarsins Apollo 11 hvetur til þess að fleiri tilraunir verði gerðar til þess að senda mannað geimfar til Mars.

Fimm látnir eftir fjöldamorð í Sydney

Fimm manns, þar á meðal tvö börn, liggja í valnum eftir skelfilegt fjöldamorð í heimahúsi í Sydney í Ástralíu. Talið er að fólkið hafi verið barið til dauða af tilefnislausu.

Sextán létust er þyrla hrapaði í Afganistan

Sextán manns létust þegar þyrla hrapaði í Afganistan í dag, fimm eru særðir. Samkvæmt upplýsingum frá Nato er talið að um slys hafi verið að ræða frekar en árás uppreisnarmanna. Þyrlan var ekki í eigu hersins og því voru óbreyttir borgarar að ferðast með henni.

Myndband af hermanni í haldi Talibana birt á netinu

Myndband heftur verið birt á netinu sem sýnir bandarískan hermann, sem saknað hefur verið um nokkurt skeið, í haldi Talibana. Hermaðurinn hvarf í Suðaustur-Afganistan í júní en ekkert hefur spurst til hans síðan.

Lögregla endurskapar andlit manns sem sprengdi sig upp

Lögreglan í Indónesíu segist vera endurskapa andlit manns sem sprengdi sig í loft upp á lúxushóteli í höfuðborg landsins, Jakarta, í vikunni. Lögreglan notast meðal annars við líkamsleifar mannsins og freistar þess að finna út hver hann var til þess að átta sig á hvort einhverjar tengingar séu við hópa öfgafullra íslamista.

Að minnsta kosti ellefu létust í óveðri í Evrópu

Að minnsta kosti ellefu manns létu lífið í miklu óveðri sem gekk yfir meginland Evrópu í gær. Mikil úrkoma var á Ítalíu og vindhraði mikill.

Fann tólf tíma gamalt barn á víðavangi

Rússneskum sveppasafnara brá heldur betur í brún þegar að hann fann alblóðugt handklæði í austurhluta Síberíu nýverið. Þegar að hann gáði betur sá hann að nýfætt stúlkubarn var vafið inn í handklæðið.

Yfir 4000 svínaflensutilfelli í Japan

Fjöldi H1N1 flensutilfella eða svokallaðra svínaflensutilfella er kominn yfir 4000 í Japan, eftir því sem talsmenn heilbrigðisráðuneytisins þar í landi hafa fullyrt. Associated Press fréttastofan segir að flest tilfellin þar í landi séu væg og engin alvarleg tilfelli hafi greinst síðan að flensan greindist þar í maí síðastliðnum.

Þekktur hryðjuverkamaður eftirlýstur vegna árása í Jakarta

Þekktur hryðjuverkamaður frá Malasíu er eftirlýstur vegna hryðjuverkaárása á tvö lúxus hótel í Indónesíu í þar sem níu manns létu lífið.

Áhorfandi á Tour de France varð fyrir mótorhjóli og lést

Kona lést þegar hún varð fyrir lögreglumótorhjóli þar sem hún stóð og horfði á Tour de France hjólreiðakeppnija. Konan var að ganga yfir götu þegar mótorhjólið keyrði á hana. Mótorhjólið rann síðan á tvo aðra aðila sem slösuðust við það.

Jemaah Islamiyah lætur að sér kveða

Öll spjót beinast að Jemaah Islamiyah hópnum eftir að tvær sprengjur voru sprengdar í Jakarta, höfuðborg Indónesíu í gær. Átta eru látnir og fimmtíu og fimm slasaðir.