Afsögn vegna íkveikju í Líbanon

Hassan Sabei, innanríkisráðherra Líbanons, hefur sagt af sér vegna árásar á ræðismannsskrifstofu Dana í Beirút um helgina. Reiðir mótmælendur kveiktu þar í vegna skopmynda af Múhameð spámanni sem birtust í Jótlandspóstinum fyrir nokkrum mánuðum.

Sjálfsmorð í umferðinni hugsanlega algengari en áður var talið

Sjálfsmorð og sjálfsmorðstilraunir í umferðinni er ekki óþekkt fyrirbæri. Í Danmörku hefur hingað til verið talið að um 1-2% af öllum dauðsföllum í umferðinni séu sjálfsmorð en rannsóknir frá Svíþjóð, Finnlandi og Írlandi gefa til kynna að um 3-7% dauðsfalla í umferðinni séu sjálfsmorð.

Dönum ráðlagt frá því að ferðast til Miðausturlanda

Danska utanríkisráðuneytið hefur ráðlagt fólki að ferðast ekki til fjölmargra landa í miðausturlöndum nema nauðsyn beri til, frá og með deginum í dag. Um 3.000 manns sem voru á leið til Egyptalands, Túnis og Marakkó í dag, komast því ekki í vetrarfrí en framkvæmdarstjóri Star tour ferðaskrifstofunnar í Danmörku segir að reynt verði að bjóða viðskiptavinum ferðir til annarra landa í staðin, meðal annars til Kanaríeyja.

Vilja áframhaldandi viðræður

Talsmaður Írana í utanríkismálum segir ekki hundrað í hættunni, þótt máli þeirra hafi verð vísað til Öryggisráðsins. Bandaríkjamenn hafa ekki útilokað árásir á landið en Íranar ákváðu í gær að meina eftirlitsmönnum Alþjóðakjarnorkumálastofnunarinnar aðgang að kjarnorkuverum sínum. Þeir segjast þó reiðubúnir til áframhaldandi viðræðna um málið.

Danahatur breiðist út

Danahatur breiðist út í múslímalöndum eins og eldur í sinu. Æstur múgur réðst inn í dönsku ræðismannsskrifstofuna í Líbanon í dag og kveikti í henni. Öfgasinnaðir trúarleiðtogar hvetja liðsmenn sína til morða og hryðjuverka í Danmörku.

Meðlimir Al Qaida sluppu úr fangelsi í Yemen

Alþjóða lögreglan Interpol lýsir eftir tuttugu og þremur mjög hættulegum föngum sem struku úr fangelsi í Yemen á föstudag. Þrettán þeirra eru meðlimir hryðjuverkamsamtakanna Al Qaida og áttu þátt í sprengjuárásum á frönsk og bandarísk herskip árið 2000 og 2002. Fangarnir grófu yfir 140 metra löng göng út úr fangelsinu og er óttast að hópurinn ætli að fremja hryðjuverkaárásir. Nöfn, myndir og fingraför hafa verið afhent Interpol og er nú mannanna leitað um allan heim.

Íranar eru reiðubúnir til viðræðna vegna kjarnorkuáætlana þeirra

Íranar eru reiðubúnir til viðræðna vegna kjarnorkuáætlana þeirra, degi eftir að Alþjóða kjarnorkumálastofnunin samþykkti að vísa Írönum til öryggisráðs Sameinuðu þjóðanna.

Fjögur ný tilfelli af H5N1 í Indónesíu.

Fjögur ný tilfelli fuglaflensu eru komin upp í Indónesíu. Staðfest hefur verið að um er að ræða H5N1 afbrigði veirunnar sem er skæðasta gerð fuglaflensunnar. Tveir sjúklinganna eru nú þegar látnir vegna veikinnar. Alls hafa því tuttugu og þrír fengið fuglaflensu í Indónesíu en þar af eru sextán látnir.

Létust er öryggishlið féll á tónleikum

Þrír létust og yfir fjörutíu aðdáenda mexíkanskrar popphljómsveitar slösuðust þegar öryggishlið féll á þá í Sao Paolo í Brasilíu í gær. Nokkur þúsund aðdáendur voru staddir fyrir utan verslunarmiðstöð þar í borg til að hitta félaga í hljómsveitinni RBD þegar slysið varð.

Þrír liðsmenn Al-Aqsa féllu í gærkvöld

Þrír liðsmenn Al-Aqsa herdeildanna, hernaðararms Fatah-samtaka Palestínumanna, féllu í árásum ísraelsmanna þegar herþyrlur gerðu flugskeytaárás á Gasaborg seint í gærkvöld.

Ekkert lát er á mótmælum vegna myndbirtinga af Múhameð spámanni.

Ekkert lát er á mótmælum múslíma um allan heim vegna myndbirtinga af Múhameð spámanni. Hóta öfgasinnuð samtök morðum og hryðjuverkum í Danmörku sem og í fleiri Evrópuríkjum.

300 hefur verið bjargað

Um þrjú hundruð farþegum ferjunnar sem sökk í Rauðahafið í fyrrinótt hefur verið bjargað en enn er óttast um afdrif um ellefu hundruð manna. Alls voru um fjórtán hundruð manns um borð en litlar líkur eru taldar á að fleiri finnist á lífi.

Ekkert neyðarkall barst frá egypsku ferjunni

Ekkert neyðarkall barst frá egypsku ferjunni áður en hún hvarf af ratsjá og sökk í Rauðahafið í nótt. Talið er að um þrettán hundruð manns hafi verið um borð en aðeins hefur tekist að bjarga um eitt hundrað þeirra. Ekki er talið að um hryðjuverk hafi verið að ræða.

Öfgatrúarmönnum heitt í hamsi

Öfgatrúarmenn hótuðu öllu illu í dag, á helgidegi múslíma, vegna birtinga á skopmyndum af spámanninum Múhameð. Í Indónesíu réðst múgur að danska sendiráðinu. Í Líbanon og Íran gengu þúsundir manna um götur og brenndu danska og norska fánann. Ritstjóri norska blaðsins sem birti myndirnar segist nú sjá eftir því. Og í Danmörku átti forsætisráðherrann fund með sendiherrum múslímaþjóða.

Hæsti vinningur dreginn út í kvöld

Hæsti lottóvinningur í sögu Evrópu verður dreginn út í kvöld. Vinningurinn nemur um 14 miljörðum íslenskra króna. Íbúar í níu Evrópulöndum spila í lottóinu og eru líkur á að hreppa vinninginn einn á móti 76 milljónum. Fyrsti vinningur hefur ekki gengið út 11 vikur í röð og hefur mikil ásókn verið í miða upp á síðkastið.

Var skotinn í olnbogann

Lítill drengur varð varð fyrir skoti í skólarútu í Los Angeles í Bandaríkjunum í dag þegar bekkjarbróðir hans hleypti óvart af úr byssu sem hann var með í fórum sínum. Drengurinn, sem er á bilinu sex til níu ára gamall, er ekki í lífshættu en skotið fór í olnboga drengsins. Drengirnir voru að skoða skammbyssuna þegar óhappið varð.

Um eitt hundrað manns bjargað

Ekkert neyðarkall barst frá egypsku ferjunni áður en hún hvarf af radsjá og sökk í Rauðahafið í nótt. Talið er að um þrettán hundrið manns hafi verið um borð en aðeins hefur tekist að bjarga um eitt hundrað þeirra. Ekki er talið að um hryðjuverk hafi verið að ræða.

Árásir á Gaza halda áfram

Sjö mánaða gamalt barn slasaðist, þó ekki alvarlega, þegar eldflaug herskárra Palestínumanna lenti nærri samyrkjubúi á Gaza-svæðinu í dag. Þá slasaðist faðir barnsins einnig í árásinni. Fjölskylda barnsins flutti til samyrkjubúsins eftir að landnemabyggðir sem hún bjó í voru leystar upp í fyrrasumar.

Íransstjórn hyggst draga úr innflutningi á bensíni

Íransstjórn hyggst framleiða tvær milljónir tunna af olíu á dag til þess að draga úr innflutningi á bensíni. Fulltrúi Írana í samtökum olíuflutningsríkja, OPEC, segir áætlun um þetta hafa verið gerða og þrjár aðrar olíuhreinsunarstöðvar verði byggðar að auki í framtíðinni. Hvert þeirra mun geta framleitt 120 þúsund tunnur á dag. Á undanförnum fimm árum hefur Íran aukið hreinsunargetu sína úr 1.350.000 tunnur í 1.640.000.

Ákvörðunin röng og ósiðleg

Jack Straw, uanríkisráðherra Bretlands, segir þá ákvörðun nokkurra ritstjórna að birta skopteikningar af Múhameð spámanni í dagblöðum ranga og ósiðlega. Hann segir ákvörðunina sýna skort á samúð. Þetta sagði hann á blaðamannafundi ásamt utanríkisráðherra Súdans, sem var á fundi með honum í Lundúnum í dag.

Ráðist á danska sendiráðið í Jakarta

Reiðir múslimar réðust inn í sendiráð Dana í Jakarta í Indónesíu í morgun. Þeir gengu berserksgang í andyri sendiráðsins og kröfðust þess að Indónesía sliti stjórnmálasambandi við Danmörku vegna mynda af spámanninum Múhameð sem birtust í Jyllandsposten.

Slæm mæting í öryggisráðið

Það var heldur tómlegt um að litast í öryggisráði Sameinuðu þjóðanna þegar fundur var settur í gær á slaginu tíu. John Bolton sendiherra Bandaríkjanna sem nú er í forsæti var einn mættur.

Kjarnorkudeilan tekin fyrir á morgun

Stjórn Alþjóða kjarnorkumálastofnunarinnar hefur frestað til morguns fundi um kjarnorkuáætlun Írana sem hófst í dag. Stjórnin tekur því á morgun ákvörðun um það hvort kjarnorkudeilu Írana og Vesturveldanna verði vísað til Öryggisráðs Sameinuðu þjóðanna.

Bandrískum sendiráðsstarfsmanni vísað úr landi

Hugo Chavez, forseti Venesúela, tilkynnti í dag að hann ætlaði að vísa úr landi bandarískum sendiráðsstarfsmanni vegna ásakana um njósnir. Maðurinn mun vera starfsmaður Bandaríkjahers og hefur verið efið að sök að hafa stundað njósnir í Venesúeal í samstarfi við þarlenda herforingja.

4 tonn af hassi tekin

Franska lögreglan lagði í dag hald á tæp fjögur tonn af hassi. Efnið fannst í vöruflutningabíl sem kom til frönsku borgarinnar Lille frá Spáni en bílinn er sagður breskur.

Palestínumenn hóta að ræna Evrópubúum

Erlendir sendifulltrúar og blaðamenn hafa margir hverjir yfirgefið landsvæði Palestínumanna í dag. Grímuklæddir palestínskir byssumenn hótuðu því í kvöld að ræna útlendingum vegna skopmynda af Múhameð spámanni sem birtar hafa verið í evrópskum dagblöðu. Þá hafa Mubarak, Egyptalandsforseti, og Ahmadinejad, forseti Írans, bæst í hóp þeirra sem gagnrýna myndbirtinguna.

Olíuflutningaskip strandar við Alaska

Olíuflutningaskip með rúmlega 100 þúsund tunnur af olíu sigldi í strand í höfn í bænum Nikiski, suð-vestur af Anchorage í Alaska í kvöld. Svo virðist sem festar skipsins hafi losnað og þar strandað í botnleðju.

Skopmyndir af spámanninum í erlendum blöðum

Dagblöð bæði í Sviss, Þýskalandi, Ungverjalandi og á Spáni, hafa birt einhverjar af myndunum sem Jótlandspósturinn birti fyrstur, og franska blaðið Le Mond birti grínteikningu af deilunni.

10 féllu í sprengjuárásum í Bagdad

Að minnsta kosti 10 létu lífið og hátt í 60 særðust þegar tvær bílasprengjur sprungu í Bagdað í Írak í dag.

Lögreglan í Kaupmannahöfn fundar með leiðtogum múslima

Lögreglan í Kaupmannahöfn hélt fund með leiðtogum múslima í morgun til að reyna að lægja öldurnar eftir skopteikningarnar af Múhammeð sem birtust í Jótlandspóstinum.

Sprengjutilræði í Bilbao í gærkvöld

Sprengja sprakk nærri pósthúsi í útjaðri borgarinnar Bilbao í Baska-héruðum Spánar í gærkvöld. Engan sakaði í tilræðinu en basknesku aðskilnaðarsamtökin ETA stóðu á bak við það og höfðu varað við sprengjunni.

Smygluðu heróíni innvortis í hvolpum

Fíknefnalögreglan í Bandaríkjunum hefur handtekið 22 Kólumbíumenn fyrir að hafa reynt að smygla yfir 20 kílóum af heróíni inn í Bandaríkin, meðal annars innvortis í hvolpum.

Næringarslöngu komið fyrir í maga Sharons

Læknar Ariels Sharon, fyrrverandi forsætisráðherra Ísraels, komu í gær næringarslöngu fyrir í maga hans. Hann hefur enn ekki komist til meðvitundar síðan hann fékk alvarlegt heilablóðfall í janúar.

Sprengja sprakk við bragga í Beirút

Einn hermaður slasaðist þegar öflug sprengja sprakk við hermannabragga í Beirút í Líbanon í morgun. Skömmu áður en sprengjan sprakk barst viðvörun frá manni sem sagðist tala fyrir al-Qaida í Líbanon. Hann sagði að árás yrði gerð til að hefna fyrir handtökur á þrettán al-Qaida liðum í Líbanon í janúar.

Þinghúsinu á Sri Lanka lokað vegna ótta við hryðjuverk

Þinghúsinu í Colombo á Srí Lanka var lokað í morgun af ótta við hryðjuverk. Leitarhundar sýndu óeðlileg viðbrögð við reglubundið eftirlit í nótt og þótti ekki á annað hættandi en að fresta fyrirhuguðum þingfundi á morgun.

Ritstjóri France Soir rekinn fyrir að birta teikningar

Eigandi franska dagblaðsins France Soir hefur rekið ritstjóra þess fyrir að hafa birt teikningarnar af Múhameð spámanni í blaðinu í gær. Í tilkynningu segir eigandinn ákvörðunina eiga að vera skýrt merki um virðingu fyrir trú manna og sannfæringu.

Úlit fyrir að máli Írana verði vísað til öryggisráðs SÞ

Allt stefnir í að kjarnorkuáætlun Írana verði vísað fyrir öryggisráð Sameinuðu Þjóðanna síðar í dag. Þær fimm þjóðir sem eiga fast sæti í ráðinu hafa mælst til þess að Alþjóðakjarnorkumálastofnunin vísi málinu til öryggisráðsins á neyðarfundi sínum í dag.

Ritstjórnarskrifstofur Jótlandspóstsins rýmdar aftur í gær

Ritstjórnarskrifstofur Jótlandspóstsins í Kaupmannahöfn og Árósum voru aftur rýmdar í gærkvöldi vegna sprengjuhótunar. Um kvöldmatarleytið hringdi enskumælandi maður úr símaklefa og varaði við sprengingum innan klukkustundar á skrifstofum blaðsins.

Hvatt til hryðjuverka gegn Norðmönnnum og Dönum

Óánægja múslíma í arabaheiminum er komin á það stig að hvatt hefur verið til hryðjuverka gegn Norðmönnum og Dönum á heimasíðu íslamskra öfgasamtaka. Fánar þessara frændþjóða okkar voru víða brenndir í Miðausturlöndum í dag.

Átök á Vesturbakkanum milli landnema og Ísraelshers

Átök urðu milli landnema og ísraelska hersins í Ramallah á Vesturbakka Jórdanar í dag. Landnemarnir höfðu slegið hring um byggingar sem herinn átti að rífa og köstuðu grjóti og eggjum í lögreglumenn.

Die Welt birtir hluta myndanna af Múhameð spámanni

Þýska stórblaðið Die Welt hefur nú bæst í hóp þeirra blaða sem birt hafa hluta af hinum umdeildu myndum af Múhameð spámanni. Myndirnar hafa valdið mikilli reiði meðal múslíma sem sumir hafa gripið til þess ráðs að sniðganga danskar vörur.

Leggja til að mál Írana fari fyrir öryggisráðið

Fulltrúar ríkja með fast sæti í öryggisráði Sameinuðu þjóðanna hafa sent frá sér ályktun þar sem mælst er til þess að málefni Írans verði send fyrir öryggisráðið. Hingað til hafa Rússar og Kínverjar dregið lappirnar og ýjað að því að réttast væri að halda áfram samningaviðræðum við Írana.

Réttarhöld halda áfram þrátt fyrir fjarveru Saddams

Réttarhöldin yfir Saddam Hussein héldu áfram í morgun þó að hann og lögfræðingar hans hafi ákveðið að sniðganga réttarhöldin. Snemma í morgun var réttarhöldunum frestað vegna ágreinings um starfsaðferðir. Á tólfta tímanum var svo ákveðið að halda réttarhöldunum áfram þrátt fyrir að aðeins þrír sakborningar af átta væru mættir og enginn verjandi.

Franskt blað birtir myndirnar af Múhameð spámanni

Franska blaðið France Soir birti í morgun hinar umdeildu teikningar af Múhameð spámanni sem birtust upphaflega í danska blaðinu Jótlandspóstinum. Myndirnar hafa vakið hörð viðbrögð í löndum múslíma enda segja þeir teikningarnar guðlast.

Her- og lögreglumenn drepnir í Nepal

Minnst nítján her- og lögreglumenn létust í átökum við uppreisnarmenn úr röðum maóista í vesturhluta Nepals í nótt. Fjölmargra lögreglumanna er saknað eftir áhlaup þúsund uppreisnarmanna á fimm þorp. Árásin varð í aðdraganda ávarps Gyanendra konungs landsins í tilefni þess að ár er nú liðið síðan hann tók sér alræðisvald í landinu.