Nauðsynlegt að taka á öryggisferlum á leikskólum

"Slysið sem átti sér stað á leikskólanum í Hafnarfirði var afar alvarlegt. Því miður er ákveðið úrræðaleysi þegar slys eins og þessi eiga sér stað." Þetta segir Herdís Storgaard, verkefnisstjóri slysavarna barna.

Hjónin ekki enn fundin

Ekkert bólar á þýsku hjónunum sem ætluðu að ganga yfir Eyjabakkajökul á laugardaginn. Þyrla Landhelgisgæslunnar hefur leitað fólksins í kvöld og hefur sveimað yfir jöklinum síðustu klukkustundir.

Sonurinn handleggsbrotinn og enginn tók eftir

Móðir í Hafnarfirði hefur farið fram á að starfsfólk á leikskólum verði þjálfað í slysahjálp eftir að sonur hennar gekk handleggsbrotinn um deildir skólans í tvær klukkustundir.

Niðurskurður farin að ógna öryggi sjúklinga

Mikilvægt er að fjölga læknum svo heilsugæslan geti sinnt sínu hlutverki. Þetta segir lækningaforstjóri Heilsugæslunnar. Mikið álag hefur verið á starfsmönnum bráðadeilda og heilsugæslu vegna manneklu og skipulagsbreytinga. Heilsugæslulæknir segir þolmörkin brostin.

Máney Dís fær iPad og brosir hringinn

Hjálpsamir borgarar og félagasamtök brugðust skjótt við í gær eftir að við sögðum fréttir af henni Máney Dís, stúlku sem hefur legið rúmliggjandi á Barnaspítalanum í sumar og látið sig dreyma um iPad til að stytta sér stundir. Hún er nú farin að safna sér fyrir ferðalagi til að fara í þegar hún nær heilsu á ný.

Magn frjókorna í hámarki

Grasfrjó eru nú í hámarki samkvæmt mælingum Náttúrufræðistofnunar, fólki með ofnæmi til mikils ama. Lyfsali segir marga rugla saman kvefi og ofnæmi á þessum árstíma.

Íslensk stjórnvöld styðja hertar aðgerðir gegn Sýrlandi

Íslensk stjórnvöld lýsa yfir fullum stuðningi við hertar aðgerðir alþjóðasamfélagsins gagnvart Sýrlandi. Utanríkisráðherra ítrekar sömuleiðis fordæmingu á framferði sýrlenskra stjórnvalda.

Þyrlan Landhelgisgæslunnar komin á staðinn

Leit stendur enn yfir af þýskum hjónum sem ætluðu að ganga yfir Eyjabakkajökul. Þyrla Landhelgisgæslunnar er komin á staðinn en svæðið er illfært yfirferðar bæði ökutækjum og gangandi.

Smokkurinn og almenn skynsemi enn bestu forvarnirnar gegn alnæmi

Lyfið Truvada hefur verið samþykkt af bandaríska lyfjaeftirlitinu sem forvörn gegn alnæmissmiti. Yfirlæknir á sóttvarnarsviði Landspítalans segir að lyfið sé ekki nýtt af nálinni, notkun þess sem forvörn sé aftur á móti nýmæli.

Leita þýskra hjóna

Eftirgrennslan er hafin vegna þýskra hjóna í nágrenni við Snæfell, sem er hluti af Vatnajökulsþjóðgarði. Þyrla Landhelgisgæslunnar er á leið austur til þess að taka þátt í hugsanlegri leit.

Brunaboði fór í gang í Leifsstöð

Brunaboði fór í gang í Leifsstöð nú á þriðja tímanum í dag. Þar reyndist þó ekki um eld að ræða heldur fór boðinn í gang vegna vinnu starfsfólks. Ekki kom til þess að flugstöðvarbyggingin yrði rýmd.

Ætlar ekki að kæra

Konan sem talið er að fjórir menn hafi brotið gegn í miðborg Reykjavíkur á sunnudagsmorgun ætlar ekki að kæra þá fyrir kynferðisbrot. Þetta segir Björgvin Björgvinsson, yfirmaður kynferðisbrotadeildar lögreglunnar á höfuðborgarsvæðinu.

Hommar deila um eignarhald á ketti

Karlmaður sakar fyrrverandi sambýlismann sinn um að hafa stolið frá sér ketti sem þeir héldu á meðan þeir voru í sambúð. Hann hefur kært manninn til lögreglunnar. Lögreglan á höfuðborgarsvæðinu krafðist þess að fá að gera húsleit hjá sambýlismanninum fyrrverandi til að kanna hvort hann sé enn með köttinn í fórum sínum, en Héraðsdómur Reykjavíkur hafði áður hafnað kröfunni og Hæstiréttur komst að sömu niðurstöðu í gær. Meðferð málsins er enn fyrir dómstólum þrátt fyrir að kröfu um húsleitina hafi verið hafnað.

Fjórir sluppu ómeiddir úr bílveltu

Fjórir sluppu ómeiddir þegar bíll valt á Uxahryggjavegi, í grennd við Sandkluftavatn, í Bláskógabyggð rétt fyrir hádegi í dag. Samkvæmt upplýsingum frá lögreglu var enginn fluttur á slysadeild en bíllinn er töluvert skemmdur.

Byrsmenn munu hugsanlega kæra til Mannréttindadómstólsins

Ekki er útilokað að verjendur þeirra sem dæmdir voru í Exetermálinu í vor kæri niðurstöðu Hæstaréttar til Mannréttindadómstóls Evrópu. Þeir Jón Þorsteinn Jónsson, fyrrverandi stjórnarformaður Byrs, og Ragnar Z. Guðjónsson, fyrrverandi forstjóri Byrs, voru dæmdir í fjögurra og hálfs árs fangelsi í vor fyrir brot á lögum um verðbréfaviðskipti.

Andstyggileg brot sem gætu leitt til ævilangs fangelsis

Brot mannanna sem hafa viðurkennt að hafa ráðist inn til manns í Breiðholti og haldið honum nauðugum í sex tíma í íbúð sinni fyrr í júlí eru andstyggileg. Mennirnir gætu átt yfir höfði sér ævilangt fangelsi, segir í gæsluvarðhaldskröfu sem lögreglan lagði fram á hendur mönnunum. Hæstiréttur staðfesti í gær gæsluvarðhaldsúrskurð yfir öðrum manninum til 10. ágúst.

Íslendingar lýsa yfir stuðningi við hertar aðgerðir í Sýrlandi

Íslensk stjórnvöld lýsa yfir fullum stuðningi við hertar aðgerðir alþjóðasamfélagsins gagnvart Sýrlandi en tillaga þess efnis er nú til umfjöllunar á vettvangi öryggisráðs Sameinuðu þjóðanna að frumkvæði Bretlands, Bandaríkjanna, Frakklands, Portúgal og Þýskalands.

Íslendingar streyma enn til Noregs

Alls fluttust 610 manns frá landinu umfram aðflutta á öðrum ársfjórðungi, eftir því sem fram kemur í tölum Hagstofunnar. Brottfluttir einstaklingar með íslenskt ríkisfang voru 220 umfram aðflutta, en brottfluttir erlendir ríkisborgarar voru 380 fleiri en þeir sem fluttust til landsins. Fleiri karlar en konur fluttust frá landinu.

Russel Crowe tók daginn snemma

Stórleikarinn Russel Crowe tók daginn snemma hér í Reykjavík. „Góðan daginn Reykjavík.... Í það minnsta held ég að það sé dagur...hann lítur út eins og nótt. Ég held að það dimmi ekkert. Ný reynsla fyrir mig að hafa sólina á lofti allan sólarhringinn," segir Crowe á Twitter.

Margt bendir til íkveikju í Eyjum

Margt bendir til að um íkveikju hafi verið að ræða, að sögn Eyjarétta, þegar milljónatjón varð eftir að eldur kom upp í veiðarfærum frá Ísfélaginu, sem voru geymd á Eiðinu í Vestmannaeyjum um klukkan sex í gærkvöldi.

Logn olli útkalli hjá slökkviliðinu

Slökkvilið höfuðborgarsvæðisins var kallað út í gærkvöldi þar sem logn hafði lagst yfir Seltjarnarnesið og vind hreyfði ekki.

Tvær farþegarþotur lentu vegna veikinda um borð

Tvær erlendar farþegaþotur þurftu að lenda á Keflavíkurflugvelli í gær, vegna veikinda um borð.

Engan sakaði þegar skúta strandaði undan Skildinganesi

Engan af fjögurra manna áhöfn íslenskrar seglskútu sakaði, þegar hún strandaði út af Skildinganesi í gærkvöldi.

Vatnsleysi veldur vandræðum í laxveiðiám

Til vandræða horfir í sumum laxveiðiám á Vesturlandi vegna vatnsleysis í kjölfar langvarandi þurrka. Reyndar á þetta líka við húnvetnsku árnar, en ásandið er yfirelitt betra í örðum landshlutum.

Vinnulag Gunnlaugs ekki til fyrirmyndar

Vinnueftirlitið gerir alvarlegar athugasemdir við vinnubrögð Gunnlaugs Helgasonar í þáttunum Gulli byggir. Gunnlaugur segist reyna að varpa réttu ljósi á venjuleg vinnubrögð Íslendinga og þátturinn sé íslenskur raunveruleikaþáttur.

Undirbúa forvarnir gegn netfíkn barna

SAFT beinir heilræðum til barna og fullorðinna um hvernig megi komast hjá því að ánetjast tölvunni. Netfíkn barna vaxandi vandamál. Dæmi um að börn undir 18 ára spili fjárhættuspil á netinu. Foreldrar setji ekki myndir á netið.

Rúllubaggar geta verið stórhættulegir

„Mesta hættan af rúlluböggum er þegar menn eru að rúlla eða binda í brattlendi. Þar þarf að gæta sérstakrar varúðar og svo þegar verið er að stafla þessu í mjög háar stæður,“ segir Bjarni Jónsson, sem hefur skrifað leiðbeiningar fyrir bændur um slysahættu af rúlluböggum.

Stúdentar hafa miklar áhyggjur

Stúdentaráð Háskóla Íslands fer í opnu bréfi til ríkisstjórnarinnar fram á að stjórnvöld borgi með hverjum nemanda sem kýs að stunda nám við skólann. Bréfið barst stjórnarráðinu í gær.

Óttast verðfall hjá strandveiðimönnum

Margir strandveiðimenn eru ósáttir við að vera stefnt til veiða dagana fyrir verslunarmannahelgi. Fiskvinnslur loka og lítil eftirspurn eftir aflanum. Strandveiðimenn geta sjálfir ákveðið að fresta veiðum segir talsmaður smábátaeigenda.

Börnin leika sér við hættulegan brunn

Dælustöðinni í Grundarhverfi á Kjalarnesi var upphaflega læst með loki. Börnin í hverfinu hafa fundið út hvernig á að opna brunninn. Svæðisstjóri hjá Orkuveitunni segir slysahættu vegna brunnsins.

Á móti banni á umfjöllun um kannanir

Meirihluti allsherjar- og menntamálanefndar Alþingis leggst gegn því að fjölmiðlum verði bannað að birta niðurstöður skoðanakannana á kjördag og daginn fyrir kosningar hér á landi.

Botnvörpur brunnu

Eldur kom upp í botnvörpum og öðrum veiðarfærum sem lágu á Eiðinu á milli Heimakletts og Klifs í Vestmannaeyjum í gær.

Russell Crowe mættur til landsins

Nýsjálenski stórleikarinn Russell Crowe lenti á Reykjavíkurflugvelli á tíunda tímanum í kvöld. Létt var yfir leikaranum en hann spjallaði í dágóða stund við flugvallarstarfsmenn áður en hann hélt á brott.

Skúta strandaði í Skerjafirði

Skúta strandaði í Skerjafirði á ellefta tímanum í kvöld. Björgunarsveitir Slysavarnafélagsins Landsbjargar á höfuðborgarsvæðinu voru kallaðar út.

Átján mánaða fangelsi fyrir að stela sprengiefni

Héraðsdómur Reykjavíkur hefur dæmt karlmann á fertugsaldri í 18 mánaða fangelsi. Hann var fundinn sekur um að hafa stolið 240.8 kg af dínamíti, 228 sprengjuhvellhettum og einum sprengjuhnalli í október á síðasta ári.

Hollenskt par ræktar jarðaber í Reykholti

Hollenskt plöntufyrirtæki hefur komið sér fyrir í Reykholti og hafið þar jarðaberjaræktun. Ef allt gengur að óskum vonast það eftir að geta ræktað íslensk jarðaber allan ársins hring.

Hannar skartgripi á Barnaspítalanum

Tíu ára stúlka sem hefur verið rúmliggjandi á Barnaspítalanum í sumar styttir sér stundir með því að hanna skartgripi. Hún vonast til að geta safnað sér fyrir iPad.

Vélarvana við Reynisdranga

Björgunarsveitin Víkverji í Vík í Mýrdal var kölluð út rétt fyrir klukkan sex í kvöld vegna vélarvana báts úti fyrir Reynisdröngum. Samkvæmt upplýsingum frá Landsbjörg er ekki talin hætta á ferðum og er veður gott á svæðinu.

Krafa Íra um refsiaðgerðir kann að spilla fyrir viðræðum

Krafa Íra um refsiaðgerðir vegna makrílveiða Íslendinga gerir ekkert annað en að spilla fyrir viðræðum, að mati Steingríms J. Sigfússonar. Sjávarútvegsráðherrar Evrópusambandsins ræddu makríldeiluna á fundi í dag.

Íhuga að endurskoða reglur ÍSÍ um Íþróttamann ársins

Sigurður Elvar Þórólfsson, formaður Samtaka íþróttafréttamanna, var gestur í útvarpsþættinum Reykjavík síðdegis á Bylgjunni í dag. Þar ræddi hann við þáttastjórnendur um afrek Annie Mist Þórisdóttir en hún tryggði sér sigur á Crossfit-leikum Reebok í gær, annað árið í röð.

Knattspyrnumanni dæmdar bætur vegna meiðsla í leik

Víðir Leifsson, knattspyrnumaður hjá Fylki, fær dæmdar bætur frá Vátryggingafélagi Íslands vegna slyss sem hann varð fyrir í leik í júlí 2008. Héraðsdómur Reykjavíkur komst að þeirri niðurstöðu í dag að VÍS væri bótaskylt á grundvelli slysatryggingar íþróttamanna.

Stýrir íþróttavef í London

Óskar Hrafn Þorvaldsson, fyrrverandi fréttastjóri á Stöð 2, Vísi og síðar á Fréttatímanum mun á næstunni stýra nýjum íþróttafréttavef í London. Hann verður með annan fótinn þar næstu vikurnar. Jón Ásgeir Jóhannesson, eiginmaður Ingibjargar Pálmadóttur aðaleiganda 365 bað hann um að taka verkefnið að sér. "Blaðamenn fá sjaldan tækifæri til að starfa erlendis," segir Óskar Hrafn aðspurður um ástæður þess að hann ákvað að slá til. Óskar Hrafn hefur unnið í fjölmiðlum um árabil. Þá spilaði hann lengi vel knattspyrnu með meistaraflokki KR og var atvinnumaður í knattspyrnu í Noregi.

Snorri ætlar að leita stuðnings Kennarasambandsins

Snorri Óskarsson, kenndur við Betel, sem var sagt upp störfum sem kennari í Brekkuskóla á Akureyri ætlar að leita eftir stuðningi Kennarasambandsins í máli sínu. Hann segir klárt mál að réttur sinn til að tjá sig hafi verið brotinn, en Snorra var sagt upp störfum eftir skrif um samkynhneigða á persónulegri bloggsíðu. Snorri er ekki búinn að tala við Kennarasambandið eftir að hann fékk uppsagnarbréfið. "Ég er bara búinn að leyfa þeim að fylgjast með áminningarferlinu, en ég er ekki búinn að setja mig í samband við þá eftir að ég fékk bréfið,“ segir Snorri.

Íslendingar duglegir að endurvinna áldósir

Um 85 prósent áldósa hér á landi rötuðu í endurvinnslu árið 2010 en það er lægsta hlutfallið á meðal Norðurlandanna. Í Finnlandi var endurvinnsluhlutfallið 95%, Í Noregi 93%, Í Danmörku 89% og Svíþjóð 87%.

Verður erfitt að minnast voðaverkanna í Útey

Næsta sunnudag verður ár liðið frá voðaverkunum í Útey, þegar 77 manns létust í árásum fjöldamorðingjans Anders Behring Breivik á stjórnarráðsbyggingar í Osló og sumarbúðir ungliða Verkamannaflokksins í Útey. Ungir jafnaðarmenn í Reykjavík ætla að minnast atburðanna í Minningarlundinum í Vatnsmýri á sunnudagskvöld klukkan hálfníu. Þar verða flutt ávörp og tónlist. Guðrún Jóna Jónsdóttir, formaður Ungra jafnaðarmanna, mun verða viðstödd minningarathöfn í Útey.