Innlent

Hjónin ekki enn fundin

Kjartan Hreinn Njálsson skrifar
Þyrla Landhelgisgæslunnar var mætt á leitarsvæðið á sjötta tímanum í dag.
Þyrla Landhelgisgæslunnar var mætt á leitarsvæðið á sjötta tímanum í dag.
Ekkert bólar á þýsku hjónunum sem ætluðu að ganga yfir Eyjabakkajökul á laugardaginn. Þyrla Landhelgisgæslunnar hefur leitað fólksins í kvöld og hefur sveimað yfir jöklinum síðustu klukkustundir.

Ágætis veður er á leitarsvæðinu en það er illfært bæði ökutækjum og gangandi.

Björgunarsveitarmenn eru á svæðinu en þeir bíða þess að vera kallaðir til leitar.

Það var lögreglan á Egilsstöðum sem kallaði eftir aðstoðinni en hjónin ætluðu að ganga yfir Eyjabakkajökul sem er í norðaustanverðum Vatnajökli en sneru við á laugardagskvöld. Skálavörður hafði áhyggjur af hjónunum og lét lögreglu vita.

Útkallið barst klukkan 14:35 í dag. Þyrla Landhelgisgæslunnar var komin í loftið tæpri klukkustund seinna og komin á leitarsvæðið á sjötta tímanum.


Tengdar fréttir

Leita þýskra hjóna

Eftirgrennslan er hafin vegna þýskra hjóna í nágrenni við Snæfell, sem er hluti af Vatnajökulsþjóðgarði. Þyrla Landhelgisgæslunnar er á leið austur til þess að taka þátt í hugsanlegri leit.

Þyrlan Landhelgisgæslunnar komin á staðinn

Leit stendur enn yfir af þýskum hjónum sem ætluðu að ganga yfir Eyjabakkajökul. Þyrla Landhelgisgæslunnar er komin á staðinn en svæðið er illfært yfirferðar bæði ökutækjum og gangandi.

Mest lesið


Fleiri fréttir

Sjá meira


×

Mest lesið