22 þúsund á Þór

Teiknimyndin Þór virðist ætla að gera harða atlögu að þriðju Sveppa-myndinni, en alls hafa 22 þúsund gestir séð þessa rándýru teiknimynd, sem var sjö ár í vinnslu. Sveppi er þó enn með í baráttunni, en rúmlega þrjátíu þúsund gestir hafa séð fjölskyldumyndina sem var "ögn“ ódýrari en teiknimyndin frá Caoz. Aðstandendur Borgríkis geta einnig vel við unað, fimmtán þúsund gestir hafa séð myndina. Þá hafa rúmlega átta þúsund séð Eldfjall Rúnars Rúnarssonar sem hlaut enn eina rósina í hnappagatið um helgina því hún fékk fyrstu verðlaun á kvikmyndahátíð í Denver.

512 jarðskjálftar undir Mýrdalsjökli í október

Undir Mýrdalsjökli voru staðsettir 512 jarðskjálftar í október samkvæmt greiningu sem finna má á heimasíður Veðurstofu Íslands. Þar af voru um 380 skjálftar undir Kötluöskjunni, um 70 undir vesturhluta jökulsins og um 50 undir Hafursárjökli suður af öskjunni.

Búið að reka sjóníðingana - útgerðin vottar fjölskyldu samúð sína

Eigendur og starfsfólk útgerðarfélagsins Saltvers ehf. eru harmi slegnir yfir þeirri kynferðislegu áreitni sem 13 ára gamall drengur varð fyrir um borð í skipi félagsins sumarið 2010 og fjallað hefur verið um í fjölmiðlum undanfarna daga. Þetta kemur fram í tilkynningu frá útgerðinni.

María Lilja um nærfatamæðgur: Auglýsing með margar klámtilvísanir

„Þykir okkur ekki undarlegt að stilla upp móður og dóttur í kynþokkafullum nærklæðum í auglýsingu og eru það ekki eðlileg viðbrögð allra að staldra aðeins við og spyrja nokkurra siðferðisspurninga?“ spyr femínistinn María Lilja Þrastardóttir, sem gagnrýnir íslensku mæðgurnar sem voru í nærfataauglýsingu á vegum undirfatafyrirtækisins The Lake & Stars.

Algengt að börn niður í sjö til átta ára séu tekin með á sjó

"Það er algengt að börn niður í 7-8 ára gömul séu tekin með á sjó,“ segir Sævar Gunnarsson, formaður Sjómannasambands Íslands, spurður hvort það sé algengt að börn undir fimmtán ára aldri séu tekin með á sjóinn í veiðitúra.

Sjóníðingar: Áhöfn bátsins tvístrað - klámmynd á Facebook-veggnum

Netabátnum, sem fjórir sjómenn voru á, og voru dæmdir fyrir kvikindislegt ofbeldi gegn 13 ára dreng, var lagt fyrr á árinu og áhöfn skipsins var tvístrað. Báturinn sem um ræðir heitir Erling KE-140.

Segir systur sína hafa séð Júlla í Draumnum fyrir lyfjum

Júlíus Þorbergsson í Draumnum geymdi ekki lyfseðilsskyld lyf fyrir vinkonu sína eins og hann hefur fullyrt, heldur keypti hann þau reglulega af henni. Þetta sagði bróðir konunnar fyrir dómi í gær. "Hann var ekki að geyma neitt fyrir hana, hún var að selja honum lyf,“ sagði bróðirinn. "Ég vildi bara ekki að hún væri höfð fyrir rangri sök.“

Segir farsíma í fæðingarorlofi jafnréttismál

"Þó að borgarfulltrúi fari í leyfi eða orlof fer hann ekki úr starfi sínu, áfram svarar hann erindum, símtölum, fundum og tölvupósti,“ segir Þorbjörg Helga Vigfúsdóttir borgarfulltrúi. Þorbjörg spurðist fyrir um það hjá forsætisnefnd borgarinnar hvort breyta mætti reglum um símanotkun þannig að borgarfulltrúar fengju greiddan farsímakostnað í fæðingarorlofi. Því var hafnað á fundi nefndarinnar eins og Fréttablaðið sagði frá í gær. Sjálf er Þorbjörg barnshafandi og í leyfi. Fæðingarorlof hennar er þó ekki hafið eins og sagði í blaðinu.

Líst illa á hugmynd borgarstjóra

Forsvarsmenn fimm af sex sveitarfélögum á höfuðborgarsvæðinu líst frekar illa á hugmyndir borgarstjórans í Reykjavík um sameiningu sveitarfélaganna. Bæjarstjóri Álftaness er sá eini sem er áhugasamur um sameiningu. Aðrir segja hugmyndina illa ígrundaða eða úrelta tálsýn.

Lýst eftir Söru

Lögreglan á höfuðborgarsvæðinu lýsir eftir Söru Kristínu Sraidi. Talið er að hún sé klædd í bláa peysu en ekki vitað hvernig hún er klædd að öðru leyti. Sara er 168 sentimetrar á hæð, grannvaxin og um 60 kílógrömm að þyngd. Hún er með brún augu og brúnt axlarsítt hár. Síðast er vitað um ferðir hennar í Reykjavík um miðjan dag á mánudaginn. Þeir sem geta gefið upplýsingar um ferðir hennar eru beðnir um að hafa samband við lögregluna í síma 444-1000.

Segir Orkuveituna skaðabótaskylda vegna manngerðra jarðskjálfta

Talsmaður neytendar, Gísli Tryggvason, heldur því fram í pistli sem hann birti á heimasíðu embættisins, að Orkuveita Reykjavíkur sé skaðabótaábyrg vegna manngerðra jarðskjálftar á Helllisheiðinni.

Betra Ísland opnaði í dag

Betra Ísland er nýr samráðsvefur fyrir Íslendinga, byggður á sama grunni og Betri Reykjavík. Vefurinn var opnaður í hádeginu í dag á Austurvelli. Tilgangur hans er að tengja saman almenning og þingmenn, hvetja til góðrar rökræðu um landsmálin og þannig styrkja lýðræðið, að því er fram kemur í tilkynningu.

Tókst vel að halda lyfjakostnaði niðri

Frá árinu 2008 hafa stjórnvöld náð verulegum árangri í viðleitni sinni til þess að halda lyfjakostnaði ríkisins í skefjum. Árið 2009 nam heildarkostnaður ríkisins vegna lyfjakaupa 17,9 milljörðum króna en sá kostnaður hefði orðið 20,5 milljarðar ef sú mikla lækkun sem varð á gengi krónunnar á milli áranna 2008 og 2009 komið að fullu fram.

Betlaði og bjó með hippum

Götumálarinn, skáldævisaga Þórarins Leifssonar, er ein þeirra bóka sem hefur skolað á land í jólabókaflóðinu í ár. Þar kveður við annan og myrkari tón hjá Þórarni sem er helst þekktur fyrir barnabókaskrif.

Vilja reisa dómkirkju í Skálholti

Guðjón Arngrímsson, upplýsingafulltrúi Icelandair, kynnti á kirkjuþingi í gær hugmyndir um endurreisn miðaldadómkirkju í Skálholti. Hugmyndirnar byggja á því að aðilar í ferðaþjónustu og þjóðkirkjan taki höndum saman um uppbyggingu menningartengdrar ferðaþjónustu með endurreisn kirkjunnar, og reki hana sem sjálfstætt menningar- og sýningarhús.

Hömlur á innflutningi neyðarsenda

Slysavarnarfélaginu Landsbjörgu hefur gengið illa að festa kaup á fullkomnum neyðarsendum þar sem hömlur eru á innflutningi þeirra. Sendarnir geta nýst ferðamönnum á hálendinu og eru öruggari en þeir sem hafa verið í umræðunni undanförnu að mati félagsins.

Kona á sjötugsaldri dæmd í fangelsi fyrir að stela leikföngum

Kona á sjötugsaldri var dæmd í óskilorðsbundið fangelsi í Héraðsdómi Reykjavíkur fyrir að stela leikföngum úr verslun Toys´ R Us í janúar á þessu ári.

Handteknir með fíkniefni og reiðufé í bílnum

Fíkniefnalögreglan yfirheyrir nú tvo karlmenn, sem voru handteknir í Reykjavík í nótt, eftir að töluvert af fíkniefnum og talsvert af reiðufé fannst í bíl þeirra.

Vinsælustu nöfnin á Grænlandi: Malik og Ivaana

Eins og greint var frá í fréttum fyrir nokkrum vikum þá er Aron og Emilía vinsælustu nöfnin sem gefin voru íslenskum börnum á árinu 2010.

Flestar íslenskar konur í háskólanámi á Norðurlöndunum

Á Norðurlöndunum velja fleiri konur en karlar háskólanám. Á Íslandi er hlutfall þeirra þó áberandi hæst eða um 66 af hundraði. Svíar eru í öðru sæti en þar er hlutfall kvenna með háskólamenntun 63,4%. Minnsti munur milli kynjanna er í Danmörku‚ þar er hlutfall kvenna 58,7% en karla 41,3%. Þetta kemur fram á vefsíðu Hagstofunnar.

Feður taka styttra fæðingarorlof eftir hrun

Feður tóku að meðaltali 79 daga í fæðingarorlof árið 2010 en 103 daga árið 2008, hefur því dögum sem feður tóku í fæðingarorlof fækkað að meðaltali um 24 daga frá efnahagshruninu samkvæmt frétt sem finna má á heimasíðu heimasíðu Hagstofunnar.

Mikið rennsli í ám víða á landinu

Mikið eða mjög mikið rennsli er nú í ám á norðaustanverðu landinu. Einnig í jökulsánum á söndunum á Suðurlandi og í Hvítá og Eystri Rangá, svo dæmi séu tekin af vatnamælingastöðvum Veðurstofunnar.

Fellir niður milljóna dagsektir

Umhverfisstofnun (UMST) hefur fallist á rök Vestmannaeyjabæjar um að sveitarfélaginu beri ekki að greiða dagsektir sem stofnunin hafði lagt á vegna ófullnægjandi mengunarvarpa sorporkustöðvar bæjarins.

Aftur kveikt í nýbyggingu við Bergstaðastræti

Enn og aftur var kveikt í nýbyggingu á horni Bergstaðastrætis og Spítalastígs í Reykjavík um klukkan ellefu í gærkvöldi og stóð þriggja hæða austurgafl hússins í ljósum logum þegar slökkvilið kom á vettvang.

Hafa áhyggjur af íslenskukennslu

Íslenskukennarar á Hugvísindasviði Háskóla Íslands hvetja til þess að hlutur íslenskunnar í menntun kennara verði aukinn, í samræmi við það sem segir í íslenskri málstefnu. Þar með taka þeir undir gagnrýni íslenskukennara á Menntavísindasviði í þessa veru. Þetta kemur fram í yfirlýsingu sem kennararnir sendu frá sér í gær í tilefni af degi íslenskrar tungu, sem haldinn er í dag.

Jarðvarminn sparar tugi milljarða á ári

Sparnaður af nýtingu jarðvarma til húshitunar á Íslandi á tímabilinu 1970 til 2010 er allt að 2.420 milljarðar króna, að mati Orkustofnunar. Nemur sparnaðurinn fyrir íslenskt samfélag því um 60 milljörðum að meðaltali á ári hverju á tímabilinu. Þetta er ein af niðurstöðunum sem birtar eru í hagfræðilegri greiningu

Vill skylda sýslumenn til að útvega túlka

Skylda ætti sýslumannsembætti landsins til að útvega þeim innflytjendum sem þurfa túlkaþjónustu til að tryggja réttindi innflytjenda sem þangað leita, sagði Amal Tamimi, þingmaður Samfylkingarinnar, í umræðum um innflytjendamál á Alþingi í gær. Augljós hætta er á því eins og staðan er í dag að fólk af erlendum uppruna skilji ekki það sem fram fer hjá sýslumönnum, sagði Amal.

Heita vatnið tekið af í Grafarvogi annað kvöld

Heitavatnslaust verður í Grafarvogi frá klukkan sjö annað kvöld til fimmtudagsmorguns. Bilun hefur orðið í stofnlögn og þarf af þeim sökum að loka fyrir heita vatnið vegna viðgerðar á lögninni.

Nýtt eldsneyti í boði

Nú þegar tæp ár er síðan að byrjað var byggja metanólverksmiðjuna við Svartsengi hefur hún formlega tekið til starfa og framleiðslan er kominn í fullan gang. Verksmiðjan er fyrsta sinnar tegundar í heiminum.

Ögmundur svarar í næstu viku

Innanríkisráðherra hefur nú til skoðunar beiðni Huangs Nubos um undanþágu til kaupa á Grímsstöðum á fjöllum. Málið hefur nú verið til umfjöllunar í ráðuneytinu í nokkurn tíma. Ögmundur Jónasson segir nú styttast í að ákvörðun sín verði opinberuð.

Dagur íslenskrar tungu á morgun

Dagur íslenskrar tungu er haldinn hátiðlegur á morgun, á fæðingardegi Jónasar Hallgrímsson. Sú hefð hefur skapast á mennta- og menningarmálaráðherra heimsæki skóla og menningarstofnanir í einu ákveðnu sveitarfélagi þennan dag. Síðustu tvö ár hefur menntamálaráðherra heimsótt Akureyri og Borgarnes og nú í ár verður Katrín Jakobsdóttir í Breiðholti í Reykjavík. Hún mun heimsækja skóla í Breiðholti og víðar og opna ISLEX-veforðabókina í Norræna húsinu.

Umboðsmaður barna fagnar dómi yfir sjómönnum

Umboðsmaður barna fagnar dómnum yfir fjórum sjómönnum, sem beittu þrettán ára gamlan dreng kvikindislegu ofbeldi í tíu daga veiðitúr þar síðasta sumar.

Dularfullur olíuleki skapar hættu í Vestmannaeyjum

Lögreglan í Vestmannaeyjum var tilkynnt um að olía læki niður Strembugötu frá bifreiðastæðinu við Höllina í síðustu viku.

Brennuvargur í Vestmannaeyjum: Enn leitað að vitnum

Lögreglan í Vestmannaeyjum hefur enn ekki komist að því hver eða hverjir voru að verki þegar kveikt var í nót við netaverkstæði í bænum í síðustu viku, eða þann áttunda nóvember. Greiðlega gekk að slökkva eldinn og varð ekkert tjón á öðru en nótinni en talið víst að um íkveikju hafi verið að ræða.

Börn yngri en 15 ára mega ekki vinna á sjó - fórnarlambið var 13

Það er ólöglegt að hafa einstakling yngri en 15 ára við vinnu á skipi nema um skólaskip eða æfingaskip sé að ræða.

Stúlkan komin í leitirnar

Stúlkan sem lögreglan á höfuðborgarsvæðinu lýsti eftir í gærkvöldi er komin fram. Stúlkan sem um ræðir er þrettán ára gömul og var einnig auglýst eftir henni víða á Facebook. Í tilkynningu frá lögreglu segir að hún sé nú komin fram og amar ekkert að henni.

Borgin vill verja sex og hálfum milljarði til framkvæmda

Framkvæmdastigi Reykjavíkurborgar verður áfram haldið háu en varið verður 6,5 milljörðum í framkvæmdir, sem snúast einkum um verkefni sem auka ekki fastan rekstrarkostnað borgarinnar verði frumvarp til fjárhagsáætlunar hjá Reykjavíkurborg samþykkt.

Furða sig á sorastyrk Óla Geirs: Beittu sér ekkert gegn kvöldinu

Femínistafélag Íslands lét 50 þúsund króna sorastyrk renna til nýstofnaðs vændisathvarfs Stígamóta. Það var Ólafur Geir Jónsson, sá sem var aðalvítaminsprautan að baki Dirty Weekend kvöldi á Players á laugardaginn, sem lagði féð inn á reikning Femínistafélagsins.

Hálf milljón hefur heimsótt Hörpu

Gestafjöldi í Hörpu frá opnun hússins telur nú rúmlega 500 þúsund manns og nú í októbermánuði einum og sér komu yfir 120 gestir í húsið. Í tilkynningu frá rekstraraðilum segir að aðsókn á viðburði í húsinu sé vel yfir áætlunum og einnig sé töluverður fjöldi fólks sem komi daglega í húsið í skoðunarferðir og til þess að sækja veitingastaði og verslanir.

Jónas Garðarsson: Maður er eiginlega orðlaus

"Þetta er alveg út í bláinn,“ segir Jónas Garðarsson, sjómaður til fjölda ára og formaður samninganefndar Sjómannafélags Íslands, um dóminn sem féll í Héraðsdómi Reykjaness í morgun, þar sem fjórir skipverjar níddust á þrettán ára dreng með kvikindislegum hætti.

Minnimáttarkennd vék fyrir yfirburðahyggju

Ísland og ímyndir norðursins er heiti bókar sem er afrakstur fjögurra ára rannsóknarverkefnis íslenskra og erlendra fræðimanna. Sumarliði R. Ísleifsson, ritstjóri bókarinnar, segir bæði horft til fortíðar og samtímans í greinum fræðimannanna.

Þór vill að tjaldbúarnir á Austurvelli fái að nota klósettið á Alþingi

Þór Saari þingmaður hefur sent forsætisnefnd Alþingis bréf þar sem hann hvetur til þess að tjaldbúarnir sem hafst hafa við á Austurvelli síðustu daga, fái að nýta sér hreinlætisaðstöðu Alþingis.

Verulegar hækkanir framundan í Laxveiðinni

Verulegar hækkanir á laxveiðileyfum virðast vera framundan eftir nokkra verðstöðnun eftir hrun. Innlendir veiðimenn halda hlut sínum þrátt fyrir kreppuna.

Fjórir sjómenn níddust á þrettán ára dreng: "Var svona væg busun“

Fjórir sjómenn hafa verið dæmdir í Héraðsdómi Reykjaness fyrir að beita þrettán ára dreng kynferðislegu ofbeldi í tíu daga veiðiferð með skipi. Faðir drengsins var einnig á skipinu.

Búið að óska eftir aðstoð pólsku lögreglunnar vegna úraráns

Lögreglan á Íslandi hefur óskað eftir því að pólsk lögregluyfirvöld færi tvo menn, sem eru grunaður um að hafa rænt verslun Michelsen á Laugaveginum í síðasta mánuði, og eru staddir í Póllandi, til skýrslutöku. Þá er þeim gert að finna þann þriðja, sem ekki er vitað um.