Elsti lundi í Evrópu fannst í Vestmannaeyjum

Nýjustu tíðindi herma að elsti lundinn sem fundist hefur í Vestmannaeyjum sé í það minnsta 38 ára gamall. Þetta segja þau Hálfdán Helgason og Elínborg Sædís Pálsdóttir, líffræðingar hjá Náttúrustofu Suðurlands. Það var Óskar J. Sigurðsson, vitavörður í Stórhöfða sem merkti lundann. Þetta kemur fram í eyjafréttum.

Réttað yfir meintum höfuðpaur í Papeyjarsmygli utan Íslands?

Hollendingurinn sem talinn er höfuðpaurinn í Papeyjarmálinu svokallaða gæti sloppið við réttarhald hér á landi verði frávísunarkrafa í máli hans samþykkt í Hæstarétti. Sleppi hann við réttarhald verður að öllum líkindum réttað yfir honum í Hollandi eða Belgíu.

Fjölmiðlar um allan heim fjalla um endurfjármögnun bankanna

„Íslensku bankarnir eru að rísa eins og Fönix úr öskunni,“ sagði viðskiptasjónvarpsstöðin CNBC, í inngangi að viðtali við Steingrím J. Sigfússon, fjármálaráðherra, um endurfjármögnun íslensku bankanna. Fjölmiðlar um allan heim hafa fjallað um málið.

Samtök atvinnulífsins sátt við erlent eignarhald bankanna

Framkvæmdastjóri Samtaka atvinnulífsins segir að með aðkomu erlendra aðila að íslensku bönkunum sé fyrsta skrefið tekið í þá átt að tryggja traust á efnahagslífinu á nýan leik. Samkomulagið hafi í för með sér að erlendir kröfuhafar gangi í lið með Íslandi.

Innistæður eru tryggðar með samkomulagi við skilanefndir

Fjármálaráðherra segir að með samkomulagi ríkisins við skilanefndir bankanna séu innistæður eins vel tryggðar og kostur er. Bankarnir muni vera vel fjármagnaðir og látnir sæta álagsprófi Fjármálaeftirlitsins.

Mikið um hraðakstur um helgina

Nokkuð bar á hraðakstri á höfuðborgarsvæðinu um helgina en lögreglan stöðvaði för allmargra ökumanna fyrir þær sakir. Ökufantarnir voru teknir víðsvegar í umdæminu en grófasta brotið var framið á Hringbraut í Reykjavík en þar ók hálfþrítugur karl bifhjóli á 130 km hraða.

Jákvæð á að bankasamningurinn geti gengið eftir

„Við teljum þetta vera í góðum anda og erum jákvæð á að þetta geti gengið eftir," sagði Steingrímur J. Sigfússon í þættinum Europe Tonight á sjónvarpsstöðinni CNBC.

Bílþjófur beint úr skýrslutöku í afplánun

Maðurinn sem lögregla þvingaði út af veg eftir óðsmannsakstur á stolnum bíl í Hvalfirðinum í gær fer beint úr skýrslutöku í afplánun.

Allt tiltækt slökkvilið kallað að Aðalstræti

Allt tiltækt slökkvilið var kallað að Aðalstræti 13 á Akureyri þegar eldur braust þar út á fjórða tímanum í dag. Samkvæmt upplýsingum frá lögreglunni var um töluvert mikill eld að ræða og lagði gríðarlegan reyk frá honum. Fjórar íbúðir eru í húsinu en ekki er vitað til þess að neinn hafi verið í hættu vegna eldsins.

Þota nauðlenti í Keflavík vegna reyks í flugstjórnarklefa

Boeing-767 nauðlenti á Keflavíkurflugvelli laust fyrir klukkan þrjú vegna reyks í stjórnklefanum. Slökkvilið Keflavíkurflugvallar auk slökkviliðsins á Suðurnesjum voru í viðbragðsstöðu. Viðbúnaðarstigið er kallað - hættustig stórt, en varðstjóri sagði að um hefðibundnar ráðstafanir væri að ræða. Um 200 manns voru um borð í flugvélinni sem er á vegum United Airlines.

Segir skilanefndarfólk verða voldugustu menn landsins

„Þetta verða voldugustu menn Íslands," segir Eygló Harðardóttir, þingmaður Framsóknar, um nefndarmenn skilanefnda gömlu bankanna. Hún gagnrýnir ýmislegt við samkomulag stjórnvalda við skilanefndir bankanna sem kynnt var á blaðamannafundi í morgun, en Eygló var viðstödd fundinn og bar upp spurningar ásamt fjölmiðlum.

Bjarni fagnar samningum um bankana

„Það sem við höfum lagt áherslu á varðandi endurreisn bankanna er að lágmarka áhættu ríkisins," segir Bjarni Benediktsson, formaður Sjálfstæðisflokksins, um samninga sem ríkið og skilanefndir bankanna hafa kynnt vegna endurreisnar bankakerfisins.

Bílþjófur í skýrslutöku

Maðurinn, sem lögregla stöðvaði í gær eftir að hafa ekið óðsmannsakstri um Hvalfjörðinn á stolnum bíl, er nú í skýrslutöku hjá lögreglunni á höfuðborgarsvæðinu.

Vann forritunarkeppni og fékk vinnu

Metfjöldi tók þátt í forritunarkeppni TM Software en fyrstu verðlaunin eru sumarstarf hjá fyrirtækinu. Alls tóku 63 keppendur þátt að þessu sinni.

Boðið upp á þyrluferðir til Vestmannaeyja

Norðurflug býður upp á þyrluflug frá Bakka til Vestmannaeyja yfir Þjóðhátíð í eyjum um verslunarmannahelgina. Þetta kemur fram á vefsíðu eyjamanna, eyjar.net.

Leita að lágvöxnum bílaþjófi

Aðfaranótt sunnudags var bifreiðinni ZN 581, hvít Renault Express árgerð 1993, stolið frá Reykjabraut 7 í Þorlákshöfn.

Vargar við Apavatn

Skemmdarverk voru unnin á fimm bifreiðum á tjaldsvæði Rafiðnaðarsambands Íslands við Apavatn aðfaranótt sunnudagsins.

Kannabisræktun í bílskúr stöðvuð

Að kvöldi miðvikudags komst upp um kannabisræktun í bílskúr á Selfossi. Tveir menn voru handteknir af lögreglunni og færðir til yfirheyrslu.

Hestakerra með þremur hestum valt á hliðina

Hestakerra sem var í eftirdragi pallbifreiðar valt á hliðina í Hveradalabrekku á sunnudadgskvöldinu en í kerrunni voru þrír hestar.

Óvíst hvort stjórnarráðsfrumvarp klárist fyrir þinglok

Ekki er víst hvort Alþingi nái að ljúka við lagabreytingar vegna tilfærslu verkefna innan Stjórnarráðs Íslands fyrir lok sumarþings, að sögn Steinunnar Valdísar Óskarsdóttur, formanns Allsherjarnefndar.

Hættir við drekarannsóknir

Orkustofnun barst í dag bréf frá Aker Exploration AS samkvæmt tilkynningu. Í bréfinu segir að vegna breyttrar stefnumörkunar hjá fyrirtækinu hafi Aker Exploration AS ákveðið að draga til baka umsókn sína um sérleyfi til rannsókna og vinnslu kolvetna samkvæmt fyrsta útboði á Drekasvæðinu.

Skref stígið frammá við í bankamálum

„Mér finnst þetta mjög jákvætt og þess vegna í samræmi við þá nálgun sem ég hef talað fyrir allt frá því í nóvember. Þetta er að mínu mati skref frammá við og gefur mikla möguleika til þess að vinna vel úr stöðunni," segir Vilhjálmur Egilsson, framkvæmdastjóri Samtaka atvinnulífsins, um samning ríkisins við skilanefndir bankanna.

Eru innistæður tryggðar að fullu?

Steingrímur J. Sigfússon, fjármálaráðherra, tekur ekki af allan vafa um að innistæður viðskiptabankanna sem hafa staðfestu á Íslandi verði tryggðar að fullu þótt bankarnir fari úr eigu ríkisins eða í eigu erlendra aðila.

Icelandair ætlar að fljúga til Brussel

Icelandair mun hefja beint áætlunarflug til Brussel í júníbyrjun 2010. Gert er ráð fyrir tveimur flugum á viku, á mánudögum og föstudögum. Birkir Hólm Guðnason, framkvæmdastjóri Icelandair, segir í tilkynningu sem send var fjölmiðlum að flugið til Brussel hafi verið í undirbúningu um nokkurt skeið.

Leynd yfir eignarhaldi bankanna

Fulltrúar skilanefnda íslensku bankanna vildu ekki taka af öll tvímæli um hverjir erlendir kröfuhafar bankanna eru á blaðamannafundi í Þjóðmenningarhúsinu nú fyrir stundu.

Ellefu með svínaflensu

Alls hafa ellefu einstaklingar greinst með Svínaflensuna hér á landi samkvæmt vef Landlæknis.

Féll tvo metra í Varmárdal

Óskað var eftir aðstoð sjúkraflutningamanna þegar kona féll um tvo metra í Varmárdal, fyrir ofan Reyki, um tíuleytið í morgun. Samkvæmt upplýsingum frá sjúkraflutningamönnum er hugsanlegt að konan hafi fengið einhverja áverka á hálsi eða baki.

Amfetamínframleiðendur fyrir rétt á morgun

Hinir meintu amfetamínframleiðendur, Jónas Ingi Ragnarsson og Tindur Jónsson, verða leiddir fyrir dómara í fyrramálið vegna ákæru um stórfellda fíkniefnaframleiðslu.

Bílar í einkaeigu notaðir við lögregluaðgerðir

Jeppi og rúta í einkaeigu voru meðal þeirra farartækja sem notuð voru til að stöðva ökuníðinginn sem ók stolnum bíl á ofsahraða undan lögreglu inn Hvalfjörðinn í gærkvöld.

Aðalsakborningur krefst frávísunar í Papeyjarmáli

Aðalmeðferð í máli gegn sexmenningunum í svokölluðu Papeyjarmáli, sem fram átti að fara í dag, var frestað. Lögmaður Peters Rabe, meints höfuðpaurs í málinu, lagði fram frávísunarkröfu vegna málsmeðferðar um klukkutíma áður en aðalmeðferðin átti að hefjast í morgun. Gert er ráð fyrir að frávísunarkrafan verði tekin fyrir á morgun.

Fíkniefnaakstur færist í vöxt á Akureyri

Lögreglan á Akureyri tók ökumann úr umferð í gærkvöldi þegar hann var uppvís að því að hafa ekið undir áhrifum fíkniefna.

Hestar sluppu með skrekkinn

Hestarnir þrír, sem voru í kerru, sem valt í Hveradalabrekkunum á Suðurlandsvegi undir kvöld í gær, munu allir hafa sloppið lítið meiddir.

Á sjúkrahúsi eftir ofsaaksturinn í gær

Karlmaður á þrítugsaldri, sem reyndi í gær að komast undan lögreglunni með ofsaakstri á stolnum bíl og endaði úti í skurði við norðanverðan Hvalfjörð, er enn á sjúkrahúsi vegna meiðsla sem hann hlaut í byltunni. Hann er þó ekki alvarlega meiddur og verður útskrifaður í dag.

Innbrot í Skipholti

Brotist var inn í fyrirtæki við Skipholt í Reykjavík laust fyrir miðnætti í gærkvöldi. Vitni sáu til tveggja manna og hljóp lögregla þá uppi.

Á gjörgæsludeild eftir að hafa klemmst milli bíls og kerru

Líðan ökumanns, sem klemmdist í gær á milli hópferðabíls og kerru á Gæsavatnaleið norðan Vatnajökuls, er eftir atvikum, en hann er enn á gjörgæsludeild Landspítalans. Hann er þó ekki í öndunarvél.

Innistæður tryggðar þrátt fyrir erlent eignarhald

Allar innistæður viðskiptabankanna, sem hafa staðfestu á Íslandi, eru tryggðar samkvæmt lögum um Tryggingasjóð innistæðueigenda.

Icesave rætt í fyrsta lagi á fimmtudag

Guðbjartur Hannesson, formaður fjárlaganefndar, segir að nefndin sé að vinna eins fljótt og hægt er að því að klára vinnu við nefndarálit um Icesave-samninginn. Álitið verður tilbúið í fyrsta lagi á miðvikudaginn, að sögn Guðbjarts.

Fullt af makríl við Heimaey

Óvenjuleg sjón blasti við vegfarendum í Vestmannaeyjum á fimmtudagskvöld. Í sjónum vestast á Heimaey voru gríðarstórar makríltorfur vaðandi.

Aldrei verið vesen að selja þetta

Búið er að veiða 45 langreyðar af 150 dýra kvótanum sem gefinn var út síðasta vetur. 41 dýr er komið í land og fjögur voru á leið í land í gær, þegar náðist tal af Kristjáni Loftssyni, forstjóra Hvals hf.

Lögregla veitir Yaris eftirför

Allavega sex lögreglubílar og að minnsta kosti eitt mótorhjól veita nú grárri Yaris bifreið eftirför á Vesturlandsvegi að sögn tveggja vegfarenda sem höfðu samband við fréttastofu. Ekki er vitað hvort um er að ræða Yaris bifreið sem stolið var í dag á Shell bensínstöð í Árbæ.

Vonast til að smíði nýrrar Þjórsárbrúar hefjist í haust

Ný stórbrú yfir Þjórsá við Árnes mun ásamt Hvítárbrú, Landeyjahöfn og Lyngdalsheiðarvegi skapar nýtt samgöngumynstur um mestu landbúnaðarhéruð Íslands og styrkja þau verulega, að mati ráðamanna á svæðinu. Þeir vonast til að smíði nýju Þjórsárbrúarinnar hefjist í haust.

Ekki í lífshættu eftir slys á Gæsavatnaleið

Íslenskur karlmaður sem varð milli tveggja bíla á Gæsavatnaleið, skammt vestan við Kistufell sem liggur við rætur Vatnajökuls, er ekki í lífshættu að sögn vaktahafandi læknis á slysadeild Landspítalans í Fossvogi.

Kvika við Upptyppinga virðist færast nær yfirborði

Jarðskjálftavirkni norðan við Upptyppinga síðustu daga bendir til að kvika færist þar nær yfirborði en áður. Fjórar virkustu eldstöðvar Íslands virðast allar vera að undirbúa gos.

Sigöldufoss sést á ný á fullu afli

Sigöldufoss, sem hvarf að mestu þegar Tungnaá var stífluð við Sigöldu fyrir aldarþriðjungi, er nú sýnilegur á ný í öllu sínu veldi. Áratugir gætu liðið áður en næsta tækifæri býðst til að sjá fossinn eins mikilúðlegan og hann verður næstu þrjár vikur.

Evrópusinnar munu styðja Þorgerði

Evrópusinnar innan Sjálfstæðisflokks munu þjappa sér að baki varaformanns flokksins eftir að hann sat hjá í atkvæðagreiðslu um Evrópusambandsaðild. Þetta er mat aðjúnkts í stjórnmálafræði við Háskóla Íslands. Enn er óljóst hvaða afleiðingar málið kann að hafa fyrir einstaka flokka og þingmenn.