Samdráttur í umferð ekki meiri í aldarfjórðung

Stórlega hefur dregið úr bílaumferð í landinu síðustu vikurnar samkvæmt mælingum Vegagerðarinnar. Leita þarf 25 ár aftur í tímann til að finna samdrátt á milli ára.

Risaútsölur í verslunum á óvenjulegum tíma

Gera má ráð fyrir að fjöldi verslana muni fara í þrot um og eftir áramót vegna efnahagsástandsins. Illa staddir verslanaeigendur auglýsa nú risaútsölur sem er fáheyrt á þessum árstíma.

Námið reyndist ekki eins gott og sagt var

Héraðsdómur Reykjavíkur hefur dæmt konu til að greiða 19 öðrum konum samtals nærri sjö milljónir króna í skaðabætur vegna náms í innanhússtillistun sem ekki reyndist vera eins gott og það var auglýst.

Slá aftur skjaldborg um Alþingi

Talið er að um hundrað manna hópur mótmælenda hafi komið saman á Austurvelli til að slá skjaldborg um Alþingi í orðsins fyllstu merkingu.

10-11 löggan viðurkennir mistök en neitar sök

Aðalmeðferð í máli 10-11 lögreglunnar svokölluðu fór fram í Héraðsdómi Reykjavíkur í morgun. Lögregluþjónninn er ákærður fyrir að hafa ráðist á pilt í verslun 10-11 sem grunaður var um þjófnað. Hann neitar sök. Atvikið náðist á myndband og var sett á netið nokkrum klukkustundum síðar. Lögreglumaðurinn viðurkennir mistök en segist hafa verið yfirvegaður allan tímann. Misræmi er í dagbókarfærslu, skýrslu og framburði lögregluþjónsins fyrir dómi.

Umferðaljósaþjófur iðraðist gjörða sinna

„Sorry – sé mjög eftir þessu” voru skilaboðin á pakka sem reyndist innihalda umferðarljós sem stolið var af gatnamótum Sæbrautar og Holtavegar fyrir viku síðan.

Fyrrverandi sveitarstjóri krafinn um 27 milljónir vegna fjárdráttar

Grímseyjarhreppur fer fram á að Brynjólfur Árnason, fyrrverandi sveitarstjóri hreppsins, greiði sér tæpar 27 milljónir króna vegna fjárdráttar í opinberu starfi. Þetta kom fram við þingfestingu á ákæru Ríkislögreglustjóra á hendur Brynjólfi við Héraðsdóm Norðurlands eystra í morgun.

Grímsnesið kemur til hafnar í Vestmannaeyjum

Varðskip Landhelgisgæslunnar vinnur nú að því að taka dragnótabátinn Grímsnes GK-555 í tog þar sem drepist hefur á aðalvél bátsins.

Markaðssetja Ísland fyrir fjársterka ferðamenn

„Discover Iceland“ nefnist átak sem miðar að því að vekja athygli American Express korthafa á sérstæðri náttúru og ferðamannastöðum á Íslandi.

Fjórði borgarafundurinn í Háskólabíói á mánudag

Aðstandendur borgarafunda sem haldnir hafa verið á veitingastöðum í miðbænum síðustu vikur boða til nýs fundar á mánudaginn kemur.

Icelandair breytir verði á fargjaldaflokkum

Öll verð á flugfargjöldum verða reiknum út í evrum með breytingum á fargjaldaflokkum sem verða gerðar hjá Icelandair í dag. Guðjón Arngrímsson, upplýsingafulltrúi Icelandair, segir að sjálfsagt verði um að

Skortur á sameiginlegum farvegi fyrir ábendingar vegna bankahruns

Bæði Fjármálaeftirlitinu og skattrannsóknarstjóra hafa borist ábendingar í tengslum við hrun bankanna en engar kærur hafa borist um meinta ólöglega háttsemi í kjölfar eða aðdraganda hrunsins til efnahagsbrotadeildar Ríkislögreglustjóra. Skattrannsóknarstjóri segir skorta farveg eins og ábendingalínu þar sem fólk geti komið ábendingum um hugsanleg lögbrot á framfæri.

Tafir á umferð vegna vinnu við umferðarljós á Bústaðavegarbrú

Ljósin við Bústaðavegarbrú yfir Kringlumýrarbraut voru tekin úr sambandi nú klukkan hálftíu vegna vinnu við þau. Fram kemur í tilkynningu frá framkvæmda- og eignasviði borgarinnar að gera megi ráð fyrir einhverri truflun á umferð vegna þessa.

Segir norrænu ríkin og Rússa leggja til þrjá milljarða dollara

Finnar, Svíar, Danir og Norðmenn lána Íslendingum samtals 2,5 milljarða dollara, jafnvirði um 350 milljarða íslenskra króna, miðað við skráð gengi Seðlabankans. Frá þessu greinir finnska dagblaðið Kauppalehti í dag en vitnar ekki til heimildarmanna.

Stórlega hefur dregið úr umferð

Stórlega hefur dregið úr bílaumferð í landinu síðustu vikurnar, samkvæmt mælingum Vegagerðarinnar. Meðalumferð á fjórtán talningastöðum hennar um allt land var níu prósentum minni í október síðastliðnum, samanborið við sama mánuð í fyrra.

Gekk fram á innbrotsþjóf í íbúðinni

Íbúi í fjölbýlishúsi í austurborginni, sem fór á stjá í nótt, gekk fram á ókunnugan mann í íbúðinni, sem var að leita að verðmætum.

Tvö síldveiðiskip bíða birtingar utan við Stykkishólm

Tvö síldveiðiskip fundu síld innst inni í Ísafjarðardjúpi í gær, en aðstæður voru óhagstæðar svo þau héldu í Breiðafjörðinn og bíða nú birtingar rétt utan við Stykkishólm, þar sem talsverð veiði hefur verið alveg uppi í landsteinum síðustu daga.

Fast þeir sóttu sjóinn

Mikil ásókn er nú í að komast á sjóinn, en á sama tíma í fyrra voru hvað eftir annað dæmi þess að brottför skipa tefðist á meðan verið var að fullmanna skipin.

Samfylkingarmenn í Skagafirði krefjast hreinsana

Tafarlaust verður að hreinsa til í stjórn- og fjármálakerfum þjóðarinnar svo þau verði hafin yfir allan grun um spillingu, segir í ályktun Samfylkingarfélagsins í Skagafirði.

Alþingi tekur afstöðu til IMF-lánsins

Stjórn Alþjóðagjaldeyrissjóðsins mun taka lánabeiðni Íslendinga fyrir á fundi sínum á morgun og á Geir H. Haarde von á því afstaða stjórnarinnar liggi fyrir annað kvöld. Þetta kom fram í seinnifréttum Ríkissjónvarpsins.

Varaði við lögum sem brjóta gegn stjórnarskránni

,,Þetta er hneyksli. Mér finnst ömurlegt að vera á þingi sem lögfræðingur og þurfa að þola svona. Það er ömurleg tilfinning. Það er grunnskylda þingmanna að standa vörð um stjórnarskrána," segir Atli Gíslason þingmaður Vinstri grænna um lög sem samþykkt voru á Alþingi í seinustu viku sem fela í sér breytingar á lögum um fjármálafyrirtæki.

Guðna þakkað fyrir störf í þágu flokks og þjóðar

Framsóknarfélag Garðabæjar og Álftaness þakkar Guðna Ágústssyni gifturík störf í þágu þjóðar þau rúmlega 20 ár sem hann hefur átt sæti á Alþingi. Þetta kemur fram í ályktun sem almennur félagsfundur félaganna samþykkti í kvöld.

Laun ekki lækkuð á Landsspítalanum

Eins og fram í fréttum Stöðvar 2 í kvöld stendur til að minnka launsakostnað á Landspítalnum. Það verður þó ekki gert með launalækkunum starfsfólks heldur með algjöru yfirvinnubanni sem og öðrum aðferðum sem nú er unnið að.

Stjórnmálin verða að vera hafin yfir allan grun um spillingu

,,Tafarlaust þarf að hreinsa til í stjórn- og fjármálakerfum þjóðarinnar svo þau verði hafin yfir allan grun um spillingu," segir í ályktun Samfylkingarfélagsins í Skagafirði.

Guðni vildi ekki tjá sig í morgun

Fréttastofa freistaði þess í morgun að ná tali af Guðna Ágústssyni, áður en hann flaug til sólarlanda, um ástæður þess að hann sagði af sér sem formaður og þingmaður Framsóknarflokksins í gær.

Þingmenn brutu vísvitandi stjórnarskrána

Lög sem samþykkt voru á Alþingi í seinustu viku sem fela í sér breytingar á lögum um fjármálafyrirtæki brjóta gegn stjórnarskrá Íslands, að mati Ragnars H. Hall hæstaréttarlögmanns. Hann var gestur Sölva Tryggvasonar í Íslandi í dag fyrr í kvöld.

Ræða Davíðs var pólitísk

Stjórnarformaður Auðar Capital, Halla Tómasdóttir, segir að ræða Davíð Oddssonar, formanns bankastjórnar Seðlabankans, á fundi Viðskiptaráðs í morgun hafi fyrst og fremst verið pólitísk. Í Kastljósi fyrr í kvöld gerði hún athugasemd við að í klukkutíma langri ræðu hafi Davíð ekki talað um peningamálastefnuna og jafnframt ekki litið fram á veginn.

Segir gagnrýni Davíðs óréttláta og óskynsamlega

Jón Sigurðsson, stjórnarformaður Fjármálaeftirlitsins, segir gagnrýni Davíðs Oddssonar á eftirlitið bæði óréttláta og óskynsamlega. Það hafi sinnt hlutverki sínu eins og lög kveði á um.

Vandamál Davíðs að hann kemur úr stjórnmálum

Ingibjörg Sólrún Gísladóttir, utanríkisráðherra og formaður Samfylkingarinnar, segir vandamál Davíðs Oddssonar seðlabankastjóra það að hann komi úr stjórnmálum og hafi verið þar virkur þáttakandi í 17 ár og troðið illsakir við mjög marga.

Jón Ásgeir: Seðlabankastjóri verður að líta sér nær

Jón Ásgeir Jóhannesson lýsir furðu sinni á ummælum Davíðs Oddssonar í ræðu hjá Viðskiptaráði í morgun. Davíð gerði þar að umtalsefni að bankarnir hefðu lánað einum manni þúsund milljarða og vísaði þar væntanlega til Jóns Ásgeirs.

Óveður við Kvísker og á Mýrdalssandi

Óveður er við Kvísker og á Mýrdalssandi á Suð-Austurlandi. Vegagerðin varar einnig við mikilli hálku á Öxi á Austfjörðum og á Hrafnseyrarheiði á Vestfjörðum.

Uppsagnir líklegar á Landspítalanum

Laun verða lækkuð og fólki verður að öllum líkindum sagt upp segir Hulda Gunnlaugsdóttir, nýr forstjóri Landspítalans. Hún leggur þó áherslu á að þjónusta við sjúklinga verði ekki skert.

Til greina kemur að sameina Seðlabankann og Fjármálaeftirlitið

Forsætisráðherra segir að til greina komi að sameina Seðlabankann og Fjármálaeftirlitið og bráðlega verði skipað í rannsóknarnefnd vegna hruns bankanna, þar sem allt verði undir. Sagan sýnir að æðstu embættismönnum hefur verið skipt út við sameiningu stofnana.

Samfylkingarþingmenn ræddu ekki ummæli Davíðs

Lúðvík Bergvinsson, þingflokksformaður Samfylkingarinnar, segir að algjör samstaða þurfi að vera á milli ríkisstjónar og Seðlabanka þegar taka á á móti fjármunum frá Alþjóðagjaldeyrissjóðnum og búa til viðspyrnu hér á landi.

Sex handteknir eftir húsleit

Fíkniefni fundust við húsleit í Reykjavík á föstudagskvöld. Sex karlar voru handteknir og reyndist einn þeirra jafnframt vera eftirlýstur fyrir aðrar sakir.

Einum sleppt úr haldi í rannsókn á andláti manns í sumarbústað

Lögreglan á Selfossi hefur sleppt einum fjórmenninganna sem verið hafa í gæsluvarðhaldi vegna rannsóknar á andláti manns í sumarbústað í Grímsnesi fyrir rúmri viku. Sá hefur jafnframt verið úrskurðaður í farbann til 18. febrúar á næsta ári.

Dómari víkur ekki í máli gegn Jóni Ólafssyni

Hæstiréttur hefur staðfest þann úrskurð Símons Sigvaldasonar, dómara við Héraðsdóm Reykjavíkur, að hann víki ekki sæti í máli ákæruvaldsins á hendur Jóni Ólafssyni athafnamanni og þremur öðrum vegna meintra skattalagabrota.

Segir ríkisstjórnina ekki hafa skaðast vegna ummæla Davíðs

Árni Mathiesen fjármálaráðherra segir rétt að Davíð Oddsson hafi varað ríkisstjórnina við ástandinu líkt og seðlabankastjóri sagði í ræðu á morgunverðarfundi Viðskiptaráðs í morgun. Árni segir að í kjölfarið hafi m.a verið farið í það að efla gjaldeyrisvaraforða Seðlabankans.

Gísli ekki á borgarstjórnarfundi í dag

Gísli Marteinn Baldursson borgarfulltrúi Sjálfstæðisflokksins hefur mætt á fjóra af sjö borgarstjórnarfundum frá því nýr meirihluti tók við í Reykjavík í 21. ágúst. Hann var ekki á fundi borgarstjórnar í dag.

Fá ekki upplýsingar um GSM-síma vegna rannsóknar á ofsaakstri

Hæstiréttur hefur hafnað kröfu Sýslumannsins á Selfossi um að fá upplýsingar um þau GSM-tæki sem voru í notkun á Eyrarbakkavegi vestan Óseyrarbrautar á háltímakafla um miðjan dag þann 5. nóvember.

Bankamálaráðherra sat ekki fund með Davíð um stöðu bankanna

Björgvin G. Sigurðsson viðskiptaráðherra segir gagnrýni Davíðs Oddssonar seðlabankastjóra á stjórnvöld vegna viðvarana um stöðuna í bankakerfinu hafa komið á óvart. Hann vísar enn fremur í skýrslu Seðlabankans um fjármálastöðugleika en þar kom fram að bankakerfið stæði traustum fótum.

Nýr evrópskur menningarvefur á netinu

Á fimmtudaginn kemur opnar á Netinu nýr evrópskur menningarvefur, europeana.eu. Þar verða allar helstu menningarperlur Evrópuþjóðanna aðgengilegar öllum sem hafa aðgang að Netinu. Landsbókasafn Íslands - Háskólabókasafn er fulltrúi Íslendinga í þessu sameiginlega verkefni Evrópuþjóðanna.

Þorsteinn Kragh áfram í gæsluvarðhald

Þorsteinn Kragh sem setið hefur í varðhaldi vegna fíkniefnamáls sem kom upp á Seyðisfirði í byrjun júní, hefur verið úrskurðaður í áframhaldandi gæsluvarðhald til 18. desember að kröfu lögreglunnar á höfuðborgarsvæðinu og er það gert á grundvelli almannahagsmuna.

Tveir seðlabankamenn í stjórn Fjármálaeftirlitsins

Davíð Oddsson seðlabankastjóri gagnrýndi Fjármálaeftirlitið nokkuð á morgunverðarfundi Viðskiptaráðs í morgun. Vék hann að því í máli sínu að árið 1998 hefði allt bankaeftirlit verið flutt frá Seðlabankanum og yfir í Fjármálaeftirlitið. Heimildir þess sem voru allvíðtækar fyrir, hafi verið auknar og fjárframlög til þess stórlega vaxið á síðustu árum. Tveir seðlabankamenn sitja í stjórn FME.

Leggja til ítarlegar hugmyndir til atvinnuuppbyggingar

Samtök iðnaðarins leggja til gjaldeyrissparnað með því að velja íslenskt, breytingar á skattamálum, auknar framkvæmdir og meiri nýsköpun ásamt sókn í menntamálum til þess að byggja aftur upp atvinnu- og efnahagslíf landsins. Samtökin unnu skýrslu um málið sem lögð var fyrir vinnuhóp á vegum ríkisstjórnarinanr sem vinnur að atvinnusköpun.