Fleiri fréttir

Líkur á sátt á Alþingi um skipan rannsóknarnefndar

Allar líkur eru á að samkomulag takist milli stjórnar og stjórnarandstöðu um skipan rannsóknarnefndar vegna bankahrunsins. Formenn stjórnarandstöðuflokkanna funduðu í morgun með forsætisráðherra og forseta alþingis um málið.

Flaggari handtekinn í Alþingishúsinu í gær

Annar þeirra sem flaggaði Bónusfána á Alþingishúsinu í mótmælum fyrir hálfum mánuði var handtekinn í gærkvöldi. Lögregla greip manninn þar sem hann var í vísindaferð með háskólafélögum á Alþingi. Honum var umsvifalaust gert að afplána eldri dóm án lögbundins fyrirvara og það degi fyrir boðuð mótmæli í miðbænum.

Vill að erlendir bankar eignist hlut í þeim íslensku

Fjármálaráðherra segir æskilegt að þeir erlendu bankar sem eiga inni fjármuni hjá íslensku bönkunum eignist hlut í þeim. Að hans mati getur þetta ekki gerst nógu hratt en viðræður eru þegar hafnar.

Össur: Olía mun gera Ísland að ríkustu þjóð í heimi

Grunnurinn í íslensku atvinnulífi er sterkur. Það er ástæðan fyrir því að Ísland mun ná sér miklu fyrr upp úr djúpri kreppu sem bankahrunið hratt af stað, að mati Össur Skarphéðinssonar iðnaðarráðherra.

Mótmælt á Austurvelli í dag

Í dag fara fram sjöundu skipulögðu mótmælin á vegum Raddir fólksins á Austurvelli frá því fjármálakreppan reið yfir. Mótmælendum hefur heldur fjölgað frá því þau hófust fyrir sjö vikum en síðast liðinn laugardag er talið að á bilinu sex til sjö þúsund manns hafi komið saman á Austurvelli Mótmælin í dag hefjast klukkan þrjú.

Hefja viðræður við hálaunahópa hjá ríkinu um launalækkun

Ríkisstjórnin mun á næstu dögum hefja viðræður við fulltrúa hálaunahópa hjá ríkinu um tímabundna launalækkun þeirra til samræmis við þá launalækkun sem ríkisstjórnin óskaði eftir við Kjararáð í gær að komi til framkvæmda hjá æðstu ráðamönnum þjóðarinnar á næsta ári.

Talsverð ölvun á höfuðborgarsvæðinu - Nokkrir stútar teknir

Töluvert var um ölvun á höfuðborgarsvæðinu í nótt. Fjórir voru teknir grunaðir um ölvunarakstur og þá komu tvær líkamsárásir inn á borð lögreglu sem voru þó ekki alvarlegar. Að sögn lögreglu gekk nóttin vel þrátt fyrir mikla ölvun í miðbænum og í heimahúsum.

„Ertu að rífast við mig drengur?“

G. Pétur Matthíasson fyrrverandi fréttamaður á RÚV birti nú í kvöld á blogginu sínu viðtal sem hann tók við Geir H. Haarde forsætisráðherra í byrjun árs 2007.

Margdæmdur íslenskur níðingur dæmdur í Noregi

Margdæmdur íslenskur barnaníðingur var fyrr í mánuðinum dæmdur í þriggja ára og níu mánaða fangelsi í noregi fyrir að reyna að nauðga tíu ára stúlku í lok febrúar á þessu ári.

Jónas Fr. þarf að vernda fyrir fjölmiðlum

Vernda þarf Jónas Fr. Jónsson forstöðumann fjármálaeftirlitsins fyrir fjölmiðlum og sýna þeim að ríkisstjórnin sé stolt og sýni frumkvæði. Þetta er meðal þess sem kemur fram í aðgerðaráætlun sem Norðmaðurinn Bjorn Richard Johansen vann fyrir forsætisráðherra og fjallað var ítarlega um í kvöldfréttum RÚV og Kastljósinu.

Nærri 350 tilkynningar um kynferðisbrot í fyrra

Nærri 350 tilkynningar um kynferðisbrot, þar af 90 um nauðganir, bárust lögreglunni á síðasta ári. Eru þetta 14 prósentum fleiri brot en að meðaltali árin 2002-2006. Alls voru 346 málin kærð og var um að ræða 265 einstaklinga en langstærstur hluti þeirra var karlar. Þetta kemur fram í afbrotatölfræði Ríkislögreglustjóra fyrir síðasta ár.

Svartir tímar framundan hjá innflutningsfyrirtækjum

Lán innflutningsfyrirtækja hafa hækkað um 150 prósent á einu ári. Öll þurfa þau að staðgreiða vörur frá útlöndum og framundan eru svartir tímar, segir framkvæmdastjóri Félags íslenskra stórkaupmanna. Hann segir ríkið verða að skipta um gjaldmiðil.

Ríkisstjórnin vill lækka laun æðstu embættismanna ríkisins

Geir H. Haarde forsætisráðherra hefur skrifað bréf til kjararáðs og óskað eftir því að laun þeirra sem heyra undir kjararáð verði endurskoðuð og ákveðið tímabundið að lækka laun þeirra sem heyra undir ráðið. Þeir sem heyra undir kjararáð eru forseti Íslands, alþingismenn, ráðherrar, hæstaréttardómarar og héraðsdómara, auk forstöðumenn helstu ríkisstofnana.

Ekið á vegfaranda hjá Suðurveri

Ekið var á gangandi vegfaranda á Kringlumýrarbraut gegnt suðurveri rétt í þessu. Lögregla er á leið á staðinn, en að svo stöddu liggja engar upplýsingar fyrir um líðan hins slasaða.

Elding fær umhverfisverðlaun

Umhverfisverðlaun Ferðamálastofu voru afhent í 14 sinn í gær. Þau komu í hlut Hvalaskoðun Reykjavík ehf. / Elding fyrir „markvissa stefnu og fyrir að hafa sett sér það markmið að vinna að stöðugum úrbótum í umhverfismálum,“ að því er segir í tilkynningu.

Nokkrir hafa áhuga á Kaupþingi í Lúxemborg

Nokkur félög hafa lýst yfir áhuga á að kaupa starfsemi Kaupþings í Lúxemborg. Frá þessu greindi Yves Leterme, forsætisráðherra Belgíu, á blaðamannafundi í dag eftir fund með belgískum innistæðueigendum sem áttu fé hjá Kaupþingi í Lúxemborg.

Frumvarp til að greiða fyrir bílasölu úr landi lagt fram á Alþingi

Fjármálaráðherra hefur lagt fram á Alþingi frumvarp um breytingar á lögum um vörugjald af ökutækjum og lögum um virðisaukaskatt. Með frumvarpinu er lagt til að heimilað verði fram í apríl á næsta ári að endurgreiða virðisaukaskatt og vörugjald af notuðum ökutækjum sem flutt eru úr landi.

Dæmdir fyrir stórfelldan þjófnað í Reykjanesbæ

Héraðsdómur Reykjaness hefur dæmt þrjár karlmenn á aldrinum 22 til 34 ára í samtals 14 mánaða fangelsi fyrir stórfelldan þjófnað og fjórða manninn í tveggja mánaða skilorðsbundið fangelsi fyrir hylma yfir með þeim með því að geyma þýfið í íbúð sinni.

Misvísandi skilaboð kalla á vantrauststillögu

„Í ljósi misvísandi skilaboða þingmanna Samfylkingarinnar er eðlilegt að stjórnarandstaðan kanni það hversu sterkan meirihluta á þingi stjórnin hafi,“ segir Baldur Þórhallsson, prófessor í stjórnmálafræði, um vantrauststillöguna sem formenn stjórnarandstöðuflokkanna lögðu fram á Alþingi í dag.

Hvað sagði Davíð við Steinunni Valdísi?

Steinunn Valdís Óskarsdóttir, þingmaður og fyrrverandi borgarstjóri veltir því nú fyrir sér hvort hún eigi að „upplýsa samskipti sín við fyrrverandi forsætisráðherra eftir umdeilda ræðu á Austurvelli 17. júní 2002 um mannréttindi." Þetta kemur fram á Facebook síðu Steinunnar Valdísar. Þegar Vísir hafði samband við Steinunni vildi hún ekkert meira segja um málið að svo stöddu, hún myndi segja frá þessum samskiptum þegar sér hentaði.

Reiddi hátt til höggs

Héraðsdómur Norðurlands vestra hefur dæmt 19 ára pilt í þriggja mánaða skilorðsbundið fangelsi fyrir að hafa slegið annan mann með járnáhaldi þannig að hann hlaut djúpt sár á framhaldlegg.

Svíar samþykkja Lissabon-sáttmálann

Sænska þingið staðfesti í gærkvöldi Lissabon-sáttmálann umdeilda og varð Svíþjóð þar með tuttugasta og fjórða Evrópusambandsríkið til að gera það.

Þjóðleikhúsið sníði sér stakk eftir vexti

Brýnt er að Þjóðleikhúsið haldi rekstri sínum innan fjárlaga og sníði sér stakk eftir vexti. Þetta er meðal þess sem fram kemur í stjórnsýsluúttekt Ríkisendurskoðunar á leikhúsinu.

Telur ekki að Sjálfstæðisflokkurinn verði fyrir skaða til langs tíma

Geir H. Haarde forsætisráðherra telur ekki að Sjálfstæðisflokkurinn verði fyrir skaða, sé til langs tíma litið, þótt gremja fólks bitni að einhverju leyti á flokknum um stund. Nokkuð hefur verið um úrsagnir úr flokknum sem rekja má til aðgerða stjórnvalda í bankakreppunni.

Kanna hagkvæmni þess að framleiða eldsneyti hér á landi

Össur Skarphéðinsson iðnaðarráðherra undirritaði viljayfirlýsingu í morgun með japanska fyrirtækinu Mitsubishi, Heklu, Orkustofnun og Nýsköpunarmiðstöð Íslands um að athuga hvort hagkvæmt sé að byggja og reisa eldsneytisverksmiðju á Íslandi.

Endurnýjað umboð nauðsynlegt

Katrín Júlíusdóttir þingmaður Samfylkingarinnar segir, að yfirlýsingar Ingibjargar Sólrúnar Gísladóttur um að ótímabært sé að ræða kosningar á næsta ári, engu breyta um sína skoðun í málinu. Kjörnir fulltrúar ættu að fá umboð sitt endurnýjað í ljósi breyttra aðstæðna.

Yfirheyrðir í viðurvist barnaverndaryfirvalda

Lögreglan á Suðurnesjum er búin að hafa uppi á öllum þremur piltunum, sem gengu í skrokk á skólafélaga sínum á lóð Njarðvíkurskóla í gær, þannig að gera þurfti að sárum fórnarlambsins á heilsugæslustöðinni.

Segir Róbert Wessmann hafa skoðað skurðstofur

Róbert Wessmann, stjórnarformaður Salt Investments, var á ferðinni á dögunum með fulltrúum heilbrigðisráðuneytisins að skoða Heilbrigðsstofnun Suðurnesja og sýndi skurðstofum sem til stendur að loka mikinn áhuga. Þetta fullyrðir Helga Sigrún Harðardóttir, þingmaður Framsóknarflokksins.

Erlent eignarhald kemur til greina

Björgvin G. Sigurðsson, viðskiptaráðherra segir það koma til greina að erlent eignahald verði að hluta á íslensku viðskiptabönkunum í framtíðinni.

Segir auðmann hafa sýnt skurðstofum á Suðurnesjum áhuga

Helga Sigrún Harðardóttir, þingmaður Framsóknarflokksins, spurði heilbrigðsráðherra um það á Alþingi í dag í hvaða erindagjörðum einn af þekkstu auðmönnum landsins hefði verið þegar hann skoðaði starfsemi Heilbrigðisstofnunar Suðurnesja með starfsmönnum heilbrigðisráðuneytisins á dögunum.

Ingibjörg Sólrún: Ótímabært að ræða kosningar

Ingibjörg Sólrún Gísladóttir, formaður Samfylkingarinnar, er ósammála þeim Þórunni Sveinbjarnardóttur umhverfisráðherra og Björgvini G. Sigurðssyni viðskiptaráðherra að ganga eigi til kosninga á næsta ári. Þetta sagði hún í samtali við fréttamenn eftir ríkisstjórnarfund í morgun.

Segir frumvarp um breytingar á eftirlaunalögum verða kynnt stjórnarandstöðu

Ingibjörg Sólrún Gísladóttir, utanríkisráðherra og formaður Samfylkingarinnar, segir að frumvarp um breytingar á eftirlaunalögunum umdeildum verði að líkindum kynnt formönnum stjórnarandstöðuflokkanna. Þetta kom fram í svari ráðherra við fyrirspurn Valgerðar Sverrisdóttur, formanns Framsóknarflokksins.Ingibjörg gaf hins vegar ekki upp hvernær slíkt frumvarp yrði lagt fram.

Telur ESB-þjóðir ekki munu leggjast gegn aðild Íslands

Olli Rehn, ráðherra stækkunarmála hjá Evrópusambandinu, telur ólíklegt að þjóðir sambandsins leggist gegn því að Ísland gerist aðili að sambandinu, svo framarlega sem samkomulag um innistæður í gömlu bönkunum erlendis liggi fyrir.

Sjá næstu 50 fréttir

Mest lesið