Ölvaður ökumaður ók út af

Ölvaður ökumaður missti stjórn á bíl sínum í hringtorgi í Mosfellsbæ í nótt, ók á ljósastaur og hafnaði úti í móa.

Aðstoðuðu rjúpnaskyttu í sjálfheldu

Björgunarsveitarmenn frá Bíldudal og Tálknafirði komu í gærkvöldi rjúpnaskyttu til aðstoðar, sem komin var í sjálfheldu í fjallshlíð skammt frá flugvellinum á Bíldudal.

Yfirheyrðir í dag vegna árásar við Njarðvíkurskóla

Lögreglan á Suðurnesjum er búin að hafa uppi á öllum þremur piltunum, sem gengu í skrokk á skólafélaga sínum á lóð Njarðvíkurskóla í gær, þannig að gera þurfti að sárum fórnarlambsins á heilsugæslustöðinni.

Grímsnesið til hafnar eftir hrakfarir

Hrakfallasiglingu dragnótabátsins Grímsness GK, með sjö manna áhöfn, sem upphaflega strandaði á Skarðsfjöru á miðvikudagsmorgun, lauk loks á miðnætti, þegar síldveiðiskipið Ásgrímur Halldórsson kom með hann í togi til Njarðvíkur, þar sem Grímsnesið verður tekið í slipp.

Hugsanlega hálsbrotinn eftir hópslagsmál

Hópslagsmál brutust út utan dyra í efri byggðum borgarinnar um klukkan þrjú í nótt, þar sem nokkrir menn gerðu öðrum mönnum fyrirsát.

Frumvarp um breytt eftirlaunalög lagt fyrir Alþingi á morgun

Ríkisstjórnarflokkarnir hafa samkvæmt heimildum Vísis náð samkomulagi um að gera breytingar á umdeildum eftirlaunalögum og verður frumvarp þess efnis lagt fyrir á Alþingi á morgun.

Þingmenn Samfylkingarinnar vilja einnig kosningar á næsta ári

Að minnsta kosti fjórir þingmenn og tveir ráðherrar Samfylkingarinnar vilja að gengið verði til kosninga á næsta ári. Þórunn Sveinbjarnardóttir, umhverfisráðherra, sagði í samtali við Vísi í dag að atburðir síðustu daga og vikna vera þeirra gerðar að þeir sem komi að uppbyggingarstarfinu verði að hafa til þess skýrt umboð.

Bíræfni bílþjófurinn laus úr haldi

Bíræfni bílþjófurinn sem lögreglan handsamaði í Borgarnesi í gærmorgun er laus úr haldi. Ekki reyndist grundvöllur til að fara fram á gæsluvarðhald fyrir manninum. Lögreglan vinnur áfram að rannsókn málsins.

Geir vill ekki kosningar heldur pólitískan stöðugleika

,,Það verða allir að standa í lappirnar. Annað væri uppgjöf," sagði Geir H. Haarde, forsætisráðherra, aðspurður í Kastljósi fyrr í kvöld um þá afstöðu tveggja ráðherra Samfylkingarinnar sem vilja að gengið verði til kosninga á næsta ári.

Leit gerð að rjúpnaskyttu sem nú er fundin

Björgunarsveitir Slysavarnarfélagsins Landsbjargar á Bíldudal og Tálknafirði voru kallaðar út til leitar að rjúpnaskyttu klukkan rúmlega 18 í kvöld.

Fólskuleg líkamsárás á skólalóð í Reykjanesbæ

Á vefsíðunni Youtube.com er að finna alvarlega líkamsárás sem átti sér stað í Reyjanesbæ í dag. Þar veitast þrír ungir drengir að jafnaldra sínum með höggum og spörkum á skólalóð Njarðvíkurskóla og er meðal annars sparkað í höfuð drengsins.

Raddir fólksins biðja borgina um aðstoð

Raddir fólksins vilja að Reykjavíkurborg aðstoði samtökin og hafa farið fram á að borgin útvegi þeim húsnæði til fundarhalda og skrifstofustarfssemi. Raddir fólksins eru samtök aðila sem hafa staðið að mótmælafundum á Austurvelli á laugardögum undanfarnar vikur.

Fikt stráka með eld orskaði bruna á Baldursgötu

Á laugardaginn kviknaði í mannlausu húsi við Baldursgötu í Reykjavík. Eldsupptök voru ókunn en lögreglan á höfuðborgarsvæðinu rannsakaði málið sem nú er upplýst.

Fjórir þingmenn með myntkörfulán

Fjórir þingmenn eru í þeirri stöðu að hafa tekið myntkörfulán á síðustu árum. Einn hefur þegar látið frysta sín lán.

Skuldir heimilanna fimmfaldast frá einkavæðingu bankanna

Skuldir heimilanna fimmfölduðust frá því bankarnir voru einkavæddir þangað til þeir hrundu í síðasta mánuði. Skuldirnar hafa vaxið jafnt og þétt frá því bankarnir voru einkavæddir.

Reynsla Finna í barnaverndarmálum á kreppuárunum víti til varnaðar

Sjötíu prósenta aukning varð á þeim fjölda barna sem þurfti að skilja frá foreldrum sínum og koma fyrir á fósturheimilum og stofnunum eftir kreppuárin í Finnlandi. Víti til varnaðar, segir forstjóri Barnaverndarstofu.

Geir: Ekki verði gengið hömlulaust á gjaldeyrsjóðinn

Stjórn Alþjóðagjaldeyrissjóðsins hefur ákveðið að lána Íslandi 2,1 milljarð dollara eða sem nemur tæpum 300 milljörðum króna. Peningarnir verða ekki notaðir til að styrkja gjaldeyrismarkaðinn nema nauðsyn krefji segir forsætisráðherra.

Viðskiptaráðherra vill kosningar á næsta ári

Björgvin G. Sigurðsson viðskiptaráðherra er þeirrar skoðunar að boða eigi til kosninga á næsta ári. Undir þá skoðun tekur Þórunn Sveinbjarnardóttir umhverfisráðherra og segir atburði síðustu daga og vikna vera þeirra gerðar að þeir sem komi að uppbyggingarstarfinu verði að hafa til þess skýrt umboð.

Björgunarskip komið að vélarvana fiskiskipi

Björgunarskipið Oddur V. Gíslason er komið að Grímsnesi GK-555 þar sem að skipið er vélarvana rúmlega tvær sjómílur undan Sandvík á Reykjanesi.

Fylgjast með þróun og áhrifum atvinnuleysis í borginni

Svandísi Svavarsdóttur, oddvita Vinstri - grænna, hefur verið falið að fara fyrir starfshópi á vegum borgarinnar sem á að fylgjast með þróun og meta áhrif atvinnuleysis í Reykjavík.

Athvarf fyrir heimilislausa áfram rekið á Njálsgötu

Reykjavíkurborg hefur ákveðið að starfrækja áfram heimili fyrir karla með áfengisvanda og annan vímuefnavanda á Njálsgötu í ljósi þeirra reynslu sem hafi fengist. Staðsetning heimilisins sætti mikilli gagnrýni íbúa á Njálsgötunni þegar það opnaði sumarið 2007.

Vill styttri opnunartíma og dreifðari staði til þess draga úr afbrotum

Lögreglustjórinn á höfuðborgarsvæðinu telur að með því að fækka skemmtistöðum í miðborginni, stytta opnunartíma, dreifa veitingastöðum meira um borgina og færa skemmtistaði af tiltekinni tegund í iðnaðarhverfi megi draga úr afbrotum í miðborginni og raunar öllu höfuðborgarsvæðinu.

Vélarvana bát rekur að landi

Vélarvana fiskibát rekur nú að landi við Stóru-Sandvík á Reykjanesskaga samkvæmt tilkynningu frá Landsbjörgu. Björgunarsveitir og björgunarskip Slysavarnafélagsins eru á leið að bátnum auk þess sem nærstaddir bátar hafa verið beðnir að sigla á staðinn.

Verð á einstökum vörum hefur tvöfaldast á hálfu ári

Dæmi eru um að verð á einstökum vörum í matvöruverslunum hafi hækkað um yfir 100 prósent á síðastliðnu hálfu ári. Þetta leiða verðkannanir ASÍ í ljós.

Ólafur Ragnar örmagnaðist eftir fráfall eiginkonu sinnar

Ólafur Ragnar Grímsson, forseti Íslands, varð örmagna á sál og líkama í byrjun ársins 2001.

Fyrirtæki sýknað af bótakröfu vegna flugeldaslyss

Héraðsdómur Reykjavíkur hefur sýknað fyrirtæki af um 14,5 milljóna króna bótakröfu karlmanns vegna flugeldaslyss sem hann varð fyrir í janúar árið 2006.

Ólafur tjáir sig ekki um bókina

Fréttir upp úr bók Guðjóns Friðrikssonar, Saga af forseta, hafa birst í fjölmiðlum í dag. Þar hefur ýmislegt fróðlegt komið fram eins og t.d afskipti Davíðs Oddssonar af hjónavígslu forsetans og Dorritar.

Fá ekki að skila útboðslóðum eða atvinnulóðum í borginni

Þeir aðilar sem fengu úthlutað lóð á grundvelli útboðs árið 2006 geta ekki skilað þeim til Reykjavíkurborgar enda var slíkt ekki í upphaflegum skilmálum.

Umhverfisráðherra vill kosningar á næsta ári

Þórunn Sveinbjarnardóttir umhverfisráðherra segist vera þeirrar skoðunnar að boða eigi til kosninga á næsta ári. Hún segir atburði síðustu daga og vikna vera þeirra gerðar að þeir sem komi að uppbyggingarstarfinu verði að hafa til þess skýrt umboð. Þórunn er fyrst ráðherra til þess að lýsa því yfir að hún vilji ganga til kosninga á næstunni.

Bretar lána 460 milljarða vegna innistæðuskulda

Bresk stjórnvöld hafa ákveðið að lána íslenskum stjórnvöldum 2,2 milljarða punda, jafnvirði nærri 460 milljarða króna, og er það sagður hluti af samkomulagi sem gert hafi verið við Alþjóðagjaldeyrissjóðinn.

Feðgar dæmdir fyrir húsbrot

Héraðsdómur Norðurlands eystra hefur dæmt föður og tvo syni í þriggja mánaða skilorðsbundið fangelsi fyrir húsbrot hjá manni sem leigði hjá dóttur mannsins og systur bræðranna. Ákæran í málinu var í þremur liðum.

Undirbúa sóknaráætlun fyrir Reykjavík í kreppunni

Borgarráð samþykkti fyrr í dag einróma tillögu Hönnu Birnu Kristjánsdóttur borgarstjóra um að undirbúin verði sóknaráætlun fyrir Reykjavík vegna þeirra verkefna sem borgin stendur frammi fyrir í ljósi breytinga í efnahagsumhverfinu.

Ríkisstjórnin þarf að hreinsa til hjá sjálfri sér

Hefja verður uppstokkun í stjórnkerfinu strax og á fyrsta verk að vera að skipta út þeim ráðamönnum sem sannarlega hafa ekki staðið sig.

Ólafur gerði Davíð orðlausan

Ólafur Ragnar Grímsson lýsir tuttugu sekúndna löngu símtali sínu við Davíð Oddsson þar sem hann tilkynnti honum um að hann ætlaði að beita málskotsrétti sínum og synja fjölmiðlalögunum. Ástæðu þess að símtalið stóð yfir í svo stuttan tíma segir Ólafur hafa verið þögn Davíðs, hann hafi verið svo gáttaður að hann kom ekki upp orði.

Yfir sex þúsund manns á atvinnuleysisskrá

Tæplega 6.150 manns eru á atvinnuleysisskrá í dag samkvæmt tölum á vef Vinnumálastofnunar.

Ungir framsóknarmenn bjóða Davíð Oddssyni í hádegisverð

Ungir framsóknarmenn hafa sent Davíð Oddssyni opið bréf og bjóða honum í grjónagraut og slátur í hádeginu á laugardaginn. Í bréfinu segjast ungir framsóknarmenn hafa heyrt Davíð segja svo merkilega hluti á fundi Viðskiptaráðs á þriðjudaginn, meðal annars um það hvernig Davíð hefði séð bankakreppuna fyrir og reynt að vara alla við.

Hollenskur öldungur áfram í haldi vegna hassmáls

Hollenski öldungurinn, sem gripinn var með um 190 kíló af hassi, kókaín og marijúana í húsbíl sínum við komuna til landsins með Norrænu í júní, hefur verið úrskurðaður í áframhaldandi gæsluvarðhald til 18. desember.

Valgerður fagnar IMF áfanga

Valgerður Sverrisdóttir segir það fagnaðarefni að þeim áfanga skuli hafa verið náð að taka lán hjá Alþjóðagjaldeyrissjóðnum og gera út um deilur vegna Icesave.

Ræddu nágrannavörslu í Garðabæ

Íbúar í götum sem liggja að Seljuási og Hlíðarási í Garðabæ mættu á fund sem haldinn var í gærkvöld um nágrannavörslu í hverfinu. Nágrannavarslan er samstarfsverkefni Garðabæjar og svæðisstöðvar lögreglunnar á höfuðborgarsvæðinu í Garðabæ.

Meiri stemmning í sjávarútveginum en um árabil

Íslenskir frystitogarar hafa skilað á land aflaverðmæti sem nemur tveimur milljörðum króna síðustu daga. Meiri stemmning er í greininni en um árabil.

Ingibjörg: Tvö næstu ár verða þjóðinni erfið

Ingibjörg Sólrún Gísladóttir utanríkisráðherra segir næstu tvö ár verða þjóðinni erfið og segir afar mikilvægt að allir aðilar gangi í takt. Þetta kom fram í máli hennar í umræðum um þingsályktunartillögu um samstarf við Alþjóðagjaldeyrissjóðinn á Alþingi í dag.

Davíð fyrir viðskiptanefnd vegna ummæli um aðgerðir Breta

Davíð Oddsson seðlabankastjóri verður kallaður á fund viðskiptanefndar Alþingis í næstu viku og þess krafist að hann skýri ummæli sín frá því í fyrradag um að hann hefði vitneskju um hvað hefði ráðið afstöðu breskra yfirvalda þegar hryðuverkalögum var beitt gegn Íslandi. Þau ummæli lét hann falla á fundi Viðskiptaráðs en vildi ekki gefa upp hvað hefði ráðið afstöðu Breta.

Steingrímur: Ríkisstjórnin biðjist lausnar

Steingrímur J. Sigfússon formaður VG, gagnrýndi ríkisstjórnina harðlega í umræðum um IMF lánið á Alþingi í dag. Hann kallaði umræðuna „eftiráumræðu“ og honum fannst sérkennilegt að heyra í forsætisráðherra tala eins og það væri verið að sýna Alþingi sérstaka „virðingu“ með því að taka málið upp á þingi. Enn undarlegra væri að hlusta á Geir tala eins og það hefði fyllilega komið til álita að gera þetta án þess að þingið kæmi að málum. Hann gagnrýndi einnig deilur á milli ríkistjórnarflokkanna og sagði ástand ríkisstjórnarinnar vera þannig að hún ætti að biðjast lausnar sem fyrst.

Þurfa að sækja um greiðslujöfnun fyrir miðvikudaginn

Jóhanna Sigurðardóttir, félags- og tryggingamálaráðherra, hefur gefið út reglugerð um frest einstaklinga til að óska eftir greiðslujöfnun fasteignaveðlána sinna samkvæmt nýsamþykktum lögum um greiðslujöfnun fasteignaveðlána til einstaklinga.

Deildu um hvort yfirstjórn Seðlabankans ætti að víkja

Geir H. Haarde forsætisráðherra og Helgi Hjörvar, þingmaður Samfylkingarinnar, deildu hart um það hvort stjórn Seðlabankans ætti að víkja þegar ráðherra mælti fyrir þingsályktunartillögu um samstarf við Alþjóðagjaldeyrissjóðinn.