Villtur á hálendinu í fjóra sólarhringa

Gangnamenn sem fundu Spánverja í jaðri Ódáðahrauns hafa að öllum líkindum bjargað lífi hans. Varðstjóri lögreglunnar á Húsavík segir að svo virðist sem maðurinn hafi lagt bíl sínum á svokallaðri Trölladyngjuleið og ákveðið að fara í göngutúr. Hann hefur síðan villst og ekki fundið bílinn á ný. Maðurinn hefur sennilega verið á göngu í fjóra daga og var hann mjög máttfarinn þegar gangnamenn fundu hann fyrir tilviljun, en svæðið er að sögn varðstjórans eins fjarri mannabyggðum og unnt er að komast hér á landi. Hann er nú á sjúkrahúsi til aðhlynningar.

Mikilvægasta verkefnið að verja stöðu heimilanna

Landssamband íslenskra verzlunarmanna samþykkti á þingi sínu í dag ályktun þar sem lýst er yfir áhygjgum af stöðu efnahagsmála hér á landi. Ingibjörg R. Guðmundsdóttir var endurkjörin formaður sambandsins.

Óttast að læknanemar flýi land

Gunnar Ármannsson, framkvæmdastjóri Læknafélagsins og formaður samninganefndar félagsins, óttast flótta lækna úr landi og sér í lagi nýútskrifaðra lækna vegna launakjara stéttarinnar.

Hópslysaæfing á Landspítala tókst vel

Landspítali var settur á virkjunarstig laugardagsmorguninn 20. september 2008 vegna rútuslyss sem gert var ráð fyrir að orðið hefði í Ártúnsbrekku í Reykjavík og var unnið samkvæmt nýrri viðbragðsáætlun spítalans. Æfingin er sögð hafa heppnast vel en í viðbragðsáætluninni er gert ráð fyrir þremur stigum, viðbúnaðarstigi, virkjunarstigi og neyðarstigi.

Björn Bjarnason: Ekki verið að bola Jóhanni úr embætti

Dómsmálaráðherra segir að ekki sé verið að bola lögreglustjóra Suðurnesja úr embætti. Ráðuneytið hefur auglýst starfið til umsóknar án þess að lögreglustjórinn hafi sagt upp starfinu.

Ingibjörg: Íslendingar verða að þétta raðirnar

Ingibjörg Sólrún Gísladóttir, formaður Samfylkingarinnar, sagði í ræðu á flokksstjórnarfundi fyrr í morgun að í róðrinum gegn verðbólgunni þurfi samhent átak ríkisstjórnar, fyrirtækja og einstaklinga.

Suðurlandsvegur opnaður á ný eftir umferðarslys

Suðurlandsvegur hefur verið opnaður á nýjan leik eftir umferðarslys fyrr í morgun. Tveir fólksbílar rákust saman klukkan rúmlega hálf tíu. Samkvæmt upplýsingum frá lögreglu slasaðist einn lítillega í árekstrinum.

Jón fagnar hugmynd þremenninganna ólíkt Guðna

Jón Sigurðsson, fyrrverandi formaður Framsóknarflokksins, fagnar því sem hann kallar tímabært frumkvæði þriggja einstaklinga úr hópi yngri forystumanna flokksins varðandi hugmynd um þjóðaratkvæðagreiðslu um aðildarviðræður fyrir maí á næsta ári. Aftur á móti hugnast Guðna Ágústssyni, formanni flokksins, hugmyndin lítt.

Suðurlandsvegur lokaður vegna umferðarslyss

Suðurlandsvegur er lokaður við gatnamót Nesjavallar eftir að tveir fólksbílar rákust þar saman klukkan hálf tíu í morgun.

Jóhannes vill aðildarviðræður

Jóhannes Gunnarsson, formaður Neytendasamtakanna, leggur til á þingi samtakanna sem líkur síðar í dag að látið verði reyna á kosti og galla Evrópusambandsaðilar með aðildarviðræðum.

Húsleit á Sauðárkróki annars róleg nótt hjá lögreglunni

Rólegt var hjá lögreglunni á höfuðborgarsvæðinu í nótt og engin alvarleg útköll. Níu voru þó teknir grunaðir um ölvunarakstur.

Ráðuneyti Björns vill Jóhann burt af Suðurnesjum

Dómsmálaráðuneytið hefur tilkynnt Jóhanni R. Benediktssyni, lögreglustjóra á Suðurnesjum, að starf hans verður auglýst til umsóknar.

Steingrímur fékk Sjónlistaverðlaunin

Sjónlistaverðlaunin 2008 voru afhent við hátíðlega athöfn í Flugsafni Íslands á Akureyri í kvöld að viðstöddum menntamálaráðherra, Þorbjörgu Katrínu Gunnarsdóttur. Athöfnin var í beinni útsendingu í Sjónvarpinu.

Laugardagur er hjóladagur fjölskyldunnar

Hjóladagur fjölskyldunnar er laugardaginn 20. september á Evrópskri samgönguviku sem nú stendur sem hæst.

Andstaðan við flóttakonur á Akranesi í frétt Al-Jazeera

Á Evrópusíðu sjónvarpsstöðvarinnar Al-Jazeera, sem sendir fréttir um allan heim á ensku og arabísku, er greint frá komu palestínsku flóttakvennanna til Akraness.

Svipti sig lífi á geðdeild

Karlmaður framdi sjálfsvíg inni á geðdeild Landspítala háskólasjúkrahúss fyrir skömmu. Málið er til skoðunar hjá Landlæknisembættinu en Matthías Halldórsson aðstoðarlandlæknir segir ekki hægt að fyrirbyggja öll sjálfsvíg inni á geðdeildum, til þess sé geðlæknisfræðin of skammt á veg komin.

Yfirfull fangelsi

Fangelsi landsins eru yfirfull og hafa fangelsisyfirvöld neyðst til að vista fanga á lögreglustöðvum og tvímennt er í um tíu klefum á Litla Hrauni. Meðal annars hefur verið skoðað hvort hægt sé að vista fanga í gámum.

Guðfinna fékk tugmilljónir við starfslok hjá HR

Guðfinna Bjarnadóttir, þingmaður, fékk tugmilljónir króna frá Háskólanum í Reykjavík þegar hún lét af störfum sem rektor á síðasta ári.

Séra Gunnar Björnsson giftir þrátt fyrir leyfi frá störfum

Séra Gunnar Björnsson, fyrrverandi sóknarprestur á Selfossi, ætlar að framkvæma hjónavígslu í Stokkseyrarkirkju á morgun þrátt fyrir að hafa verið settur í leyfi frá störfum.

Fórnarlamb í Þorlákshafnarárás tregt til að tjá sig

Héraðsdómur Suðurlands fjallar nú um þá kröfu lögreglunnar á Selfossi að pólskur maður og kona skuli áfram sæta varðhaldi vegna gruns um aðild að árás á samlanda þeirra í Þorlákshöfn aðfaranótt sunnudags.

Forseti Alþingis heimsótti Dúmuna

Sturla Böðvarsson, forseti Alþingis, og Hallgerður Gunnarsdóttir eiginkona hans eru í opinberri heimsókn í Rússlandi 17.-22. september, í boði forseta Dúmunnar.

Hestaníðingur ákærður fyrir barsmíðar

Lögreglustjórinn á höfuðborgarsvæðinu hefur gefið út kæru á hendur tamningamanni fyrir að hafa barið hross ítrekað með svipu í andlit og fyrir að hafa slegið það með flötum lófa og krepptum hnefa í andlitið og síðuna.

Bæjarstjóri Ísafjarðar ávíttur

Meirihluti atvinnumálanefndar Ísafjarðarbææjar ávítti Halldór Halldórsson, bæjarstjóra, á fundi fyrr í vikunni fyrir afskipti af samningi við fyrirtækið Alsýn um atvinnuátak í sveitarfélaginu. Fréttavefurinn Skutull greinir frá þessu.

Adolf Guðmundsson býður sig fram til formanns LÍÚ

Adolf Guðmundsson framkvæmdastjóri Gullbergs ehf á Seyðisfirði hefur tilkynnt að hann muni bjóða sig fram til formanns Landssambands íslenskra útvegsmanna á næsta aðalfundi samtakanna sem haldinn verður 30. og 31. október nk. Fyrir liggur að Björgólfur Jóhannsson mun ekki gefa kost á sér til endurkjörs.

Opinn fjárfestingarsjóður fjármagnar verkefni REI

Stjórn Orkuveitur Reykjavíkur samþykkti einróma á fundi sínum í dag þá ákvörðun stjórnar Reykjavík Energy Invest að stofna opin fjárfestingarsjóð til þess að fjármagna verkefni REI.

Vilja að Kristinn segi af sér þingmennsku

Stjórn ungra frjálslyndra hvetur Kristinn H. Gunnarsson, þingflokksformanna Frjálslynda flokksins, til að segja af sér þingmennsku samstundis í ljósi þess að hann hafi ítrekað sýnt vanhæfi sitt til að gegna þingstörfum fyrir flokkinn.

Lögreglumenn frá Litháen í heimsókn á Íslandi

Fimm lögreglumenn frá frá Sirene skrifstofunni í Litháen eru staddir hér á landi í náms- og kynnisferð ásamt yfirmanni alþjóðadeildarinnar í Lichtenstein. Alþóðadeildin áformar þátttöku í Schengen samstarfinu innan tíðar.

„Þetta er enginn fullnaðarsigur“

Sú ákvörðun ljósmæðra og fjármálaráðherra að fallast á miðlunartillögu ríkissáttasemjara um kjarabætur til handa ljósmæðrum þýðir að verkföllum ljósmæðra, sem boðuð höfðu verið í næstu og þarnæstu viku, er aflýst. Þá hættir fjármálaráðherra við að stefna ljósmæðrum fyrir félagsdóm vegna meintra ólögmætra uppsagna.

Í steininn í tvo mánuði fyrir ítrekaðan ölvunar- og fíkniefnaakstur

Héraðsdómur Suðurlands dæmdi í dag karlmann í tveggja mánaða fangelsi fyrir ítrekaðan ölvunar- og fíkniefnaakstur og akstur án ökuréttinda.

Samkomulag ljósmæðra hefur áhrif á kjaradeilu lækna

Málamiðlunartillaga ríkissáttasemjara sem ljósmæður samþykktu fyrir stundu hefur bein áhrif á kjaradeilu lækna og samninganefndar ríkissins en næsti fundur í viðræðunum hefst eftir nokkrar mínútur.

Ríkisstjórnin tryggi að landeigendur geti varið sig

Landssamband landeigenda sendi Geir H. Haarde forsætisráðherra bréf í síðustu viku þar sem farið er fram á það að hann beiti sér fyrir því að landeigendur geti varið sig í þjóðlendumálum.

Guðni: Flokksþing ákveður stefnuna í Evrópumálum

Stefna Framsóknarflokksins í Evrópumálum er ákveðin á flokksþingi, segir Guðni Ágústsson formaður Framsóknarflokkins. Hugmynd hóps meðal yngri forystumanna flokksins varðandi kosningar um aðildarviðræður hefur hvorki verið rædd í stjórn flokksins né þingflokknum, að sögn Guðna. ,,Þetta er það stórt mál og stór ákvörðun að hún verður ekki tekin nema að flokksþing komi að henni."

Dómur Hæstaréttar í máli hjúkrunarfræðings kom stjórnendum Landspítala á óvart

Dómur Hæstaréttar í máli hjúkrunarfræðings á geðsviði sem stefndi Landspítalanum vegna flutninga á milli deilda kom stjórnendum spítalans á óvart.

Ljósmæður samþykktu miðlunartillögu ríkissáttasemjara

Ljósmæður samþykktu miðlunartillögu ríkissáttasemjara með 85% atkvæða. Meira en 80% þátttaka var í atkvæðagreiðslunni. Ljósmæður tilkynntu fréttamönnum þetta fyrir stundu.

Felldi lögregluþjón við skyldustörf

Karlmaður var í Héraðsdómi Reykjaness nýverið dæmdur í þriggja mánaða skilorðsbundið fangelsi fyrir að hafa ráðist að lögreglumanni við skyldustörf fyrir utan veitingastað í Grindavík í fyrra.

Dæmdir fyrir að kveikja sinuelda við Hvaleyrarvatn

Héraðsdómur Reykjaness hefur dæmt þrjá pilta í þriggja mánaða fangelsi fyrir að hafa verið valdir að sinubruna við Hvaleyrarvatn í lok apríl á þessu ári.

Skólastarf fært út fyrir kennslustofur

Í Lundarskóla hefur skólastarf nú tímabundið verið fært út fyrir kennslustofurnar. Til að hrista saman nemendahópinn þurfa yngstu og elstu nemendurnir að starfa saman hlið við hlið og mælist það vel fyrir.

Hefðu getað sparað tugi milljóna með útboði

Reykjavíkurborg hefði getað sparað tugi milljóna króna á ári ef leitað hefði verið tilboða vegna leigu á skrifstofuhúsnæði. Borgin greiðir tæpan hálfan milljarð á ári í leigu fyrir Borgartún 10 til 12.

Sakar formann og þingflokksformann um einkavinavæðingu

Jón Magnússon, þingmaður Frjálslynda flokksins, sakar formann og þingflokksformann flokksins um einkavinavæðingu. Hann segir þingflokksformanninn ekki starfi sínu vaxinn og er til í að taka við embættinu af honum.

Hjörleifur áfram forstjóri Orkuveitunnar

Hjörleifur Kvaran verður áfram forstjóri Orkuveitu Reykjavíkur samkvæmt ákvörðun stjórnar félagsins. Stjórnin fundaði í hádeginu þar sem endanleg ákvörðun var tekin og var gert hlé á fundinum til þess að tilkynna starfsmönnum þessi tíðindi.

Merkingum á hættulegum kafla hugsanlega flýtt

Drjúgur spölur af hættulegasta vegarkafla Suðurlandsvegar, á milli Hveragerðis og Selfoss, er ómerktur og þar vantar auk þess hliðarstikur. Vegfarendur segja stórhættulegt að fara þar um í myrkri og slæmu skyggni.

Foreldrar brýni fyrir börnum að handfjatla ekki sprautunálar

„Við höfum bent foreldrum á það og ég ítreka það hér að brýna það fyrir börnum sínum að vera ekki að handfjatla hluti eins og sprautur eða nálar heldur hafa strax samband við lögreglu. Við komum þá og tökum þessa hluti í okkar vörslu og eyðum þeim,

Fyrirtaka í lögbannsmáli vegna Kompásþáttar í morgun

Ákvörðun sýslumanns um synjun á lögbannskröfu Benjamíns Þ. Þorgrímssonar, líkamsræktarmanns og einkaþjálfara, á birtingu Kompássþáttar var tekin fyrir í Héraðsdómi Reykjavíkur í dag.

Fær Samfylkingin Bónus undir sig?

Bónus hefur sótt um leyfi til að opna matvöruverslun í gamla Iðnaðarmannahúsinu við Hallveigarstíg 1. Umsókn þessa efnis var tekin fyrir á fundi skipulagsráðs í vikunni en ákvörðun um málið frestað.

Segir misskilnings hafa gætt um vinnslu Hafskipsbókar

„Ég er að upplagi kaldastríðssagnfræðingur,“ segir Stefán Gunnar Sveinsson sagnfræðingur, höfundur bókarinnar „Afdrif Hafskips – í boði hins opinbera“ sem JPV gefur út.