Um 16.000 manns fögnuðu í Kópavogi

Aldrei fyrr hafa jafnmargir komið saman á Rútstúni í Kópavogi 17. júní og í þetta sinn. Talið er að 16 þúsund manns hafi notið fjölskylduskemmtunarinnar, leiktækja, söng- og skemmtiatriða og þjóðhátíðarávarpa. Þetta segir í fréttatilkynningu frá bænum.

Björninn unninn

Búið er að drepa ísbjörninn í Skagafirði. Guðný Jóhannesdóttir, ritstjóri Héraðsfréttablaðsins Feykis, staðfesti það rétt í þessu í samtali við Vísi en hún var sjónarvottur að atburðinum. Aldrei náðist að koma deyfilyfinu í björninn svo að hann var skotinn er hann tók á rás í átt að fjölmiðlafólki.

Anarkistar lýsa fánaskiptunum á hendur sér

Íslenskir anarkistar hafa lýst yfir ábyrgð á því að þjóðfáninn var klipptur niður af flaggstöng á byggingu stjórnarráðsins og byltingarfáni Jörundar hundadagakonungs hengdur þar með honum. Vísir birti myndir af atburðunum fyrir skömmu.

Sonur Danans í pössun á Hrauni meðan skotið er

Sonur danska villidýrafræðingsins Carstens Grøndahl er kominn í pössun hjá dönsku húsfreyjunni á Hrauni á meðan karl faðir hans svæfir ísbjörninn. Þetta sagði Guðný Jóhannesdóttir, ritstjóri Héraðsfréttablaðsins Feykis, í samtali við Vísi.

Íslenski fáninn á byggingu stjórnarráðsins klipptur niður

Maður, sem klifraði upp á þak stjórnarráðsbyggingarinnar í miðbænum fyrir skömmu og klippti niður íslenska fánann, hefur verið handtekinn og var að koma á lögreglustöð þar sem yfirheyrslur yfir honum eru að hefjast.

Beðið eftir að búrið komi til Skagafjarðar

Búr, sem nota á til að flytja ísbjörninn úr landi, er nú á leið til Skagafjarðar en það kom til landsins með Dananum Carsten Grøndahl sem er sérfræðingur í að meðhöndla villt dýr.

Veðurguðirnir leika við landsmenn

Þjóðhátíðin hefur farið fram í blíðskaparveðri, sól og hita víðast hvar um landið. Vindur er hægur og hiti á Suðurlandi nálgast 15 gráður.

Íbúar Hrauns á Skaga hugsanlega fluttir brott

Lögreglan á Sauðárkróki íhugar nú að flytja íbúa bæjarins Hrauns á Skaga á brott á meðan deyfilyfi verður skotið í ísbjörninn með kvöldinu. Þetta kemur fram á fréttavefnum Skagafjörður.com.

Hyggjast kæra yfirflug í morgun

„Við ætlum að kæra þá,“ segir Stefán Vagn Stefánsson, yfirlögregluþjónn á Sauðárkróki, um áhöfn flugvélar sem flaug lágflug yfir svæðinu þar sem ísbjörninn heldur sig skammt frá bænum Hrauni.

Olíutankur á hliðina við flutninga í Eyjum

Óhapp varð þegar verið var að flytja 20 tonna þungan olíutank um hafnarsvæðið í Vestmannaeyjum út á Eiðið þar sem er sameiginleg olíubirgðastöð olíufélaganna í Eyjum.

Guðmundur og köttur hans sluppu naumlega úr brunanum

„Mundi er mikið hraustmenni en það hlýtur að taka á alla að lenda í svona,“ sagði Hrafn Jökulsson, íbúi í Trékyllisvík í Árneshreppi, en þar brann íbúðarhús Guðmundar Þorsteinssonar, Finnbogastaðir, í gærmorgun. Guðmundur og köttur hans komust einir af.

„Nú þarf að spyrna við fæti“

Geir H. Haarde forsætisráðherra sagði sitjandi ríkisstjórn hafa tekið við góðu búi er hann flutti hátíðarávarp sitt á Austurvelli um klukkan 11. Ráðherra ræddi um hræringar á innlendum og erlendum fjármálamörkuðum og lánsfjárkreppu.

Björninn bíður hinna dönsku

Meðfylgjandi mynd náðist fyrir skömmu af ísbirninum í Skagafirði. Lögregla fylgist grannt með dýrinu á meðan komu danskra sérfræðinga er beðið.

Danskur sérfræðingur kemur í dag til að fanga ísbjörninn

Dönsku sérfræðingarnir sem fanga eiga ísbjörninn sem sást í gær við bæinn Hraun á Skaga í Skagafirði eru væntanlegir til landsins um hálfþrjú í dag. Flogið er með þá og búrið sem þeir ætla að nota til að fanga björninn beint frá Kaupmannahöfn til Akureyrar.

Sjö í fangageymslum á höfuðborgarsvæðinu

Sjö manns gistu fangageymslur lögreglu á höfuðborgarsvæðinu í nótt auk þess sem tveir voru teknir við akstur grunaðir um að vera undir áhrifum fíkniefna og sá þriðji grunaður um ölvun við akstur.

Ábúendur færa sig ekki um set

Ábúendur að Hrauni II, þar sem hvítabjörn hefst við, ætla ekki að rýma húsið í nótt þrátt fyrir vinsamleg tilmæli frá lögreglunni.

Hyggst þiggja boð Novator

Starfandi umhverfisráðherra, Björgvin G. Sigurðsson, segir að boð Novator þess efnis að félagið greiði kostnaðinn vegna björgun hvítabjarnarins í Skagafirði verði þegið.

Alþjóðleg dýraverndunarsamtök fagna björgunaraðgerðum

Alþjóðlegu dýraverndunarsamtökin IFAW (International Fund for Animal Welfare) hafa sent frá sér fréttatilkynningu þar sem aðgerðum íslenskra stjórnvalda til að bjarga hvítabirninum í Skagafirði er fagnað.

Varð skíthrædd þegar hún sá björninn

Karen Helga Steinsdóttir, sem gekk fram á ísbjörninn við Hraun á Skaga, segist hafa orðið skíthrædd þegar hún áttaði sig á hvað var á ferðinni.

Geimfari og glerlistamaður með fyrirlestur í HR

Hjónin Dr. Catherine Coleman og Josh Simpson halda á miðvikudag forvitnilegan fyrirlestur í Háskólanum í Reykjavík.

Forsætisráðherra boðar fulltrúa BHM á sinn fund

Forsætisráðherra hefur boðað fulltrúa BHM á sinn fund, ásamt fjármála- og utanríkisráðherra, fimmtudaginn 19. júní klukkan 11.30.

Viðskiptavinir Strætó síst óánægðari en viðskiptavinir annarra fyrirtækja og stofnana

Niðurstöður úr þjónustumati sem Strætó bs. lét framkvæma hjá farþegum sínum er heldur hærri en meðaltal allra greina í ánægjuvog Gallup.

Fagnaðarefni að í haust séu tvö ár frá brotthvarfi hersins

Forseti Íslands segir það fagnaðarefni að í haust séu tvö ár liðin frá því að varnarlið Bandaríkjamanna fór af landi brott.

Dregur úr hjartaþræðingum hjá karlmönnum eftir reykingabann

Verulega hefur dregið úr hjartaþræðingum hjá karlmönnum vegna alvarlegra kransæðaverkja eftir að reykingabannið tók gildi. Þetta kemur fram í nýrri rannsókn. Margt bendir til þess að óbeinar reykingar gætu haft skaðlegri áhrif á karla en konur.

Tvær skyttur til taks ef á þarf að halda

Tvær skyttur eru til taks á Skaga ef á þarf að halda. Menn vona þó að ekki þurfi að aflífa björninn.

Novator býðst til að kosta björgun bjarnarins

Að höfðu samráði við yfirvöld hefur Novator, félag Björgólfs Thors Björgólfssonar, boðist til að standa straum af kostnaði sem kann að hljótast af því að bjarga ísbirninum sem gekk á land í Skagafirði og koma honum í öruggt og varanlegt umhverfi.

Ný sýning um uppbyggingu miðborgarinnar

Sérstök skipulagssýning um skipulags- og byggingarsviðs Reykjavíkurborgar verður opnuð af borgarstjóra að Laugavegi 33 á morgun, þjóðhátíðardaginn 17. júní, klukkan 13.

Réðst á sundlaugarstarfsmann á Selfossi

Rúður voru brotnar í leikskólanum Brimveri á Eyrarbakka um helgina. Maður var handtekinn grunaður um verknaðinn. Hann játaði að hafa brotið rúðurnar en hann réðist einnig á mann og vann tjón á bifreið sem var í grennd við leikskólann.

Í þriðja sinn á þremur áratugum sem tveir birnir koma sama árið

Jón Gunnar Ottósson, forstjóri Náttúrufræðistofnunar Íslands, segir komu ísbjarna hingað til lands mun algengari en fólk átti sig á. Þetta er í þriðja sinn á síðustu þremur áratugum sem tveir ísbirnir koma að landi á sama árinu.

Dýrafangarar koma líklega ekki fyrr en á miðvikudag - mynd af dýrinu

Samkvæmt upplýsingum frá Hjalta Guðmundssyni, sviðsstjóra hjá Umhverfisstofnun, verður reynt að bjarga hvítabirninum sem nú hefst við í Skagafirði.

Fíkniefni og piparúði í fórum manns

Fíkniefni, piparúði og kylfa fundust á manni sem lögreglan á Selfossi stöðvaði við umferðareftirlit aðfaranótt sunnudags.

Skyttur komnar á vettvang á Hrauni

Skyttur eru mættar að Hrauni á Skaga í Skagafirði þar sem ísbjörn hefur hreiðrað um sig í æðarvarpinu. Eftir því sem heimamenn segja eru þar á ferðinni sömu menn og felldu ísbjörninn á Þverárfjalli milli Blönduóss og Sauðárkróki.

Mega ekki auglýsa lán með 0 prósent vöxtum

Netyendastofa hefur bannað BT að auglýsa lán til kaupa á vörum með 0 prósent vöxtum án þess að birta heildarverð vörunnar sem lánið er veitt vegna.

Beðið eftir fyrirmælum frá yfirvöldum umhverfismála

Lögreglan á Sauðarárkróki bíður nú fyrirmæla frá yfirvöldum umhverfismála um það hvað gera skuli við björninn sem uppgötvaðist við bæinn Hraun á Skaga um hádegisbil.

Verið að athuga hvort raunhæft er að svæfa ísbjörninn

,,Nú eru aðstæður allt aðrar og allir í öruggu skjóli," segir Þorsteinn Sæmundsson, forsöðumaður Náttúrustofu Norðurlands vestra, þegar Vísir náði tali af honum rétt í þessu og spurði um næstu skref varðandi ísbjörninn á Skagatá.

Flókið að fanga ísbjörninn

Sigurður Jónsson sérfræðingur hjá Umhverfisstofnun segir að stofnunin sé að afla sér upplýsinga um ísbjörninn sem gekk á land á Skagatá. Umhverfsstofnun vinnur með yfirvöldum fyrir norðan að málinu.

Ísbjörninn í miðju æðarvarpinu

Ísbjörninn sem gekk á land á Skagatá í Skagafirði er rólegur að sögn sjónarvotta og situr eins og er í æðarvarpinu við Hraun.

Árni: Vonar að ísbirninum verði hlíft

Árni Finnsson, formaður Náttúruverndarsamtaka Íslands, vonast til þess að hægt verði að hlífa ísbirninum sem gekk á land í þetta sinn við Hraun á Skagatá.

Annar ísbjörn á Skaga - hélt að ísbjörninn væri áburðarpoki

Annar ísbjörn hefur gengið á land, í þetta sinn við Hraun á Skagatá. Lögregla hefur lokað svæðinu en ekki er vitað hvað hún mun til bragðs taka.

Milljónatjón vegna vatnsleka í íþróttahúsi Þróttar

Milljónatjón varð þegar kaldavatnsleiðsla gaf sig í inntaksklefa í íþróttahúsi Þróttar og vatn flæddi inn í 900 fermetra íþróttasal á neðstu hæð. Vart varð við tjónið snemma í morgun og strax var kallað eftir aðstoð eftir því sem segir í tilkynningu frá framkvæmda- og eignasviði borgarinnar.

Slökkviliðið aftur í mál við Hringrás vegna bruna

Slökkvilið höfuðborgarsvæðisins samþykkti á fundi sínum í síðustu viku að höfða nýtt dómsmál á hendur endurvinnslufyrirtækinu Hringrás vegna tjóns sem varð í bruna á athafnassvæði fyrirtækisins fyrir um fjórum árum.

Íbúi á Hverfisgötu kvartar undan hótunum borgaryfirvalda

Jón B. Einarsson, íbúi á Hverfisgötu 101 í Reykjavík, finnst lítið til vinnubragða borgaryfirvalda koma en þau sendu íbúum Hverfisgötu bréf fyrir stuttu þar sem þess var krafist að ytra byrði húsa við götuna yrði lagfært fyrir 1. ágúst. Sé það ekki gert muni yfirvöld athuga að grípa til þvingunarúrræða sem þau hafa heimild til.

Fríverslunarsamningur við Kólumbíumenn

EFTA-ríkin hafa gert fríverslunarsamning við Kólumbíu og lauk samningaviðræðum í Crans- Montana í Sviss 12. júní. Samningaviðræður stóðu yfir í tæplega eitt ár.

Um fjörutíu athugasemdir vegna breytinga á Ingólfstorgi

Frestur til að skila inn athugasemdum vegna fyrirhugaðrar byggingar hótelálmu við Vallarstræti og flutning tveggja húsa inn á Ingólfstorg hefur verið framlengdur til 27. júní.

Brottfluttum Súðvíkingum líður verr en heimamönnum eftir flóð

Brottfluttum Súðvíkingum virðist líða verr en þeim sem búa enn á staðnum eftir snjóflóðið í janúar 1995. Þeir sem fluttu á brott hafa frekar einkenni um martraðir, depurð, einangrun og sektarkennd.