Árni: Vonar að ísbirninum verði hlíft

Árni Finnsson, formaður Náttúruverndarsamtaka Íslands, vonast til þess að hægt verði að hlífa ísbirninum sem gekk á land í þetta sinn við Hraun á Skagatá.

Hann vonar að reynt verði eftir fremsta megni að koma í veg fyrir að málin þróist á sama hátt og fyrir tveimur vikum þegar að annar ísbjörn gekk á land og var að lokum veginn á Þverárfjalli í Skagafirði.

Árni segir ekki sé búið að gera viðbragðáætlun frá seinsta tilfelli en samkvæmt lögum þá liggi endanlegt ákvörðunarvald um næstu skref hjá Umhverfisstofnun.

,,Ég held að almenningur hér á landi líkt á mörgum öðrum stöðum í heiminum líti á ísbirni sem tákn fyrir það ástand sem er að verða á norðurhveli jarðar vegna loftslagsbreyting og mengunar," segir Árni og bætir við að þá vilji fólk að allt verði gert til að koma í veg fyrir að fella þurfi dýr eins og þessi.