Skíðasvæðin flest lokuð vegna veðurs

Flest öll skíðasvæði landsins eru lokuð í dag vegna veðurs en athuga á með opnun á nokkrum þeirra síðar í dag. Lokað er í Bláfjöllum vegna hvassviðris.

Tveir teknir fyrir fíkniefnaakstur í Borgarnesi

Lögreglan í Borgarnesi stöðvaði í gærkvöldi tvo ökumenn grunaða um akstur undir áhrifum fíkniefna. Ökumennirnir eru báðir á þrítugsaldri. Þá var annar ökumaður á fertugsaldri tekinn í morgun vegna ölvunaraksturs.

Íslensk stjórnvöld hafa þungar áhyggjur af ástandinu í Tíbet

Íslensk stjórnvöld lýsa yfir þungum áhyggjum af ástandinu í Tíbet og votta fjölskyldum fórnarlamba þar samúð sína. Þetta kemur fram í yfirlýsingu frá Evrópusambandinu sem Ísland hefur gerst aðili að.

Enn leitað að mönnum vegna íkveikju í Hrafnhólum

Lögreglan á höfuðborgarsvæðinu leitar enn tveggja manna sem grunaðir eru um að hafa kveikt í íbúð í fjölbýlishúsi við Hrafnhóla í Reykjavík um síðustu helgi.

Níu í fangageymslum lögreglunnar eftir nóttina

Töluverður erill var hjá lögreglunni á höfuðborgarsvæðinu í nótt og talsverður fjöldi í bænum og mikl ölvun.

Tveir meintir fíkniefnasalar teknir í Reykjanesbæ

Tveir menn voru handteknir í miðbæ Reykjanesbæjar grunaðir um vörslu og sölu fíkniefna. Lögregla lagði hald á töluvert magn fíkniefna en ekki fæst gefið upp hversu mikið magnið var nákvæmlega.

Rændi söluturn með sprautunál

Lögreglan á höfuðborgarsvæðinu leitar manns sem ruddist inn í söluturn við Eddufelli í Breiðholti á níunda tímanum í gærkvöld vopnaður sprautunál og hafði fjármuni á brott með sér.

Hefur áhyggjur af því að árangur tollgæslunnar glutrist niður

„Ég sé engan ávinning með þessu, hvorki faglegan né fjárhagslegan,“segir Guðbjörn Guðbjörnsson formaður tollvarðafélag Íslands. Uppi eru áform um að sameina tollgæsluembættin á Suðurnesjum og í Reykjavík. Þó er ekki búið að útkljá það ennþá, en allar horfur eru á að svo verði að sögn Guðbjörns.

Orðsending frá Vegagerðinni

Vegir eru mjög víða auðir þótt hálka eða hálkublettir séu á einstaka leiðum í flestum landshlutum.

Vöruflutningabílstjórar vilja að ríkið grípi inn í og lækki olíuverð

Ríkið ætti að grípa inn í og lækka olíuverð, að mati vörubílstjóra, sem eru uggandi yfir hækkandi olíukostnaði síðustu vikurnar. Bílstjórarnir ætla í kvöld að stofna hagsmunasamtök sem meðal annars eiga að berjast gegn olíugjaldinu.

Snjóflóð sprengd á stað

Hundrað sjötíu og fimm kíló af sprengiefni voru sprengd í tveimur giljum á Vestfjörðum í gær til að koma af stað snjóflóðum.

Al Gore kostar á bilinu 15-25 milljónir króna

Samkvæmt áreiðanlegum heimildum Vísis kostar fyrirlestur með Nóbelsverðlaunahafanum Al Gore á bilinu 15-25 milljónir króna. Gore kemur hingað til lands í boði forseta Íslands en Glitnir heldur opinn fyrirlestur með Gore í Reykjavík.

Almenningur upplifir ríkisstjórnina sem ónýta

Almenningur upplifir ríkisstjórnina sem algjörlega ónýta gagnvart þeim efnahagsvanda sem að steðjar. Þetta segir formaður Vinstri-grænna en allir stjórnarandstöðuformennirnir gagnrýna ríkisstjórnina fyrir aðgerðaleysi.

Engar uppsagnir þrátt fyrir breytingar hjá lögreglunni á suðurnesjum

Skipulagsbreytingar verða gerðar á embætti lögreglustjórans á Suðurnesjum, þannig að yfirstjórn tollgæsluverkefna verði óskoruð á forræði fjármálaráðherra og yfirstjórn öryggisverkefna vegna flugverndar á Keflavíkurflugvelli verði á forræði samgönguráðherra.

Eldri kona lést í bílslysi í Hafnarfirði í dag

Kona fædd árið 1935 lést í banaslysi í Hafnarfirði um hálf tvöleytið í dag þar sem tveir bílar rákust saman. Slysið varð á gatnamótum Reykjavíkurvegar og Stakkahrauns.

Dæmdur fyrir að stela leðurjakka

Héraðsdómur Reykjavíkur hefur dæmt karlmann í 30 daga skilorðsbundið fangelsi fyrir að hafa stolið leðurjakka úr versluna Hagkaupa í Kringlunni.

Má ekki breyta verði á ferðum nema með samþykki kaupanda

Viðskiptaráðuneytið segir að samkvæmt lögum um alferðir megi ekki breyta verði á slíkri ferð nema skýrt sé tekið fram við samningsgerð að verð geti hækkað eða lækkað og nákvæmlega tilgreint hvernig reikna skuli út breytt verð.

Blátt áfram safnar fé fyrir dagsektum móður

Forsvarsmenn Blátt áfram, forvarnarsamtaka gegn kynferðislegu ofbeldi, safna nú fé fyrir konu sem neitar að veita barnsföður sínum umgengni við barnið.

Grunaður ökukennari farinn úr landi og hættur að kenna

Guðbrandur Bogason, formaður Ökukennarafélags Íslands, segir að ökukennarinn sem grunaður er um að hafa misnotað sex nemendur sína, drengi á aldrinum 14 - 17 ára, sé farinn úr landi og hættur að kenna.

Svavar ánægður með Kaupmannahafnarfundinn

Svavar Gestsson, sendiherra Íslands í Kaupmannahöfn, segir að ráðstefnan um íslensk efnahagsmál sem haldin var þar í borg í síðustu viku hafi verið sérstaklega vel heppnuð. Húsfyllir var og komust færri að en vildu. Nokkuð hefur verið fjallað um dræmar undirtektir danskra fjölmiðla á málinu og talað um að fundurinn hafi ekki verið nægilega vel kynntur. Sendiráðið kom að skipulagningu fundarins og segir Svavar að þar á bæ séu menn ánægðir með árangurinn.

Nærri 130 myndaðir við hraðakstur í Hafnarfirði

Tæplega 130 ökumenn eiga von á sektum eftir að þeir voru myndaðir við hraðakstur á þremur stöðum í Hafnarfirði í dag og í gær.

Lengri hitabylgur og meira regn á Norðurlöndum

Norðurlandabúar eiga eftir að upplifa lengri hitabylgjur og meira regn í framtíðinni samkvæmt nýrri skýrslu sem Norræna ráðherra nefndin hefur látið gera.

Kærir Remax Esju til eftirlitsnefndar

Athafnamaðurinn Ragnar Magnússon ætlar að kæra fasteignasöluna Remax Esju til eftirlitsnefndar fasteignasala vegna fasteignaviðskipta sem hann átti við fasteignasöluna síðasta ári.

Launaleyndarmál RÚV opinberað eftir helgi

Páll Magnússon útvarpsstjóri segir að ráðningasamningar Þórhalls Gunnarssonar, dagskrárstjóra Ríkissjónvarpsins, og Sigrúnar Stefánsdóttur, dagskrárstjóra Ríkisútvarpsins,

Gagnrýna lyfjagreiðslunefnd fyrir villandi tilkynningar

Samtök verslunar og þjónustu gagnrýna lyfjagreiðslunefnd fyrir tilkynningar nefndarinnar til fjölmiðla þar sem borið er saman heild- og smásöluverð á lyfseðilskyldum lyfjum á Íslandi og annars staðar á Norðurlöndum.

Íslenskur ríkisborgari á flótta undan bandarískum yfirvöldum í 6 ár

Íslenskur ríkisborgari, Róbert Tómasson, hefur verið á flótta undan bandarískum yfirvöldum í ein sex ár en hann á allt að 20 ára fangelsisdóm yfir höfði sér.

Borgin útvegar lóðir undir 600 stúdentaíbúðir

Reykjavíkurborg hefur skuldbundið sig til þess að útvega Félagsstofnun stúdenta lóðir undir 600 námsmannaíbúðir á næstu fjórum árum.

Lagði áherslu á málefni kvenna

Ingibjörg Sólrún Gísladóttir utanríkisráðherra lagði áherslu á málefni kvenna í heimsókn sinni til Afghanistan sem lauk í gær.

Einn fluttur á sjúkrahús eftir árekstur í Hafnarfirði

Alvarlegt umferðarslys varð á gatnamótum Reykjavíkurvegar og Stakkahrauni í Hafnarfirði um hálftvöleytið í dag þar sem tveir bílar rákust saman. Annar bíllinn ók inn á Reykjavíkurvegveg og hafnaði á hinum bílnum. Sjúkrabíll og tækjabíll frá slökkviliði voru kallaðir til og var einn var fluttur á slysadeild. Ekki er vitað nánar um orsök slyssins né ástand hins slasaða. Hafnarfjarðarvegi var lokað um tíma vegna slyssins en hann verður aftur opnaður nú klukkan þrjú.

Great Wall-málið ekki til Útlendingastofnunar

Mál kínverska starfsfólksins á The Great Wall sem fjallað hefur verið um á Vísi og í Fréttablaðinu hefur ekki komið inn á borð Útlendingastofnunar enda segir Hildur Dungal forstjóri mál af þessu tagi yfirleitt ekki heyra beint undir stofnunina.

Fíkniefnafundur á Fáskrúðsfirði hefur lítil áhrif á verð

Fíkniefnafundurinn í Fáskrúðsfjarðarmálinu virðist hafa haft lítil áhrif á fíkniefnamarkaðinn hér á landi til langs tíma ef marka má verð á fíkniefnum nú um stundir. Yfirlæknir á Vogi segir að þegar þrengt sé að einu efni sæki fíklar í annað.

Kínverski sendiherrann kom ekki til dyra

Enginn kom til dyra þegar Ungir jafnaðarmenn bönkuðu upp á hjá sendiherra Kína á Íslandi klukkan 11 í dag. Erindi jafnaðarmannana ungu var að færa sendiherranum bréf þar sem spurt er út í framferði Kínverja í Tíbet. „Starfsmenn sendiráðsins kusu að koma ekki til dyra en fyrir utan sendiráðið fylgdust nokkrir lögreglumenn með,“ segir í tilkynningu frá Ungum jafnaðarmönnum.

Olíuverð og gengissveiflur ólíðandi fyrir ferðaþjónustuna

Aðilar í ferðaþjónustu segja hátt olíuverð og gengissveiflur undanfarna daga nær ólíðandi og má búast við frekari hækkunum á næstunni. Ferðaskrifstofur verja meiri tíma í að fylgjast með gengi krónunnar heldur en bókunum farþega.

Tveggja leitað vegna íkveikju í Hrafnhólum

Lögreglan á höfuðborgarsvæðinu leitar nú tveggja manna, sem grunaðir eru um að hafa kveikt í íbúð í fjölbýlishúsi við Hrafnhóla í Reykjavík, síðastliðinn laugardagsmorgun.

Þórarinn að hætta hjá SÁÁ

Þórarinn Tyrfingsson hættir störfum innan skamms hjá SÁÁ. Hann segir fordóma í samfélaginu hafa minnkað mikið gagnvart alkóhólisma en enn vanti uppá.

Vorhreingerningar hafnar á götum Reykjavíkurborgar

Í byrjun vikunnar hófst vorhreinsun á gatnakerfinu í Reykjavík. Verktakar á vegum Framkvæmda- og eignasviðs Reykjavíkurborgar fóru um borgina með stórvirk hreinsitæki.

MATVÍS vill sömu leikreglur fyrir alla

Níels Olgeirsson, formaður Matvæla- og veitingafélags Íslands, MATVÍS, segir að alltaf sé nokkuð um að félagið fái upplýsingar inn á borð til sín sem leiði til aðgerða af þess hálfu en mál tveggja Kínverja sem störfuðu á The Great Wall við Vesturgötu hófst einmitt með þeim hætti að félaginu bárust upplýsingar um að starfsfólkið byggi á veitingastaðnum.

Hvetur Íslendinga og Norðmenn til að hætta hvalveiðum

Peter Garret, umhverfisráðherra Ástralíu, hvetur Íslendinga og Norðmenn til að virða bann við atvinnuhvalveiðum. Þetta kemur fram í ástralska blaðinu Sydney Morning Herald.

Ungir jafnaðarmenn senda sendiherra Kína bréf

Vegna harkalegra aðgerða kínverskra stjórnvalda gegn stuðningsmönnum útlagastjórnar Tíbet færa Ungir jafnaðarmenn sendiherra Kína á Íslandi opið bréf klukkan 11 í dag.

Ingimundur Sigurpálsson hættir sem formaður SA

Ingimundur Sigurpálsson, formaður Samtaka atvinnulífsins, hefur ákveðið að gefa ekki kost á sér til áframhaldandi setu sem formaður SA.

Gáfu Barnaspítalanum veglegar gjafir

Styrktarfélag krabbameinssjúkra barna hefur gefið Barnaspítala Hringsins fullkominn fjarkennslubúnað, hægindastóla og húsgögn í foreldraherbergi og fleira.

Lítil kaupmáttaraukning síðustu tólf mánuði

Kaupmáttur í landinu hefur lítið sem ekkert aukist síðustu tólf mánuði ef mið er tekið af nýrri launavísitölu og verðbólgutölum í febrúar.

Rúnar Júlíusson hlaut heiðursverðlaunin

Rúnar Júlíusson úr Keflavík hlaut heiðursverðlaun íslensku tónlistarverðlaunanna , sem veitt voru í Borgarleikhúsinu í gærkvöldi.

SUF vill kosningar um aðildarviðræður við ES

Samband ungra Framsóknarmanna vill að efnt verði til kosninga, samhliða forsetakosnmingunum í júní, um hvort hefja eigi aðildarviðræður við Evrópusambandið.

Vélsleðamaður í kröppum dansi

Vélsleðamaður komst í hann krappann þegar hann var að fleyta sleða sínum á Laugarvatni í gærkvöldi og skyndilega drapst á vélinni. Við það hægði á ferðinni og sleðinn sökk.