Borgarbúar duglegir að flokka ruslið

Minna magn af óflokkuðu heimilissorpi mældist í tunnum borgarbúa árið 2007 heldur en 2006 að því er fram kemur í tilkynningu frá Umhverfissviði Reykjavíkurborgar. „Þetta eru tíðindi því magnið hefur aukist ár frá ári þangað til núna," segir Guðmundur B. Friðriksson skrifstofustjóri Skrifstofu neyslu og úrgangs á Umhverfissviði.

Telur álit mannréttindanefndar SÞ ekki kalla á lagabreytingu

Geir H. Haarde forsætisráðherra telur nýlegt álit mannréttindanefndar Sameinuðu þjóðanna í máli tveggja sjómanna ekki gefa sérstakt tilefni til lagabreytinga hér á landi.

Engin alvarleg slys

Ekki er vitað til að alvarleg slys hafi orðið í umferðinni það sem af er degi, þrátt fyrir mikla snjókomu á suð-vestanverðu landinu. Lögreglan á höfuðborgarsvæðinu segir að umferðaróhöpp séu 21 talsins frá því klukkan sjö í morgun, sem er um þriðjungi meira en á meðaldegi. Lögreglan á Selfossi segir að færðin sé ákaflega slæm og vill beina þeim tilmælum til fólks að vera ekki á ferðinni að óþörfu.

Telur ráðherra hafa verið innan valdaheimilda sinna

Geir H. Haarde telur að bæði Össur Skarphéðinsson iðnaðarráðherra og Árni Mathiesen, settur dómsmálaráðherra, hafi verið vel innan sinna valdheimilda þegar þeir hafi veitt þremur einstaklingum embætti nýlega. Hann átelur orð Sigurðar Líndal lagaprófessors í Fréttablaðinu í dag um dómaraskipan Árna. Þetta kom fram í fyrirspurnartíma á alþingi í dag.

Stjórn Faxaflóahafna ósammála áliti Sundabrautarnefndar

Stjórn Faxaflóahafna sf. er ekki sammála því að nauðsynlegt sé að efna til útboðs vegna Sundabrautar eins og kemur fram í niðurstöðum starfshóps ríkisstjórnarinnar og Faxaflóahafna. Í dag var til umræðu hjá stjórninni ný skýrsla starfshópsins og var samþykkt einróma eftirfarandi ályktun vegna málsins:

Sex sakborningar ákærðir í Fáskrúðsfjarðarmálinu

Alvar Óskarsson, Arnar Gústafsson, Bjarni Hrafnkelsson, Einar Jökull Einarsson, Guðbjarni Traustason og Marínó Einar Árnason hafa allir verið ákærðir fyrir aðild að Fáskrúðsfjarðarmálinu.

Með yfir 24 þúsund barnaklámmyndir í tölvu sinni

Héraðsdómur Reykjavíkur hefur dæmt karlmann í sex mánaða skilorðsbundið fangelsi fyrir að hafa yfir 24 þúsund ljósmyndir og 750 hreyfimyndir sem flokkast sem barnaklám í tölvum sínum.

Enn á gjörgæslu eftir vinnuslys

Starfsmaður í vöruhúsi Jóhanns Rönning við Klettagarða í Reykjavík slasaðist alvarlega þegar hann féll fjóra metra ofan á steingólf í húsi fyrirtæksins á sjöunda tímanum í gærkvöldi.

Töluverðar umferðartafir í borginni í morgun vegna færðar

Snjó kyngdi niður í Vestmannaeyjum í nótt og voru björgunarsveitir kallaðar út til að aðstoða fólk í morgunsárið. Töluverðar tafir urðu á umferð á höfuðborgarsvæðinu í morgun og fimm óhöpp urðu vegna færðar.

Álit mannréttindanefndar SÞ ber að taka alvarlega

Ingibjörg Sólrún Gísladóttir, formaður Samfylkingarinnar, segir að taka beri álit mannréttindanefndar Sameinuðu þjóðanna vegna fiskveiðistjórnunarkerfisins alvarlega. Í stjórnarsáttmálanum sé kveðið á um að kvótakerfið verði endurmetið og sú vinna þurfi að fara sem fyrst á stað.

Rán í Hlíðunum tengist ránum í 11-11

Ræningjarnir tveir sem skipulögðu rán í verslun í Hlíðunum í gær gengu beint í flasið á lögreglu sem var á staðnum þegar þeir réðust til atlögu. Ránið tengist tveimur öðrum ránum í verslunum 11-11.

Minjasafn Reykjavíkur í úrslit Evrópsku safnaverðlaunanna

Minjasafn Reykjavíkur er komið í úrslit samkeppni um Evrópsku safnaverðlaunin árið 2008.

Þing saman á ný eftir jólafrí

Alþingi kemur saman á ný í dag eftir mánaðarlangt jólafrí. Þingfundur hefst klukkan hálftvö og er fyrsta mál á dagskrá óundirbúnar fyrirspurnir til ráðherra.

Aukin svartsýni hjá fyrirtækjum landsins

Stjórnendur fyrirtækja á landinu eru mun svartsýnni en áður á aðstæður í efnahagslífinu samkvæmt könnun sem Capacent Gallup hefur gert og greint er frá á vef Samtaka atvinnulífsins

Kæra Ástþórs bjargar leiðinlegum janúar hjá Þórunni

„Ég sem hélt að janúar yrði langur og leiðinlegur en þessi kæra bjargar honum alveg," segir Þórunn Guðmundsdóttir, hæstaréttarlögmaður og fyrrverandi oddviti yfirkjörstjórnar í Reykjavík norður. Ástþór Magnússon hefur kært Þórunni fyrir brot á hegningarlögunum í kjölfar fréttar hér á Vísi undir þeirri fyrirsögn að forsetaframboð hans síðast hefði verið nauðgun á lýðræðinu.

Háþróuð kannabisrækt á Akranesi

Lögreglan á Akranesi lagði í gær hald á 18 kannabisplöntur sem voru á lokastigi framleiðslu í húsi í bænum. Þar fundust einnig tæki og tólum til fíkniefnaneyslu.

Svanfríður bæjarstjóri í Dalvíkurbyggð út kjörtímabilið

Samkomulag hefur tekist á milli framsóknarmanna og J-lista í Dalvíkurbyggð um að Svanfríður Jónasdóttir verði bæjarstjóri út kjörtímabilið.

Handteknir við sviðsetningu á ráni

Lögreglan á höfuðborgarsvæðinu handtók í gær tvo menn sem höfðu skipulagt sviðsetningu á ráni í verslun í austurborginni.

Ástþór vill fá Þórunni dæmda til refsivistar

Ástþór Magnússon, fyrrverandi og mögulega verðandi forsetaframbjóðandi, hefur kært Þórunni Guðmundsdóttur hæstaréttarlögmann og fyrrverandi oddvita yfirkjörstjórnar í Reykjavík, fyrir ummæli sín á Vísi og í fréttum Stöðvar 2. Þórunn sagði þá að það væri misnotkun á lýðræðinu ef Ástþór byði sig á ný fram til embættis forseta Íslands. Ástþór vekur athygli á kærunni með heilsíðu auglýsingu í Fréttablaðinu í dag.

Kosningaþátttaka kvenna meiri en karla í þingkosningunum

Kosningaþáttaka kvenna í alþingiskosningunum síðastliðið vor var meiri meðal kvenna en karla samkvæmt Hagtíðindum sem Hagstofa Íslands hefur gefið út um kosningarnar.

Unglingsstúlka fékk steypustyrktarjárn í lærið

Steypustyrktarjárn stakkst inn í læri á 15 ára stúlku þar sem hún var á hafnarsvæðinu í Sandgerði í gærkvöldi.

Snjókoma veldur vandræðum í Eyjum

Snjó kyngdi niður í Vestmannaeyjum í nótt, sem er fremur fátítt þar. Árrisulir eyjamenn lentu í vandræðum á bílum sínum og var björgunarsveit kölluð út til að aðstoða fólk á ferð.

Þungt haldinn eftir vinnulslys

Iðnaðarmaður slasaðist alvarlega þegar hann féll fjóra metra ofan á steingólf í húsi við Klettagarða í Reykjavík á sjöunda tímanum í gærkvöldi.

Kirkjuþjófar gripu í tómt í Grensáskirkju

Þjófur eða þjófar brutust inn í Grensáskirkju í nótt og spenntu þar upp tvo söfnunarbauka, en þeir voru tómir.

Segir dómaraskipan ólöglega

Ástráður Haraldsson hæstaréttarlögmaður segir skipan Þorsteins Davíðssonar í stöðu héraðsdómara hafa verið ranga, ómálefnalega og ólögmæta. Árni Mathiesen, settur dómsmálaráðherra í málinu, hafi ekki haft vald til að taka stjórnvaldsákvörðun sem byggð sé á ómálefnalegum sjónarmiðum. Verulegar líkur séu á því að dómstólar ógildi ráðninguna ef málið verði borið undir þá.

Varar við falli krónu og harðri lendingu

Sérfræðingur hjá fjármálafyrirtækinu Merrill Lynch & Co. telur að fjárfestar kunni að selja íslenskar krónur og að hætta sé á harðri lendingu í hagkerfinu.

Vilja halda öryrkjablokkum í Hátúni

„Næsta ómögulegt er að vinna að endurhæfingu fólks sem býr í íbúðum Öryrkjabandalags Íslands í Hátúni 10,“ segir Svavar Knútur Kristinsson, frístunda- og félagsauðsráðgjafi hjá Þjónustumiðstöð Laugardals og Háaleitis, en hann er einn þriggja skýrsluhöfunda sem unnu álitsgerð um aðstæður þeirra 300 manns sem búa í húsnæði Öryrkjabandalagsins að Hátúni 10 og skilað var 2007.

Mynd af 25 milljón króna bílnum sem skemmdist um helgina

Myndin hér til hliðar gengur nú ljósum logum manna á milli en hún sýnir Porsche af gerðinni 911 GT3RS. Hann skemmdist illa þegar hann fór út af Grindavíkurvegi um helgina. Kunnugir segja Vísi að bíllinn, sem aðeins hafði verið ekinn um 300 kílómetra og er nú gjörskemmdur, hafi verið verðmetinn á um 25 milljónir króna.

Ekki hlutverk lífeyrissjóða að vera í viðskiptapólitík

Það er ekki hlutverk lífeyrissjóða að vera í viðskiptapólitík, segir Gunnar Sigurðsson, forstjóri Baugs Group. Hann setur spurningarmerki við fjárfestingastefnu Lífeyrissjóðs verslunarmanna, sem hann segir hafa fjárfest vel í samkeppnisfyrirtækjum Baugs

Maðurinn á bakvið dómarann

Þorstein Davíðsson kannast líklega flestir við eftir umræðu síðustu vikna um skipan hans í embætti dómara við Héraðsdóm Norðurlands eystra og Austurlands. Persónuna á bakvið umræðuna þekkja líklega mun færri, því Þorsteinn er ekki einn þeirra sem tranar sér fram eða hefur áhuga á að láta bera á sér. Hann er fluggáfaður og þykir með skemmtilegri mönnum, hefur dálæti á breskum húmor og elskar ermahnappa.

Hundruð fylgja íslenska landsliðinu til Noregs

Útlit er fyrir að hundruð Íslendinga muni fylgja íslenska landsliðinu í handknattleik á Evrópumótið í Noregi sem hefst á fimmtudag.

Segir málið klúðurslegt

Formaður Húsafriðunarnefndar segir mál húsanna að Laugavegi 4 og 6,sem í dag fengu skyndifriðun, vera klúðurslegt. Hefði Reykjavíkurborg gripið fyrr í taumana hefði það farið á allt annan veg.

Miklar umferðartafir vegna slyss á Reykjanesbraut

Umferðartafir eru á Reykjanesbrautinni eftir að slys varð milli afleggjaranna til Voga og Grindavíkur á sjötta tímanum í dag. Lögreglan verst allra fregna af málinu að svo stöddu.

Brenndist í andliti eftir flugeldafikt

Fimmtán ára piltur brenndist í andliti er hann bar eld að púðri sem hann hafði tekið úr flugeldum.

Afstýrðu miklu tjóni í fiskeldi í Grindavík

Björgunarsveitin Þorbjörn afstýrði tugmilljóna tjóni í dag þegar meðlimir hennar börðust í gegnum ófærð með súrefnisbirgðir fyrir fiskeldið Íslandsbleikju utan við Grindavík.

Sjúklingar fái upplýsingar um kostnað fyrir aðgerðir

Heilbrigðisráðuneytið sent bréf til allra heilbrigðisstofnana og sjúkrahúsa í landinu þar sem tekið er fram að upplýsa skuli sjúklinga fyrir fram um kostnað við læknisaðgerðir.

Sannað að kveikt var í brunabílum í Vogum

Lögreglan á Suðurnesjum telur það sannað að kveikt hafi verið í bílunum tíu sem brunnu í Vogum 8. desember síðastliðinn. Þetta staðfesti Jóhann R. Benediktsson lögreglustjóri í samtali við Vísi.

Ófært um Grindavíkurveg vegna ofankomu

Enn er veður slæmt á Suðurnesjum og segir lögreglan ófært um Grindavíkurveg eins og stendur.

Ók á vegrið og flýði af vettvangi

Bíl var ekið upp á vegrið á móts við N1-bensínstöðina fyrir ofan Ártúnsbrekku í nótt og stórskemmdist bíllinn

Eru enn að safna jólatrjám borgarbúa

Starfsmenn Framkvæmdasviðs Reykjavíkurborgar hafa enn í nógu að snúast við að sækja jólatré höfuðborgarbúa. Formlegri söfnun jólatrjánna lauk á föstudaginn en sumir borgarbúar virðast hafa verið frekar seinir í því að taka tréin sín niður og ekki sett þau út fyrr en um helgina.

Tillitslausir blaðaljósmyndarar veitast að Björk

Frekustu ljósmyndarar vaða að Björk, öskra að henni og áreita jafnvel dóttur hennar, segir Guðmundur Gunnarsson, faðir Bjarkar. Ný-sjálensk blöð hafa greint frá því að Björk hafi veist að blaðamanni við komuna til Auckland á Nýja-Sjálandi, þar sem hún mun koma fram á tónlistarhátíð.

Combat 18 með íslenska vefsíðu

Nýnasistasamtökin Combat 18 virðast hafa skotið rótum hér á landi. Á síðunni www.iceland.bloodandhonour.net má sjá yfirlýsingu þess efnis að samtökin hafi tekið til starfa hér á landi. Fyrir nokkru síðan greindi Vísir frá því að umsjónarmaður rasistasíðunnar www.skapari.com boðaði komu samtakanna.

Framkvæmdir hafnar að hluta við Hraunaveitu eftir jólafrí

Framkvæmdir eru hafnar á ný við Hraunaveitu á Kárahnjúksvæðinu. Starfsmenn á svæðinu fóru í frí fyrir jól og er vinna nú fyrst að komast aftur af stað.

Allt á huldu um bilanir í Sultartangavirkjun

Enn er allt á huldu um hvað olli bilun í báðum spennum Sultartangavirkjunar með þeim afleiðingum að ekkert rafmagn hefur verið framleitt þar síðan um jól.

Grímseyjarferja í vandræðum í fyrstu sjóferð sinni

Fyrsta sjóferð Grímseyjarferjunnar eftir endurbætur í Hafnarfirði gengur illa. Önnur vél skipsins bilaði á siglingu til Akureyrar og hefur ferð hennar norður tafist af þeim sökum.