Funduðu með nýrri Evrópunefnd

Geir H. Haarde forsætisráðherra og Ingibjörg Sólrún Gísladóttir utanríkisráðherra áttu í dag fund með nýskipaðri nefnd um þróun Evrópumála.

Snekkjan leggst að bryggju

Snekkja Pálma Haraldssonar, áður í eigu Saddams Husseins, lagðist fyrir skömmu að bryggju við hlið Viðeyjarferjunnar í Sundahöfn. Snekkjunni er ætlað að hýsa Al Gore á meðan hann dvelur hér á landi í næstu viku, og munu bandarískir öryggisverðir sem gæta varaforsetans fyrrverandi því taka við henni upp úr tvö í dag og fara yfir öryggismál.

Leggja fram fjárnámskröfu á snekkju Saddams

„Þetta er náttúrulega afar kaldhæðnislegt, en að sumu leyti viðeigandi, því eins og menn vita byggði Saddam veldi sitt að miklu leyti á stuðningi Bandaríkjanna," segir Stefán Pálsson, formaður Samtaka hernaðarandstæðinga.

Orkuveitan ekki skaðabótaskyld

„Það sem gerðist var að virkjunin sló út líka og þar er eitthvað framleiðslutap sem nemur hundruðum þúsunda en ómögulegt er að segja til um kostnað fyrir notendur,“ segir Eiríkur Hjálmarsson upplýsingafulltrúi Orkuveitu Reykjavíkur.

Svipuð hækkun á matvælum og annars staðar á Norðurlöndum

Matvæli hafa hækkað álíka mikið hér á landi og annars staðar á Norðurlöndum á síðastliðnu ári samkvæmt samantekt Rannsóknarseturs verslunarinnar.

Málþing um íslenska tungu í fjölmiðlum

„Íslenskan er atvinnutæki íslensks fjölmiðlafólks,“ segir Steinunn Stefánsdóttir, aðstoðarritstjóri og nefndarmanneskja Íslenskrar málnefndar, í spjalli við Vísi um málþing föstudagsins sem að þessu sinni fjallar um stöðu íslenskrar tungu í fjölmiðlum og er haldið í samvinnu við Blaðamannafélag Íslands.

Funda með viðskiptaráðherra um aðgerðir í verðlagsmálum

Fulltrúar ASÍ, Neytendastofu og Neytendasamtakanna ganga á fund Björgvins G. Sigurðssonar viðskiptaráðherra klukkan ellefu þar sem ræða á verðhækkanir í samfélaginu.

Bush styður umsókn Úkraínu að Nato

George Bush Bandaríkjaforseti hefur lýst yfir stuðningi að inngöngu Úkraínu í Nato. Forsetinn lýsti þessu yfir í heimsókn til höfuðborgarinnar Kiev. Úkraína hefði tekið djarfa ákvörðun að sækja um aðild og að Bandaríkin styddu landið heilshugar.

Byrgisstúlkan kvartar til umboðsmanns Alþingis

Ólöf Ósk Erlendsdóttir hefur kvartað undan Birgi Ottóssyni forstöðumanni þjónustudeildar Félagsbústaða til umboðsmanns Alþingis. Hún sakar hann um einelti og að hafa fjarlægt eigur sínar úr íbúð sem Ólöf var í á þeirra vegum. Það gerði hann án þess að hafa dómsúrskurð og án þess að hafa samband við fjölskyldu Ólafar segir í kvörtuninni. Ólöf afplánar nú dóm í Kvennafangelsinu.

Westergaard teiknar skopmynd af Wilders

Danski teiknarinn Kurt Westergaard hefur teiknað skopmynd af hollenska stjórnmálamanninum Geert Wilders og segir hana stuðningsyfirlýsingu við málfrelsið.

Kalli Bjarni fluttur heim til mömmu

„Hann er kominn heim á hótel mömmu og verður hjá mér þangað til hann fer inn," segir Sveinbjörg Karlsdóttir, móðir Kalla Bjarna, sem handtekinn var á föstudaginn á Hótel Vík ásamt vinkonu sinni með 65 grömm af amfetamíni.

Nokkurt tjón í vatnsleka í Árbæ

Talsverðar annir voru hjá slökkviliði í gærkvöld og nótt og var það meðal annars kallað út þrisvar vegna elds í bílum og einu sinni vegna vatnsleka.

Sjóbirtingsveiðin hafin

Sjóbirtingsveiði hófst í morgun á öllum hefðbundnum veiðistöðum fyrir sjóbirting nema í Varmá í Ölfusi. Þar er enn verið að meta afleiðingar mengunarslyssins í fyrra þegar klór frá sundlauginni í Hveragerði barst út í ánna. Heldur færri urriðum er nú landað ár eftir ár en áður og bleikju hefur fækkað mikið síðastliðin fimm ár án þess að vísindalegar skýringar séu á því.

Ævintýralegt rán í Danmörku - stálu 400 milljónum

Lestarsamgöngur á milli Kaupmannahafnar og Höje Tastrup röskuðust í morgun þegar ræningjar sem brutust inn í peningaflutningafyrirtæki skildu eftir búnað sem líktist sprengju.

Nunna stal frá biskupi til að stunda fjárhættuspil

Kaþólsk nunna í Omaha í Bandaríkjunum var í gær sakfelld fyrir að stela frá biskupsembættinu í ríkinu. Nunnan játaði brot sín og viðurkenndi að hafa eytt fénu að mestu í fjárhættuspil. Hún á yfir höfði sér allt að 20 ára fangelsi.

Ræninginn lenti í klónum á bingóspilurum

Norskir bingóspilarar létu hart mæta hörðu þegar óprúttinn ræningi hugðist hlaupast á brott með bingóvinningana um helgina. Ræninginn ógnaði starfsfólki baksviðs með skammbyssu, hafði af þeim féð og hugðist síðan forða sér út í gegnum bingósalinn sjálfann.

Einn með hamar og annar með hníf

Lögregla kannar nú hvort tveir menn, sem hún handtók á Eiríksgötu í Reykjavík í nótt, kunni að hafa eitthvað saknæmt á samviskunni því annar var vopnaður hnífi og hinn hamri.

Mugabe hugleiðir stöðuna

Íbúar Zimbabwe bíða enn óþreyjufullir eftir því að tilkynnt verði um úrslit kosninganna sem fram fóru þar í landi á laugardag.

Pelosi vill fá niðurstöðu í baráttu Demókrata strax

Nancy Pelosi, forseti fulltrúadeildar Bandaríkjaþings og einn valdamesti Demókrati landsins hvetur forsetabrambjóðenudrna Obama og Clinton til þess að binda enda á baráttuna sem allra fyrst.

Fáir aka of hratt í göngunum

Aðeins eitt prósent bíla, sem óku um Hvalfjarðargöng frá föstudegi fram á mánudag, reyndist vera á of miklum hraða, samkvæmt mælingum lögreglunnar.

Gore gistir á snekkju Saddams á Íslandi

Nóbelsverðlaunahafinn Al Gore mun gista á snekkju Saddams Hussein á meðan hann dvelur á Íslandi í næstu viku. Snekkjan er í eigu athafnamannsins Pálma Haraldssonar sem keypti hana fyrir skömmu. Þetta staðfesti Pálmi í samtali við Vísi í morgun .

Bensínverði líka mótmælt á Höfn

Umferðatöf varð við Lónsvegamót á Höfn í Hornafirði frá kl 16.45 til 17.10 í dag en lokuðu nokkri ökumenn veginum ökutækjum sínum.

Alþingi kjósi ríkisendurskoðanda í stað forsætisnefndar

Tíu þingmenn úr öllum flokkum nema Sjálfstæðisflokknum hafa lagt fram frumvarp til breytinga á lögum um Ríkisendurskoðun sem felur í sér að Alþingi kjósi ríkisendurskoðanda til sex ára í senn í stað þess að forsætisnefnd ráði hann.

Lögreglan leitar að 16 ára stúlku

Lögreglan á höfuðborgarsvæðinu lýsir eftir Regínu Sif Björnsdóttur. Hún er 16 ára, um 170 cm. á hæð og frekar þéttvaxin. Hún er með svart stutt hár, tekið í tagl yfirleitt. Klædd í svartar buxur, hvítan hlýrabol og svartan langermabol yfir. Svört úlpa með skinn hettu og hvíta Rebook skó með marglitum reimum.

Vilja aukna fjármuni til lögreglunnar á Suðurnesjum

Þrír þingmenn vinstri – grænna hafa lagt fram frumvarp til fjáraukalaga þar sem gert er ráð fyrir að 600 milljónir króna til viðbótar verði veittar til löggæslumála á þessu ári.

Mynduðu hraðakstur í Hafnarfirði og Hvalfjarðargöngum

Brot 97 ökumanna voru mynduð í Hvalfjarðargöngum frá föstudegi til mánudags eða á 72 klukkustundum. Vöktuð voru 7.771 ökutæki og því ók lítill hluti ökumanna, eða 1%, of hratt eða yfir afskiptahraða. Meðalhraði hinna brotlegu var rúmlega 84 km/klst en þarna er 70 km hámarkshraði. Sjö óku á 90 km hraða eða meira en sá sem hraðast ók mældist á 109.

Löggan í World Class

Lögreglan á höfuðborgarsvæðinu og World Class hafa gert með sér samning sem hefur yfirskriftina Ókeypis í ræktina. Í honum felst aðgangur fyrir alla starfsmenn embættisins að líkamsræktarstöðvum World Class á höfuðborgarsvæðinu. Starfsmenn LRH geta nú æft endurgjaldslaust í World Class að uppfylltu því skilyrði að þeir mæti minnst vikulega í ræktina. Þeir sem það ekki gera verða þá sjálfir að greiða fyrir líkamsræktina. Hér er um tilraunaverkefni að ræða en embættið leggur mikla áherslu á öfluga heilsustefnu sem hvetur starfsmenn til að huga að eigin heilsu og vellíðan.

Sjálfstætt starfandi bæklunarlæknar án samnings við ríkið

Samningar hafa ekki tekist milli samninganefndar heilbrigðisráðherra og sjálfstætt starfandi bæklunarlækna en þeir renna út í dag.

Bilun í ljósleiðarahring Mílu

Vegna bilunar í ljósleiðarhring Mílu er landshringur IPnets rofinn milli Blönduós og Sauðárkróks. Áhrif vegna þessa eru þau að verulega skerðing er á flutningsgetu Internetumferðar til útlanda. Enn er verið að greina bilun og því ekki fyrirséð hvenær bilun verður afstaðin.

Samgöngumiðstöð innsigluð

Samgöngumiðstöð verður reist á Reykjavíkurflugvelli og hún komin í notkun fyrir lok næsta árs, samkvæmt samkomulagi sem Ólafur F. Magnússon borgarstjóri og Kristján L. Möller samgönguráðherra innsigluðu í dag.

Forsætisráðherra telur botninum náð

Myndarleg styrking krónunnar í dag og hækkun hlutabréfa benda til þess að botninum sé náð, sagði Geir H. Haarde forsætisráðherra í umræðum um efnahagsmál á Alþingi.

Síðasta verk Magnúsar á Landspítalanum

Í dag var undirritaður samningur milli Landspítala og Þjóðkirkjunnar um klínískt sálgæslunám guðfræði- og djáknanema á Landspítala. Þjóðkirkjan mun leggja til árlega jafngildi 50% launa prests við spítalann til kennslu í klínískri sálgæslu. Landspítali tekur að sér að skapa tilhlýðilegar aðstæður fyrir verklega kennslu í klínískri sálgæslu.

Hæstiréttur staðfestir gæsluvarðhald í Keilufellsmáli

Hæstiréttur staðfesti í dag úrskurð Héraðsdóms Reykjavíkur þess efnis að tveir menn sem grunaðir eru um að hafa tekið þátt í alvarlegri árás að íbúum í Keilufelli fyrir skömmu skyldu sæta gæsluvarðhaldi til 14. apríl. Mennirnir kærðu úrskurð héraðsdóms og kröfðust þess að þeir yrðu látnir lausir eða látnir sæta farbanni. Hæstiréttur féllst ekki á þessa kröfu þar sem grunur leikur á einhverjir árásarmannana gangi enn lausir. Því sé nauðsynlegt að þeir sem nú séu í haldi verði ekki látnir lausir.

Þýskur prestur býður stressuðum að hvílast í gröf

Séra Thorsten Nolting, prestur í Düsseldorf í Þýskalandi, býður sóknarbörnum sínum að eyða 20 mínútum í opinni gröf til að létta áhyggjum hversdagsins af lotnum herðum þeirra. „Þetta er hugsað sem æfing í hugleiðslu,“ sagði Nolting er brást ókvæða við þegar blaðamenn þustu að gröf hans og trufluðu æfinguna.

Steingrímur J. er engin Soffía frænka

Guðni Ágústson, formaður Framsóknarflokksins, vill setja á fót sérstaka þjóðarsáttarnefnd til þess takast á við þann vanda sem blasir við í efnahagslífinu. Formaður Vinstri - grænna segir enga sársaukalausa leið út úr vandanum en forsætisráðherra hvetur þá sem stjórna verðlagi að halda aftur af sér með hækkanir. Utanríkisráðherra sagði formann Vinstri - grænna skorta trúverðugleika til þess að takast á við efnahagsmálin.

Rafmagn komið á að nýju

Rafmagn er nú loks komið á í Mosfellsbæ, Kjalarnesi, hluta Grafarvogs og í Grafarholti eftir rúmlega fjögurra klukkustunda rafmagnsleysi á þessum stöðum. Þetta staðfesti Helgi Pétursson hjá Orkuveitu Reykjavíkur.

Sinubruni á Kjalarnesi

Slökkvilið höfuðborgarsvæðisins er nú á vettvangi á Kjalarnesi þar sem kveikt hefur verið í sinu. Fyrr í dag var slökkvilið sent að Gvendargeisla í Grafarholti vegna tilkynningar um reyk í stigagangi en það reyndist ekki alvarlegt.

Yfirheyra vini McCann hjónanna

Portúgalska lögreglan fer til Bretlands í næstu viku til að tala aftur við vini foreldra Madeleine McCann. Kate og Gerry verða ekki yfirheyrð þrátt fyrir að vera enn með réttarstöðu grunaðra í málinu hjá portúgölskum yfirvöldum.

Erfitt að gefa nákvæmar tölur um matvælahækkun

Skúli J. Björnsson, formaður Félags íslenskra stórkaupmanna, telur erfitt að kasta fram ákveðnum prósentutölum um hækkun innfluttra matvæla, of margir þættir spili inn í hækkanirnar.

Úttekt á peningamálastefnunni þegar um hægist

Geir H. Haarde forsætisráðherra segir að tímabært verði að ráðast í úttekt á virkni peningamálastefnunnar þegar um hægist í því ölduróti sem verið hefur á fjármálalífinu. Þetta kom fram í máli hans í fyrirspurnartíma á Alþingi í dag.

Reykur í stigagangi Gvendargeisla

Slökkviliðið fékk tilkynningu um reyk á stigagangi í fjölbýslishúsi í Gvendargeisla í Grafarholti nú fyrir stundu. Slökkviliðsbílar eru á leið á staðinn. Ekki er vitað hvort um bruna er að ræða á þessari stundu.

Rafmagnið á innan klukkustundar

Vonast er til að hægt verði að koma rafmagni á að nýju í Mosfellsbæ, Kjalarnesi, hluta Grafarvogs og í Grafarholti innan klukkustundar. Bilun varð í 132 kv aðalæð háspennu við Spöngina um hádegisbil í dag.

Hefur efasemdir um aðskilnað tolls og lögreglu á Suðurnesjum

Lúðvík Bergvinsson, þingflokksformaður Samfylkingarinnar, hefur efasemdir um að það sé til góðs að greina milli tolls og lögreglu á Suðurnesjum eins og til stendur. Þetta kom fram í máli hans í fyrirspurnartíma á Alþingi í dag.

Simbabve í lausu lofti eftir kosningar

Stjórnarandstaðan í Simbabve segir að landið sé í lausu lofti eftir að opinberar tölur kosninganna á laugardag fóru að berast. Samkvæmt þeim er hnífjafnt á milli stjórnarflokks Robert Mugabe og Lýðræðisflokks stjórnarandstöðunnar, báðir flokkar hafa unnið 19 þingsæti.

Tveggja ára fangelsi fyrir kynferðisbrot gegn ungum stúlkum

Héraðsdómur Reykjavíkur dæmdi í dag karlmann á áttræðisaldri í tveggja ára fangelsi fyrir kynferðisbrot gagnvart tveimur stúlkum þegar þær voru á aldrinum 10-12 ára.