Sjálfstætt starfandi bæklunarlæknar án samnings við ríkið

Samningar hafa ekki tekist milli samninganefndar heilbrigðisráðherra og sjálfstætt starfandi bæklunarlækna en þeir renna út í dag.

Fram kemur á vef Tryggingastofnunar ríkisins að frá og með morgundeginum hafi Tryggingastofnun því ekki heimild til að taka þátt í kostnaði vegna þjónustu bæklunarlækna nema vegna efnisgjalda og krossbandaaðgerða.

Samningsleysið þýðir að sjúklingar þurfa sjálfir að leggja út fyrir kostnaði vegna þjónustu bæklunarlækna. Samkvæmt sérstakri reglugerð munu þeir síðan geta fengið hluta kostnaðarins endurgreiddan hjá Tryggingastofnun