Segir rökstuðning ráðherra vera ósannfærandi

Rökstuðningur ráðherra vegna skipan Þorsteins Davíðssonar í embætti héraðsdómara er ósannfærandi að mati Sigurðar Línda, lagaprófessors. Hann segir nauðsynlegt að taka reglur um skipan dómara til endurskoðunar.

Þjóðarsátt fyrir bí og harka hlaupin í kjaraviðræður

Verkalýðshreyfingin segir tilraun til þjóðarsáttar í kjarasamningum fyrir bí eftir að ríkisstjórnin hafnaði tillögu um sérstakan persónuafslátt á lægstu laun og hótar því að kjarabætur verði nú sóttar af meiri hörku í garð atvinnurekenda. Hækkun fasteignaskatta sveitarfélaga hefur einnig hleypt illu blóði í kjaraviðræður.

Haldið sofandi á gjörgæslu eftir bílslys

Karlmaður, sem fluttur var með þyrlu Landhelgisgæslunnar á slysadeild Landspítalans, eftir bílslys á Hrútafjarðarhálsi í Húnavatnssýslu í dag, er haldið sofandi á gjörgæslu.

Fór úr lið í hálkunni í gær

Tólf ára drengur féll illa í hálkunni í Kópavogi laust eftir hádegi í gær. Í fyrstu var talið að hann hefði fótbrotnað en svo reyndist þó ekki vera en drengurinn fór úr lið eftir því sem segir í frétt lögreglunnar.

Slasaðist alvarlega í árekstri jepplings og vörubíls

Þyrla Landhelgisgæslunnar er nú á leið með mann til Reykjavíkur sem slasaðist alvarlega í árekstri jepplings og vörubifreiðar á Hrútafjarðarhálsi í Húnavatnssýslu um þrjúleytið í dag.

Fundu fíkniefni og byssur í húsleit

Lögregla fann í gær meint fíkniefni, riffil og haglabyssu heima hjá tæplega þrítugum manni sem hún hafði afskipti af.

Fleygði fjórum börnum sínum fram af brú

Maður í Alabama sem fleygði fjórum ungum börnum sínum fram af brú, gerði það til þess að hefna sín á eiginkonu sinni.

Framsókn fyllir nefndir á kostnað frjálslyndra

Vægi frjálslynda flokksins í ráðum og nefndum borgarinnar er í engu samræmi við niðurstöður síðustu borgarstjórnarkosninga þegar flokkurinn hlaut um 10 prósenta fylgi.

Vill að Finnar gangi í NATO

Jan-Erik Enestam framkvæmdastjóri Norðurlandaráðs mælir með aðild Finna að NATO í blaðagrein.

Samið við bandarískt fyrirtæki um lagningu DANICE-strengsins

Eignarhaldsfélagið Farice hefur samið við bandaríska fyrirtækið Tyco Telecommunications um að hanna, framleiða og leggja hinn svokallaða DANICE-ljósleiðarasæstreng frá Íslandi til Danmerkur.

Þyrla Landhelgisgæslunnar kölluð út vegna alvarlegs umferðarslyss

Þyrlan Landhelgisgæslunnar er nú á leið að Laugabakka í Húnavatnssýslu þar sem alvarlegt umferðarslys varð fyrir stundu. Litlar upplýsingar er að fá að svo stöddu en svo virðist sem tveir bílar hafi skollið saman.

Rúmlega fjórðungi fleiri útköll hjá flugdeild Gæslunnar

Útköll þyrlna og flugvélar Landhelgisgæslunnar voru 28 prósentum fleiri á síðasta ári en árið 2006 eftir því sem segir í tilkynningu gæslunnar.

Margt skrýtið í kýrhausnum

Bandarískur maður sem sendi elskhuga eiginkonu sinnar blóðugan kýrhaus í pósti, var dæmdur í skilorðsbundið fangelsi og til samfélagsþjónustu.

Danir senda herskip til sjóræningjaveiða

Danska freigátan Thetis lagði úr höfn frá flotastöðinni í Frederikshavn í morgun til þess að prófa byssur sínar áður en hún verður send að ströndum Sómalíu.

Afskrá fjögur ökutæki á klukkustund

Nærri átta þúsund úrsérgengnum ökutækjum var skila til úrvinnslu á síðasta ári sem er svipaður fjöldi og árin tvö þar á undan.

Tveir handteknir vegna sprengjutilræðis í Madríd árið 2006

Lögregla á Spáni hefur handtekið tvo menn í Baskahéruðum landsins sem grunaðir eru um að hafa staðið að sprengjutilræði á Barjas-flugvellinum í Madríd árið 2006.

Nýr samningur um menningarmál á Austurlandi

Menntamálaráðherra, iðnaðarráðherra og formaður Sambands sveitarfélaga á Austurlandi undirrituðu í dag þriggja ára samning um samstarf ríkis og allra níu sveitarfélaganna á Austurlandi um menningarmál og menningartengda ferðaþjónustu

Undirbúningur að tvöföldun vegar á Kjalarnesi hefjist strax

Stjórn Samtaka sveitarfélaga á Vesturlandi telur að hefjast eigi nú þegar handa við að tvöfalda þjóðveg 1 á Kjalarnesi því þegar sé búið að tryggja fé til verksins.

Kibaki boðar Odinga til fundar á föstudag

Formaður Afríkubandalagsins ræddi við forseta Kenía og leiðtoga stjórnarandstöðunnar í dag í því skyni að semja um pólitíska lausn á upplausnarástandinu þar.

Rætt um aukna fjárþörf Hafró vegna loðnuleitar

Ríkisstjórnin fjallaði í gær um aukna fjárþörf Hafrannsóknastofnunar vegna viðleitni hennar til að átta sig á loðnustofninum.

Sér nýtt tækifæri til friðar

Bush Bandaríkjaforseti kom í opinbera heimsókn til Ísraels í morgun. Hann sagðist við komuna sjá nýtt tækifæri til friðar fyrir botni Miðjarðarhafs.

Segir tillögur um takmarkanir á uppgreiðslugjöldum litlu skipta

Fjármálaráðgjafi segir tillögur viðskiptaráðherra um takmarkanir á álagningu uppgreiðslugjalda lána á breytilegum vöxtum litlu skipta því enginn banki hérlendis fari fram á uppgreiðslugjald á slíkum lánum. Niðurfelling seðilgjalda skipti neytandann hins vegar miklu fari öll fjármálafyrirtæki eftir því.

Mál Gunnars Wathne tekið fyrir í Bandaríkjunum

Gunnar Stefán Wathne, Íslendingur sem grunaður er um peningaþvætti í Bandaríkjunum, kom fyrir dóm í Newark í New Jersey á mánudag. Þar var honum birt ákæra í málinu.

Laugavegshúsin ekki á borð ráðherra fyrr en eftir tvær vikur

Nikulás Úlfar Másson, forstöðumaður Húsafriðunarnefndar, segir tilmæli nefndarinnar um að húsin á Laugavegi 4 og 6 verði friðuð muni ekki koma inn á borð menntamálaráðherra fyrr en eftir tvær vikur. Á fundi nefndarinnar í gær var ákveðið að vinna að tillögu þess efnis að húsin verði friðuð og í því ferli felst meðal annars að gefa eigendum húsanna færi á því að gera athugasemdir við tilmælin. Þeir hafa tvær vikur til þess að bregðast við.

Hækkun fasteignaskatta slæm fyrir kjaraviðræður

Hækkun fasteignaskatta nú um áramót er slæmt innlegg í kjaraviðræður og áformar verkalýðsforystan að krefjast þess að sveitarfélögin falli frá skattahækkuninni.

Farið yfir það innan borgarkerfisins hvaða þýðingu tilmæli hafa

Verið er að fara yfir það innan borgarkerfisins hvaða þýðingu tilmæli Húsafriðunarnefndar til menntamálaráðherra um friðun Laugavegar 4 og 6 hefur fyrir borgina. Að sögn Guðmundar Steingrímssonar, aðstoðarmanns borgarstjóra, vill borgarstjóri bíða niðurstöðu þeirrar yfirferðar áður en hann tjáir sig frekar um málið.

Þið springið eftir tvær mínútur -myndband

Bandaríska varnarmálaráðuneytið hefur sent frá sér myndbandsupptökur af því þegar fimm íranskir hraðbátar sigldu upp að bandarískum herskipum á Hormuz sundi um síðustu helgi og hótuðu að sprengja þau í loft upp.

Rússar segjast í forystu um mannaða för til Mars

Virtur rússneskur vísindamaður segir að Rússar séu komnir í forystu í keppninni um hverjir verða þeir fyrstu sem senda mannað geimfar til Mars.

Líftími reykskynjara um 10 ár

Líftími reykskynjara er almennt um 10 ár og þarf að skipta þeim út fyrir nýja að endingartíma loknum. Á þetta bendir Öryggismiðstöðin í tilkynningu sem send er út vegna tíðra og válegra eldsvoða að undanförnu.

45 daga fangelsi fyrir húsbrot og árás á konu

Héraðsdómur Reykjaness hefur dæmt karlmann í 45 daga fangelsi, sem skilorðsbundið er til tveggja ára, fyrir að hafa ruðst inn í hús óboðinn og ráðist á konu sem þar var gestkomandi.

Sæll vertu, Obama frændi

Raila Odinga, leiðtogi stjórnarandstöðunnar í Kenía, heldur því fram að hann sé frændi Baracks Obama, forsetaframbjóðanda í Bandaríkjunum.

Íslendingar hjá France 24 í áfalli

Ákvörðun Nicolas Sarkozy Frakklandsforseta um að franska fréttastöðin France 24 hætti útsendingum á ensku og arabísku kemur starfsmönnum algjörlega í opna skjöldu. Þetta segir Sara M. Kolka fréttaframleiðandi sem hefur unnið að uppbyggingu stöðvarinnar frá því henni var hleypt af stokkunum fyrir rétt rúmu ári síðan.

Hátt í 15 saknað eftir sprengingu í Rússlandi

Kona lést og um 15 annarra er saknað eftir sprengingu í fjölbýlishúsi í rússnesku borginni Kazan í morgun.

Lengja á líftíma Hubble um áratug

Geimvísindastofnun Bandaríkjanna, NASA, er nú að leggja lokahönd á björgunarleiðangur til Hubble-stjörnusjónaukans en með leiðangrinum er ætlunin að lengja líftíma Hubble um allt að áratug.

Stefán Ólafsson er nýr stjórnarformaður TR

Jóhanna Sigurðardóttir, félags- og tryggingamálaráðherra, hefur skipað Stefán Ólafsson, prófessor við Háskóla Íslands, stjórnarformann Tryggingarstofnunar ríkisins en stofnunin heyrir nú undir félags- og tryggingamálaráðuneytið.

Stálu 200 tonna stálbrú

Brotajárnsþjófum í Rússlandi tókst að ræna 200 tonna stálbrú að næturlagi án þess að nokkur tæki eftir athæfinu.

Réttindalaus á bíl um borð í Herjólfi

Lögreglulmenn frá Selfossi gripu nýverið réttindalausann ökumann um borð í Herjólfi þar sem skipið lá við bryggju í Þorlákshöfn.

Gullörn fæli refi af flugbrautum

Stjórnendur flugvallarins við hafnarborgina Bari á Ítalíu hafa gripið til þess ráðs að fá taminn gullörn til liðs við sig. Er erninum ætlað að fæla refi frá flugbrautunum á vellinum

Flugeldaóðir unglingar í Grindavík

Lögreglan á Suðurnesjum var hvað eftir annað kölluð út í gærkvöldi vegna þess að unglingar í Grindavík voru að sprengja flugelda og heimatilbúnar sprengjur.

Heimildarmynd um Madeleine í bígerð

Foreldrar Madeleine McCann, stúlkunnar sem talið er að barnaníðingar hafi rænt, eiga nú í viðræðum við kvikmyndaframleiðendur um gerð heimildarmyndar um málið.

Þjófur gripinn í lyfjaleit á tannlæknastofu

Lögreglumenn gripu innbrotsþjóf glóðvolgann, þar sem hann var að leita lyfja í tannlæknisstofu í Mjódd í Reykjavík í nótt.

Lögreglan lýsir enn eftir 17 ára dreng

Lögreglan á höfuðborgarsvæðinu lýsir enn eftir Hans Aðalsteini Helgasyni. Hann er 17 ára, 183 sentímetrar á hæð, snoðklipptur, klæddur í gallabuxur og hvíta hettupeysu og í svörtum hjólabrettaskóm. Hans er saknað síðan á laugardag.

Hillary Clinton sigraði óvænt í New Hampshire

Hillary Clinton sigraði mjög óvænt í forkosningunum í New Hampshire þrátt fyrir að allar skoðanakannanir hefðu sýnt hið gagnstæða. John McCain er öruggur sigurvegari hjá Repúblikönum

Almenningur gæti tapað hundruðum milljóna

Eigendur Kaupangs, einkahlutafélagsins sem á húsin að Laugavegi 4-6 og byggingarrétt á lóðinni, segja að ef ákvörðun verði tekin um að friða húsin muni það leiða til þess að fjárfesting og kostnaður sem nemi hundruðum milljóna króna ónýtist og bótaskylda skapist sem lendi á skattgreiðendum.

Davíð Smári er fórnarlambið

Davíð Arnórsson sem varð fyrir fólskulegri árás Davíðs Smára Helenarsonar, þekkts ofbeldishrotta, segir að Davíð Smári sé fórnarlamb, en ekki þeir sem hafi þolað árásir af hendi hans.