Kosovo tilbúið að lýsa yfir sjálfstæði

Stjórnvöld í Kosovo eru reiðubúin til þess að lýsa einhliða yfir sjálfstæði héraðsins. Á sama tíma hvetja þau Vesturlönd til þess að boða til atkvæðagreiðslu um málið á vettvangi Sameinuðu þjóðanna þrátt fyrir að Rússar eigi að öllum líkindum eftir beita neitunarvaldi gegn slíkri stuðningsyfirlýsingu.

Vélbjörn til bjargar særðum hermönnum

Bandaríski herinn er að þróa vélmenni sem getur borið særða hermenn af vígvellinum. Björninn eða "The Battlefield Extraction Assist Robot (BEAR)" getur borið særða hermenn langar vegalengdir yfir erfið landsvæði.

Hæstiréttur staðfestir dóm yfir stofnanda píramídafyrirtækis

Hæstiréttur staðfesti í dag dóm Héraðsdóms Reykjavíkur í máli Lesley Patricia Ágústsson gegn Mark Ashley Wells, stofnanda fyrirtækisins Aquanetworld ltd. Héraðsdómur dæmdi Mark á síðasta ári til að endurgreiða Lesley rúmlega 2,6 milljónir króna ásamt dráttarvöxtum. Upphæðina lagði Lesley í fyrirtæki Marks árið 2005 en krafðist síðan endurgreiðslu þegar henni þótti sýnt að hann hefði ekki staðið við gerðan samning.

Hæstiréttur viðurkenndi kröfu Sigurðar Helgasonar um hærri eftirlaun

Hæstiréttur snéri í dag við dómi héraðsdóms í máli Sigurðar Helgasonar gegn FL-Group hf. Sigurður krafðist viðurkenningar á því að kaupréttarsamningar væru hluti af útreiknuðum launum þeirra átta starfsmanna sem hæst laun hefðu hjá fyrirtækinu, en laun þeirra voru til viðmiðunar við útreikning á eftirlaunum Sigurðar.

Háhraða laxaferja

Fyrirtækið Drammen havn í Noregi hefur pantað laxaflutningaferju sem er svo hraðskreið að hún er helmingi fljótari frá Noregi til Frakklands en flutningabílar. Ferjan á að flytja ferskan lax frá Drammen til Boulogne sur Mer í Frakklandi. Á heimleiðinni flytur hún ferska ávexti og grænmeti.

Elgkýr eignast þrjá kálfa

Í Våler í Noregi spásserar nú elgkýr um með þrjá kálfa sína. Það er alveg einstakt að elgir eignist svo mörg afkvæmi.

Júlíus Vífill er formaður Miðborgar Reykjavíkur

Borgarstjórn Reykjavíkur samþykkti á fundi sínum 5. júní að stofna félagið Miðborg Reykjavíkur en það hefur að markmiði að „vera vettvangur samráðs og málsvari hagsmunaaðila í miðborg Reykjavíkur,“ að því er fram kemur í tilkynningu frá Reykjarvíkurborg.

EFTA og Kanada gera fríverslunarsamning

Samkomulag hefur náðst milli EFTA ríkjanna og Kanada um fríverslunarsamning milli ríkjanna. Fram kemur í tilkynningu frá utanríkisráðuneytinu að samningurinn sé sérstaklega hagstæður fyrir Ísland. Gert er ráð fyrir því að samningurinn verði undirritaður við fyrsta tækifæri.

Hætt við flugtak SAS vélar sem var á leið til Íslands

Hætt var við flugtak flugvélar frá SAS sem var á leið frá Gardemoen flugvelli í Osló til Reykjavíkur í dag þegar aðvörun barst um að eitthvað væri að. Vélinni var snúið inn á þjónustusvæði en hún fór í loftið hálftíma síðar þegar gengið hafði verið úr skugga um að vélin væri í lagi.

Putin býður samstarf um eldflaugavarnir

Vladimir Putin og George Bush virðast hafa náð eitthvað saman um eldflaugavarnarkerfið sem Bandaríkjamenn hyggjast setja upp í Austur-Evrópu. Eftir fund með Bush í Þýskalandi höfðu rússneskar fréttastofur eftir Putin að honum fyndist að Bandaríkin og Rússland ættu að nota ratsjárkerfi í Azerbadjan til þess að reisa eldflaugavarnaskjöld sem næði yfir alla Evrópu.

Prestar reyna að ná sáttum í máli fríkirkjuprests

Hjörtur Magni Jóhannsson, prestur Fríkirkjunnar í Reykjavík, var kallaður fyrir siðanefnd Prestafélagsins í morgun til að ræða kæru átta presta á hendur honum. Á fundinum voru einnig mættir tveir kærenda. Var þetta fyrsta tilraun nefndarinnar til að ná sáttum í málinu en prestarnir átta hafa meðal annars gagnrýnt ummæli Hjartar í fjölmiðlum varðandi þjóðkirkjuna. Engin sátt náðist í málinu í morgun að sögn Hjartar.

Festist við vélargrind og fékk far

21 árs gamall maður í hjólastól varð fyrir heldur óskemmtilegri lífsreynslu á dögunum. Hann var staddur á bílaplani framan við bensínstöð í Michigan í Bandaríkjunum þegar stóll hans festist við vélargrind vörubíls. Áður en manninum tókst að losa sig settist bílstjórinn vörubílsins uppí og keyrði af stað, þess óaðvitandi að væri að ýta manni í hjólastól á undan sér.

Niðurstöður samræmdra prófa heldur betri en í fyrra

Meðaltöl einkunna í samræmdum lokaprófum í grunnskólum eru hærri í ár en á síðasta ári í stærðfræði, ensku og dönsku en örlítið lægri í íslensku, sé miðað við landið allt. Ekki er unnt að bera saman meðaltöl milli ára í náttúrufræði og samfélagsfræði. Samræmdu prófin voru haldin dagana 2. til 9. maí síðastliðinn. Alls voru 4.465 nemendur skráðir í 10. bekk skólaárið 2006-2007. Nemendum í 10. bekk í grunnskólum gefst kostur á að þreyta samræmd lokapróf í að minnsta kosti sex námsgreinum. Eins og undanfarin ár voru haldin samræmd próf í íslensku, stærðfræði, ensku, dönsku, náttúrufræði og samfélagsgreinum auk norsku og sænsku.

Hreyfill kærir útboð í leigubílaakstur

Hreyfill svf. hefur kært rammasamningsútboð Ríkiskaupa í leigubifreiðaakstur á höfuðborgarsvæðinu og Reykjanesbraut til kærunefndar útboðsmála. Hreyfill telur afgreiðslu Ríkiskaupa á útboðinu ámælisverða þar sem framsetningu tilskilinna gagna var ábótavant og mat stofnunarinnar á þjónustuþáttum bjóðenda óeðlilegt. Þetta kemur fram í tilkynningu frá Hreyfli.

„Íbúðalánasjóður verður ekki einkavæddur á meðan ég er í ráðuneytinu“

Jóhanna Sigurðardóttir, félagsmálaráðherra segir ekki koma til greina að einkavæða Íbúðalánasjóð. Þetta kom fram í umræðum utan dagskrár á Alþingi í dag sem Guðni Ágústsson hóf. Hann vildi vita hvað ríkisstjórnin væri að „véla“ með sjóðinn.

Garðsláttur að næturlagi

Lögregla var kölluð til í nótt þegar nokkrir íbúar í austurborginni gátu ekki fest svefn vegna hávaða frá garðsláttuvél. Hinn atorkusami slátturmaður slökkti samstundis á sláttuvélinni eftir tiltal frá lögregluþjónunum. Manninum var jafnframt bent á að framvegis ætti hann að haga verkum sem þessum með meira tilliti til annarra í huga.

Yfir 80 börn í óviðunandi öryggisbúnaði

Tæplega fjórtán prósent barna er ekið til leikskóla í óviðandi öryggisbúnaði samkvæmt könnun Slysavarnarfélagsins Landsbjargar, Sjóvaá Fornvarnarhúss og Umferðarstofu. Alls voru 86 börn í óviðunandi öryggisbúnaði og þar af 24 í alvarlegri lífshættu á meðan á akstri stóð.

Dregið „áþreifanlega“ úr losun gróðurhúsa-lofttegunda

Leiðtogar átta helstu iðnríkja heims hafa komist að samkomulagi um að stefna að því að draga áþreifanlega úr losun gróðurhúsalofftegunda og að stefna Bandaríkjanna í loftlagsmálum verið tekin fyrir á vettvangi Sameinuðu þjóðanna.

Kona dæmd fyrir líkamsárásir og eignaspjöll

Kona á þrítugsaldri var á dögunum dæmd í 30 daga skilorðsbundið fangelsi í Héraðsdómi Vestfjarða fyrir líkamsárásir og eignaspjöll. Brotin áttu sér stað í félagsheimilinu í Hnífsdal aðfaranótt 13. apríl á síðasta ári.

Þjálfa erlenda starfsmenn í umönnun aldraðra

Hjúkrunarheimilið Droplaugarstaðir og Alþjóðahúsið undirbúa nú viðamikið samstarfsverkefni um þjálfun erlendra starfsmanna í umönnun aldraðra. Markmiðið er að fjölga starfsmönnum í öldrunarþjónustu.

Kosið í nýjar nefndir Alþingis

Kosningu í fastanefndir Alþingis lauk í dag þegar Arnbjörg Sveinsdóttir var kjörin formaður sjávarútvegs- og landbúnaðarnefndar, Ágúst Ólafur Ágústsson, formaður viðskiptanefndar og Pétur H Blöndal, formaður efnahags- og skattanefndar.

Segist vita hvar Madeleine litla er niðurkomin

Karlmaður hefur haft samband við spænsku lögregluna og segist vita hvar Madeleine McCann, breska stúlkan sem rænt var fyrir rúmum mánuði í Portúgal, er niðurkomin.

Fannst eftir tæpt ár

Lögreglan í Connecticut í Bandaríkjunum fann í gær 15 ára unglingsstúlku sem hvarf fyrir tæpu ári. Stúlkan var enn á lífi en töluvert þjökuð. Henni hafði verið haldið í gíslingu í litlu herbergi undir stiga á heimili pars sem foreldrar stúlkunnar þekktu. Stúlkan hafði nokkrum sinnum reynt að strjúka að heiman áður en hún hvarf sporlaust í júní í fyrra.

Fundu dóp og sprautunálar á hreinsunardegi Dalvíkurskóla

Nemendur Dalvíkurskóla fundu hass í sölupakkningum, hasspípur og sprautunálar á hreinsunardegi skólans síðastliðinn föstudag. Hassið fannst á opnu svæði í Dalvík þar sem börn eru mikið að leik.

Íslenskar kýr njóta áfram hollrar útiveru

Dönsku dýraverndarsamtökin gangast nú fyrir undirskriftasöfnun til að tryggja dönskum kúm að minnsta kosti 150 daga útivist á ári. Íslenskir bændur sammæltust nýverið um að íslenskar kýr fengju áfram að njóta útivistar og hollrar hreyfingar.

Magnús Ragnarsson stefnir 365

Magnús Ragnarsson, fyrrverandi sjónvarpsstjóri Skjás Eins, hefur stefnt 365 miðlum fyrir meiðyrði og brot á friðhelgi einkalífsins. Að sögn lögmanns Magnúsar gerir hann kröfu um að ummæli sem birtust í DV síðastliðið haust og ummæli sem birtust í Fréttablaðinu í vetur verði dæmd dauð og ómerk. Ummælin vörðuðu einkalíf Magnúsar.

Varnar- og umhverfismál ber hæst

Búist er við að forsetar Bandaríkjanna og Rússlands ræði umdeilt eldflaugavarnarkerfi í Austur-Evrópu einslega í dag. Leiðtogar átta helstu iðnríkja heims hefja tveggja daga stífa fundarlotu í Þýskalandi í dag þar sem varnar- og umhverfismál ber hæst.

Veggjald lagt á bensín á tæki sem ekki nota vegi

Í athugun er að fella niður veggjald sem notað er á garðslátturvélar, vélsleða og sportbáta. Nú eru 30 krónur innheimtar af hverjum bensínlítra sem þessi tæki nota sem eins konar afnotagjald þessara tækja af vegakerfinu sem þau koma aldrei á.

Orkuverð til álversins opinbert

Samningur Orkuveitu Reykjavíkur við Norðurál vegna álvers í Helguvík er með hagstæðari samningum sem veitan hefur gert til álfyrirtækis, segir Björn Ingi Hrafnsson, varaformaður stjórnar Orkuveitu Reykjavíkur. Forstjóri Orkuveitunnar staðfestir að verðið sé nærri tveimur komma einni krónu á kílóvattstund.

Hæstánægður með áframhaldandi fiskvinnslu á Flateyri

Bæjarstjórinn á Ísafirði segist hæstánægður með nýja fyrirtækið, Oddatá sem keypt hefur allar fasteignir Kambs á Flateyri og hyggst hefja þar fiskvinnslu. Hann segir mikilvægt að menn leiti nýrra leiða til að viðhalda atvinnulífinu í litlum byggðarlögum og Ísafjarðarbær muni veita þeim allan þann stuðning sem til þurfi.

Davíð með þriðjungi hærri laun en Geir

Davíð Oddsson, formaður bankastjórnar Seðlabankans, verður með rúmar 1,7 milljónir króna í laun frá og með næstu áramótum, eða sex hundruð þúsund króna hærri laun en forsætisráðherra. Formaður bankaráðs bankans skýrir síðustu launahækkanir bankastjóranna með harðri samkeppni um hæft starfsfólk.

Njarðvíkingar mótmæla deiliskipulagi

Fulltrúar íbúa í Innri-Njarðvík afhentu í gær bæjarstjórn í bænum undirskriftarlista gegn nýju deiliskipulagi bæjarins. Þar eru skipulögð fjögur háhýsi með 230 íbúðum á Brynjólfsreit svokölluðum.

Flýta hreinsun á kjarnorkuúrgangssvæði nærri Noregi

Rússar hafa lofað Norðmönnum að flýta því að hreinsa upp geislavirkan úrgang á svæði í Múrmansk sem er nærri landamærum Noregs. Töluverð sprengihætta er á staðnum, sem nefnist Andrejev-höfn, og hafa rússnesk kjarnorkuyfirvöld bent á að ef sprenging yrði á svæðinu yrði það hrein kjarnorkumartröð.

Norður - Kóreumenn skutu eldflaugum í dag

Norður - Kóreumenn skutu skammdrægum eldflaugum frá vesturströnd landsins í dag. Stjórnvöld í Suður - Kóreu telja að flaugarnar hafi verið ein eða tvær. Sérfræðingar á þeirra vegum reyna nú að greina hverskonar flaugar þetta voru.

Rúmlega 30 þúsund sjálfsvíg í Japan á hverju ári

Sjálfsvígum í Japan fækkaði lítillega á síðasta ári en þrátt fyrir það frömdu rúmlega 30 þúsund manns sjálfsmorð á síðasta ári. Þessi tala hefur verið svipuð í hartnær áratug. Sjálfsvígum fólks, 60 ára og eldri fjölgaði mikið og nú er svo komið að þriðjungur þeirra sem taka eigið líf í Japan eru eldri borgarar.

Bæjarstjórn Bolungarvíkur vill athugun á olíuhreinsistöð sem fyrst

Bæjarstjórn Bolungarvíkur hefur sent frá sér ályktun um fyrirhugða olíuhreinsistöð á Vestfjörðum. Þar er Fjórðungssamband Vestfirðinga hvatt til að hefja frumathugun á umhvervis-, og samfélagslegum áhrifum slíkrar stöðvar.

Ugla sat á markslá

Hlé var gert á leik Finna og Belga í undankeppni Evrópumóts landsliða í knattspyrnu í Helsinki í gær eftir að ugla settist á slá annars marksins.

Yfirmaður Nasa harmar ummæli sín um loftlagsbreytingar

Michael Griffin, yfirmaður NASA, hefur formlega beðist afsökunar á ummælum sínum um loftlagsbreytingarnar sem hann lét fjúka í bandarísku útvarpi á dögunum.

Lúmskir lyklaþjófar

Hafa talibanar fundið nýja leið til þess að berjast gegn hernámsliðinu ? Talsmaður pólska varnarmálaráðuneytisins segir að 1200 manna pólsk hersveit sem send var til Afganistans geti ekki hafið eftirlitsstörf fyrr en eftir nokkrar vikur. Ástæðan er sú að það er búið að stela bíllyklunum þeirra.

Margir þröskuldar enn í vegi fyrir álveri í Helguvík

Þórunn Sveinbjarnardóttir, umhverfisráðherra, segir mjög marga þröskulda vera í vegi fyrir álveri í Hegluvík, þrátt fyrir orkusölusamning Orkuveitunnar og Norðuráls. Þetta kom fram í máli Þórunnar á Alþingi í morgun.

Lisa Ekdahl hefði verið sókndjarfari gegn Tyson

Íslenska karlalandsliðið í knattspyrnu fær háðuglega útreið í sænskum fjölmiðlum eftir viðureignina í Stokkhólmi í gær, bæði hjá sænsku leikmönnunum og blaðamönnum.

Hjallaskóli í Reykjavík

Hjallastefnan mun taka við rekstri leikskólans Laufásborgar. Samningur þar að lútandi var samþykktur af Leikskólaráði borgarinnar í gær. Laufásborg verður þar með fyrsti Hjallaskólinn sem tekur til starfa í Reykjavík.

Nýr leikskóli opnar í dag

Vilhjálmur Þ. Vilhjálmsson borgarstjóri mun formlega opna nýjan leikskóla við Sandavað 7 í Norðlingaholti í dag. Athöfnin hefst þegar borgarstjórinn klippir með leikskólabörnum á borða.

Sendiherra afhendir blóðpeninga

Sendiherra Bandaríkjanna á Filipseyjum mætti í dag með skjalatöskur troðfullar af peningum til þess að verðlauna fjóra múslima. Þeir gáfu upplýsingar sem leiddu til þess að tveir leiðtogar Abu Sayyaf hryðjuverkasamtakanna voru drepnir.

Vilja stöðva fjölkvæni hjá sértrúarsöfnuði

Fylkisyfirvöld í Bresku Kólumbíu í Kanada hafa skipað sérstakan saksóknara til ákveða hvort höfða eigi mál á hendur bandarískum sértrúarsöfnuði sem þar hefur sest að. Söfnuðurinn stundar meðal annars fjölkvæni en það er bannað í Kanada.