Yfir 80 börn í óviðunandi öryggisbúnaði

Tæplega fjórtán prósent barna er ekið til leikskóla í óviðandi öryggisbúnaði samkvæmt könnun Slysavarnarfélagsins Landsbjargar, Sjóvaá Fornvarnarhúss og Umferðarstofu. Alls voru 86 börn algerlega óvarin og 24 í alvarlegri lífshættu á meðan á akstri stóð.

Könnunin var gerð við 58 leikskóla víðs vegar um land og var búnaður 1.944 barna skoðaður. Alls voru 86,4 prósent barna með réttan öryggisbúnað og 9,2 prósent eingöngu í bílbelti sem ekki telst fullnægjandi búnaður. Þá voru 4,4 prósent algerlega óvarin

Þá sátu 24 börn fyrir framan öryggispúða í bifreið en púðar af þeirri gerð geta verið börnum lífhættulegir springi þeir út.

Þetta er 12 sinn sem könnun á öryggi barna í bílum er gerð og hefur þróunin verið almennt jákvæð. Frá árinu 1997 hefur hlutfall óvarinna barna fækkað mikið en það ár voru 32 prósent barn án nokkurs öryggisbúnaðar.