13 látnir og 61 særður

Átök halda áfram í Írak en þrettán létust og að minnsta kosti 61 særðist í árásum þegar þyrlur Bandaríkjahers skutu á hóp Íraka sem hafði safnast við brennandi farartæki hersins í Bagdad. Á öðrum stað í Bagdad létust níu Írakar í átökum við hermenn.

Skáru trollið úr skrúfunni

Kafarar á björgunarskipi Slysavarnarfélagsins Landsbjargar, Hannesi Þ. Hafstein frá Sandgerði, luku um hádegi við að skera úr skrúfunni á 230 tonna togbáti sem flæktist í trolli um sextán sjómílur vestur af Sandgerði.

Rússar vilja alþjóðlega samvinnu

Varnarmálaráðherra Rússa, Sergei Ivanov, sagði í dag að Rússar myndu efla öryggisveitir sínar og leita eftir alþjóðlegri samvinnu til að ná hryðjuverkamönnunum sem drápu að minnsta kosti 327 gísla í Beslan í Norður-Ossetíu. Helmingur þeirra sem lést voru börn.

Maður féll úr stiga

Maður féll í stiga í Njarðvík í dag og var hann fluttur á Landspítalann í Fossvogi til aðhlynningar. Maðurinn var að klæða svefnloft í sumarbústað sem er í smíðum við Njarðarbrautina í Njarðvík þegar hann féll niður úr stiganum. Hann kvartaði yfir verkjum í baki, öxlum og hálsi og var því fluttur með sjúkrabíl til Reykjavíkur.</font />

Tveir með skurði á höfði

Á fimmta tímanum í nótt voru tveir menn fluttir á Heilbrigðisstofnun Suðurnesja með skurði á höfði að sögn Víkurfrétta. Annar þeirra hafði verið sleginn í andlitið á skemmtistað í Keflavík og var saumaður skurður á vör. Hinn hafði dottið í heimahúsi í Njarðvík og fengið skurð á höfuðið sem sauma þurfti.

21 talíbani felldur

Allt að tuttugu og einn skæruliði talíbana var felldur þegar árásarþyrlur Bandaríkjamanna skutu á hóp þeirra sem lagt hafði á flótta undan sameiginlegri framsókn Bandaríkjamanna og Afgana, skammt frá Kandahar.

Skaftafellsþjóðgarður stækkaður

Umhverfisráðherra kynnti á opnum fundi í Skaftafellsstofu í þjóðgarðinum í Skaftafelli í dag áætlun um stækkun þjóðgarðsins. Siv Friðleifsdóttur tókst ætlunarverk sitt, að sigla verkefninu í höfn áður en hún hættir sem ráðherra.

Hörðustu bardagar í margar vikur

Einhverjir hörðustu götubardagar í margar vikur hafa geisað síðasta sólarhringinn í Bagdad, höfuðborg Íraks. Óöld ríkir þar og svo virðist sem enginn hafi stjórn á ástandinu.

Vika í verkfall

Engin hreyfing er komin á samninga grunnskólakennara og sveitarfélaganna en vika er í boðað verkfall. Líkt og síðustu daga hafa samninganefndir grunnskólakennara og sveitarfélaganna fundað í húsakynnum ríkissáttasemjara um helgina, án teljandi árangurs.

Sorgin fært heimsbyggðina nær

Íbúar í Beslan, Madrid, New York og í Jakarta hafa persónulega reynslu af hversu lífið er hverfult og þjáning þeirra hefur leitt íbúa heimsins þéttar saman.

Lögregluskýrslan tilbúin

"Skýrslan er tilbúin á borði mínu og nú er ég að vega og meta næstu skref í málinu," segir Helgi Jensson, sýslufulltrúi á Egilsstöðum, en lögreglan hefur lokið rannsókn sinni á tildrögum banaslyssins sem varð í Hafrahvammagljúfrum í mars.

Rækjuveiðimenn hlunnfarnir

Stofn innfjarðarrækju í Húnaflóa er hruninn og þær útgerðir sem enn standa og gerðu út á þær veiðar berjast í bökkum. Útgerðarmenn telja sig hlunnfarna og mæta engum skilningi hjá Sjávarútvegsráðuneytinu. </font /></b />

Ríkið vinni að dreifikerfinu

Þingflokksformaður Framsóknarflokksins segir afstöðu framsóknarmanna skýra varðandi uppsetningu dreifikerfis um land allt. Jafnvel komi til greina að ríkið vinni að uppbyggingu slíks kerfis, þótt Síminn verði kominn úr eigu þess.

Ívan grimmi hefur fellt fimmtíu

Fellibylurinn Ívan, sem fengið hefur viðurnefnið grimmi, gengur nú yfir Cayman-eyjur og stefnir á Kúbu. Um fimmtíu manns liggja í valnum eftir yfirreið Ívans um Karíbahaf. Veðurofsinn í fellibyljum er sambærilegur við allra verstu veður sem verða á Íslandi.

Kjarnorkusprenging í Norður-Kóreu?

Uppnám ríkir á Kóreuskaga í kjölfar frétta um að gríðarmikil sprenging hafi orðið í Norður-Kóreu í síðustu viku. Sá orðrómur er á kreiki að kjarnorkusprenging hafi orðið þótt sérfræðingar hafi vísað því á bug. 

Aðrir gengið fram fyrir skjöldu

"Mér finnst það heldur kaldranalegt af Davíð að halda því fram að sérstakur vinnufriður hafi ríkt í hans valdatíð," segir Guðmundur Gunnarsson, formaður Rafiðnaðarsambandsins.

Bush vottar virðingu

George Bush, forseti Bandaríkjanna, heimsótti rússneska sendiráðið í Washington öllum að óvörum í gær og vottaði samúð sína með fórnarlömbunum í bænum Beslan með því að skrifa í minningarbók þeim til handa.

Kostnaður langt yfir áætlun

Líkur eru á að grísk stjórnvöld þurfi að glíma við gífurlega fjárlagahalla næstu árin en forsætisráðherra landsins hefur viðurkennt að Ólympíuleikarnir hafi kostað mun meira en nokkurn óraði fyrir.

Olíuhækkun í pípunum

Gert er ráð fyrir að lágmarksverð fyrir tunnu af olíu verði 30 dollarar eftir fund OPEC ríkjanna sem verður í vikunni.

Nýr El Nino að myndast

Loftslagsfræðingar telja að nýr El Nino sé að myndast í Kyrrahafinu en slíkt fyrirbrigði getur haft áhrif á veðurfar víða um heim.

Skammarlegt fyrir ríkisstjórnina

Jóhanna Sigurðardóttir alþingismaður segir skammarlegt ef ríkisstjórnin ætli að láta öryrkja draga sig í fjórða sinn fyrir dómstóla vegna vanefnda á samningum. Hún segir málið prófraun fyrir framsóknarmenn þegar Halldór Ásgrímsson tekur við stjórnartaumunum.

Áróðursmyndir Hitlers um Ísland

Sjötíu ára gamlar áróðursmyndir um Ísland, sem fundust í ríkissafni Hitlersstjórnarinnar, er meðal þess sem Kvikmyndasafn Íslands sýnir í Bæjarbíói um þessar mundir. Áróðursmyndirnar voru gerðar með það fyrir augum að útlista kosti landvinninga á fjarlægum slóðum. 

Síðasta smalamennska á Reykjanesi

Þúsund ára sögu smalamennsku á Reykjanesskaganum er lokið. Næsta ár verður lausaganga sauðfjár bönnuð á svæðinu.

Þjóðahátíð á Austfjörðum

Þjóðahátíð á Austfjörðum tókst hið besta en hún er haldin undir þeim einkunnarorðum að fræðsla sé grundvöllur þess að margar þjóðir geti búið saman.

Tekist á um nýbúaskýrslu

Alþjóðahúsið gagnrýnir nýútkomna skýrslu um þjónustu Hafnarfjarðarbæjar við nýbúa. Í skýrslunni segir meðal annars að skoða þurfi vandlega samstarf við Alþjóðahúsið vegna þess hversu miklir fjármunir eru settir í þennan eina þátt.

Árangurslaus fundur

Ekkert markvert gerðist á samningafundi grunnskólakennara og launanefndar sveitarfélaganna í gær. Vika er í boðað verkfall kennara.

Villtust við Heklurætur

Tveir menn sem gengið höfðu á Heklu á laugardag óskuðu aðstoðar við að komast að bíl sínum, á öðrum tímanum í fyrrinótt. Flugbjörgunarsveitin á Hellu var kölluð út og kom mönnunum til hjálpar og komust þeir að bíl sínum heilir á húfi.

Klór geymdur á opnu svæði

Fimmtán prósenta klór var geymdur úti á plani við Vesturvör í Kópavogi og var öllum aðgengilegur. Eigandi efnanna er fyrirtækið Mjöll-Frigg ehf. sem hefur sótt um leyfi fyrir klórgasframleiðslu og lagerhalds hjá Kópavogsbæ. Lögreglan hefur beðið forráðamann fyrirtækisins að fjarlægja klórinn.

Svepplaga ský myndaðist

Risastórt svepplaga reykský sást á myndum veðurtungla eftir mikla sprengingu sem átti sér stað í Yanggang héraði í norðurhluta Norður-Kóreu nærri landamærum Kína skömmu fyrir hádegi síðasta fimmtudag. Skýið var um 3,5 til 4 kílómetrar í þvermál.

Undrast leirfokstölur Landsvirkjun

"Heildarrúmmál á jarðvegi sem lendir undir vatni í Hálslóni þegar það er í hámarki, en er ofan vatnshæðar að vori þegar lægst stendur í lóninu, getur verið um 30 milljónir rúmmetra, bara austan megin við lónið," segir sérfræðingu sem Skipulagsstofnun fékk til að fara yfir matsskýrslur um Kárahnjúkavirkjun á sínum tíma.

Til stendur að fjölga sérfræðingum

"Það er vilji til þess, að halda áfram að vinna í samræmi við þær hugmyndir sem starfsstjórn um málefni Greiningar- og ráðgjafarstöðvar ríkisins skilaði af sér á síðasta ári," sagði Þór Þórarinsson skrifstofustjóri Félagsmálaráðuneytisins um fyrirhugaða fjölgun sérfræðinga við stöðina.

Vara við borgarastyrjöld

Ariel Sharon, forsætisráðherra Ísraels, var ómyrkur í máli á sunnudag þegar hann gagnrýndi þau öfl sem setja sig upp á móti áætlunum hans um að afnema landnemabyggðir gyðinga á Gaza-ströndinni og draga ísraelskar hersveitir burt frá svæðinu.

Ryðsveppur að breiðast út

Ryðsveppur í ösp er að breiðast út um landið. Asparryðs hefur orðið vart á Norðurlandi og á Suðurlandi er ástandið slæmt á Kirkjubæjarklaustri. Fyrst kom sveppurinn fram í Hveragerði og á Selfossi árið 1999.

Skaftafell í 5 þúsund ferkílómetra

Fyrir liggur áætlun um stækkun þjóðgarðsins í Skaftafelli. Hana kynnti Siv Friðleifsdóttir umhverfisráðherra á fundi í Skaftafellsstofu í þjóðgarðinum í Skaftafelli í gær.

Svöðusár í andliti Flóans

Verktakar sem rutt hafa möl ofan af toppi Ingólfsfjalls í Ölfusi hafa stöðvað þá vinnu, eftir að Skipulagsstofnun úrskurðaði efnistöku með þeim hætti óheimila. Efnistakan sögð "eins og svöðusár í andliti." </font /></b />

Málshöfðun fastur liður

"Í öll þau skipti sem ríkisstjórn Davíðs Oddssonar og Halldórs Ásgrímssonar hefur verið dæmd, að minnisblaðsmálinu meðtöldu, hafa þeir bakað ríkinu ómældan kostnað með ósvífnu málastappi. Setji þeir þetta í sama farveg verður þetta orðinn fastur útgjaldaliður í ríkisbókhaldinu."

Ræningjar meiri skaðvaldar en Ívan

Fellibylurinn Ívan gekk á land á Jamaíka í nótt með úrhellisrigningu og hávaðaroki. Tré og ljósastaurar rifnuðu upp umhverfis Kingston, höfuðborg Jamaíka, í veðurofsanum og rigningavatn flæddi um götur borgarinnar. Við fyrstu sýn virðist þó sem ræningjar, sem notuðu tækifærið og létu greipar sópa í miðborginni, hafi valdið öllu meiri skaða en fellibylurinn

Nóttin róleg

Nóttin var mjög róleg hjá Lögreglunni í Reykjavík. Fáir voru í miðbænum en tveir voru teknir fyrir ölvunarakstur sem telst varla til tíðinda, enda segir lögregla að það sé eins og að degi til í miðri viku. Sömu sögu var að segja um mest allt land, á Akureyri og víðar.

Liðsforingi viðurkennir brot

Bandarískur liðsforingi hefur viðurkennt fyrir dómstólum að hafa brotið gegn föngum í hinu illræmda Abu Ghraib fangelsi í Bagdad. Spurður hvers vegna hann hefði látið afklæða fangana sagði hann að hann hefði tengt þá mönnum sem drepið hefðu tvo bandaríska hermenn.

Bílsprengja í Sádi-Arabíu

Sprenging varð í bíl í Jedda í Sádi-Arabíu í morgun. Sjónarvottar segja að bílstjórinn hafi slasast. Sprengjan var í farangursrými bílsins sem lagt var við hraðbanka.

Ók yfir handlegg barns og stakk af

Ökumaður jeppabifreiðar ók yfir handlegg á barni  í Keflavík fyrr í vikunni og stakk af frá vettvangi samkvæmt vef Víkurfrétta. Lögreglan í Keflavík lýsir nú eftir ökumanninum og vill hafa af honum tal.

Dæmdur fyrir brotin í Abu Ghraib

Fyrsti hermaður þeirrar deildar bandaríska hersins er sér um njósnir og upplýsingaöflun, sem dreginn var fyrir rétt fyrir brotin í Abu Ghraib fangelsinu í Bagdad, fékk í dag átta mánaða fangelsisdóm, lækkun í tign og brottvikningu úr hernum.

Nú styttist í þessu

„Nú styttist í þessu,“ sagði Davíð Oddsson forsætisráðherra við fréttamenn þegar hann mætti í Stjórnarráðið í morgun til að fara á fyrsta ríkisstjórnarfund sinn eftir veikindi og þann næst síðasta á samfelldum þrettán ára ferli sínum sem höfuð ríkisstjórnarinnar. Forsætisráðherraskiptin verða 15. september.

17 enn á sjúkrahúsi

Sautján af þeim 47 sem slösuðust í lestarslysinu í Svíþjóð í gær eru enn á sjúkrahúsi í Kristianstad og einn hefur verið fluttur á spítalann í Lundi. Tveir eru á gjörgæsludeild, alvarlega slasaðir en ekki í lífshættu. Tveir lestarstjórar létust í árekstrinum þegar lestin ók inn í hliðina á flutningabíl sem var fastur á teinunum. Ökumaður bílsins hafði náð að forða sér.

KÍ semur við Barnaskóla Hjalla

Fulltrúar Hjallastefnunnar og Kennarasambandið undirrituðu í gær samning um að framlengja gildandi kjarasamning með nokkrum breytingum fyrir grunnskólakennara við Barnaskóla Hjalla. Verkfalli þar hefur því verið afstýrt. Þetta er fyrsti kjarasamningurinn sem KÍ undirritar í haust.