Ökumaður bílsins sem fór í sjóinn við Ægisgarð í Reykjavíkurhöfn er enn þungt haldinn á gjörgæsludeild Landspítalans.
Allt tiltækt slökkvilið á höfuðborgarsvæðinu var kallað út eftir að tilkynning barst upp úr hádegi á gamlársdag um að bíll hafi farið í sjóinn. Kafarar slökkviliðsins sóttu mann úr bílnum og var hann fluttur á sjúkrahús.
Eiríkur Valberg, lögreglufulltrúi hjá miðlægri deild lögreglunnar á höfuðborgarsvæðinu, segir lögreglu telja sig hafa nokkuð skýra mynd af því sem gerðist.
Verið sé að rannsaka aðdraganda þess að bíllinn hafnaði í sjónum.
Nærri allt tiltækt slökkvilið á höfuðborgarsvæðinu, auk björgunarkafara, var kallað út eftir að tilkynning barst um að bíll hafi farið í sjóinn við Ægisgarð í Reykjavíkurhöfn.
Einn karlmaður var í bílnum sem fór út af bryggjunni á Ægisgarði í Reykjavík og í höfnina eftir hádegið í gær. Ástand mannsins er sagt mjög alvarlegt en hann var fluttur á Landspítalann eftir að tókst að koma honum úr bílnum.
