„Ég kem til með að sakna augnablikanna inn á vellinum en ég hef búið mér til margar frábærar minningar sem ég hugsa til. Ég hef elskað næstum því hverja einustu mínútu,“ sagði Andre Marriner í fréttatilkynningu.
#PL referee Andre Marriner has announced his retirement after a long and distinguished career in the professional game.
— PGMOL (@FA_PGMOL) May 30, 2023
Congratulations, Andre
Marriner er orðinn 52 ára gamall en hann náði að dæma 391 leik í ensku úrvalsdeildinni síðan að hann kom inn í deildina árið 2004. Hann hefur verið FIFA-dómari frá árinu 2008 en hóf dómgæslu árið 1992.
Hans fyrsti leikur var leikur Charlton og Norwich árið 2004 en sá síðasti var 5-0 sigur Arsenal á Wolves um helgina.
Marriner dæmdi þrettán leiki í ensku úrvalsdeildinni í vetur. Tvö rauð spjöld fóru á loft hjá honum og annað þeirra var beint rautt spjald á Casemiro hjá Manchester United í leik á móti Crystal Palace í febrúar.
Marriner gaf alls 1236 gul spjöld og 61 rautt spjald í 391 leik í ensku úrvalsdeildinni og í þeim gaf hann alls 77 vítaspyrnur.
I ll miss the moments out on the pitch but I ve got so many great memories to look back on I ve loved almost every minute of it!
— Refsuite (@ref_suite) May 30, 2023
19 years in the Premier League
391 Premier League matches
Well done, Andre Marriner, and good luck for the future pic.twitter.com/R3Euz7BbFL