Vill að uppsagnir verði dregnar til baka: „Þetta kemur öllu verkafólki Íslands við”

Sunna Valgerðardóttir skrifar 20. apríl 2022 21:29

Anna Sigurlína Tómasdóttir, trúnaðarmaður starfsfólks Kjörís fyrir hönd Eflingar, vonar innilega að stjórnin hætti við hópuppsögnina á skrifstofu Eflingar. Vísir/Bjarni

Trúnaðarmaður Eflingar í Kjörís segir hópuppsagnir félagsins skaða alla verkalýðshreyfingu landsins og setja vont fordæmi fyrir komandi kjaraviðræður. Félagsmenn Eflingar krefjast félagsfundar til að ræða uppsagnirnar og ætlar stjórnin að verða við því.

„Ég er mjög hrædd um að þessi hópuppsögn setji mjög slæmt fordæmi,” segir Anna Sigurlína Tómasdóttir, trúnaðarmaður starfsfólks Kjörís í Hveragerði fyrir hönd Eflingar. Hún hvetur alla félagsmenn til að mæta á fundinn, þegar og ef hann verður boðaður, og láta í sér heyra. Samkvæmt heimildum fréttastofu stendur til að leggja fram vantrauststillögu á Sólveigu Önnu Jónsdóttur sem formann.

Leggur til að hætt verði við uppsagnirnar

Anna Sigurlína ætlar sjálf að leggja fram tillögu um að uppsagnirnar verði dregnar til baka.

„Enda vinnst engin barátta, alveg sama hver hún er, með hnefann á lofti. Hún vinnst við samningaborðið,” segir hún og bætir við að hún voni innilega að uppsagnirnar verði dregnar til baka.

„Ég vona það mjög innilega. Ég held að þetta hafi mjög slæm áhrif á verkalýð Íslendinga. Þetta kemur ekki bara Eflingu við,” segir Anna Sigurlína. „Þetta kemur öllu verkafólki Íslands við.”

Í gær var afhentur undirskriftarlisti til stjórnarinnar með um 500 undirskriftum félagsmanna þar sem þess er krafist að blásið verði til félagsfundar á föstudag til að ræða hópuppsögnina.

Verkalýðsforkólfar fordæma

Agnieszka Ewa Ziólkowska, varaformaður Eflingar, sagði í morgun að Sólveig Anna væri búin að eyðileggja tveggja ára starf verkalýðsbaráttunnar með gjörðum sínum. Drífa Snædal, forseti ASÍ, fordæmir uppsagnirnar. Vilhjálmur Birgisson, formaður Starfsgreinasambandsins, sagði í morgun að þær hafi verið mistök og að hann geti ekki stutt þær. Ragnar Þór Ingólfsson, formaður VR, hefur sagt uppsagnirnar ömurlegar. Fréttastofa reyndi að fá viðtal við Sólveigu Önnu, en við því var ekki orðið. Sömuleiðis vildi Viðar Þorsteinsson, fyrrverandi framkvæmdastjóri, ekki veita viðtal, og heldur ekki ritarinn Ólöf Helga Adolfsdóttir.

Ólga innan Eflingar Stéttarfélög Vinnumarkaður

Tengdar fréttir

Félagsmenn foxillir eftir tölvupóst Sólveigar Önnu

Stjórn Eflingar hyggst ræða kröfur fimm hundruð félagsmanna um að halda félagsfund. Tölvupóstur frá formanni félagsins hefur vakið reiði félagsmanna og segir varaformaður Eflingar formanninn vera að eyðileggja starf verkalýðshreyfingarinnar. Forsvarsmenn félagsins urðu ekki við beiðni um viðtal í morgun.

20. apríl 2022 12:31

Hópuppsagnirnar hjá Eflingu mistök að mati Vilhjálms

Vilhjálmur Birgisson, formaður Verkalýðsfélags Akraness og nýkjörinn formaður Starfsgreinasambandsins segir að stjórn Eflingar hafi gert mistök með því að ráðast í hópuppsagnir á skrifstofu félagsins.

20. apríl 2022 12:38

Forysta sem virðir Eflingarfélaga fær virðingu til baka

Ég heiti Magnús Freyr Magnússon og er félagsmaður í Eflingu. Ég er svokallaður „starfsmaður 2 með stuðning” og vinn á leikskóla. Ég brenn fyrir verkalýðsmálum og trúi á lýðræði. Ég er jafnréttissinnaður baráttumaður í húð og hár og ég stend við orð mín undir nafni.

20. apríl 2022 10:31

Stjórn Eflingar hyggst verða við kröfu um félagsfund

Stjórn Eflingar hyggst koma saman til að taka ákvörðun um boðun og tímasetningu félagsfundar, eftir að hátt í 500 félagsmenn undirrituðu skjal þar sem óskað var eftir fundi.

20. apríl 2022 07:19

Snúnar kjaraviðræður fram undan eftir hópuppsögn Eflingar

Fyrrverandi félagsmálaráðherra og framkvæmdastjóri Samtaka atvinnulífsins telur einsýnt að hópuppsagnir innan Eflingar muni hafa mikil áhrif á kjaraviðræður í haust. Hann furðar sig á forystu verkalýðshreyfingarinnar.

19. apríl 2022 14:10

Segir hópuppsagnir á skrifstofu Eflingu vera hreinsanir

Drífa Snædal, forseti ASÍ, segir að nýlegar hópuppsagnir á skrifstofu Eflingar séu ekkert nema hreinsanir. Drífa segist ekki hafa gert upp við sig hvort hún bjóði sig fram til endurkjörs sem forseti ASÍ í haust.

17. apríl 2022 11:34

„Gífurleg afglöp“ hjá stjórn Eflingar

Fyrrverandi stjórnarmaður í Eflingu segir það gífurleg afglöp að segja upp öllu starfsfólki skrifstofunnar. Stjórn félagsins sé klofin og nú sé til umræðu að kalla saman félagsfund til að kjósa hana frá.

14. apríl 2022 15:54

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.