Öryggisráðið kemur saman vegna ástandsins í Úkraínu

Gunnar Reynir Valþórsson skrifar 31. janúar 2022 07:00

Frá fundi öryggisráðs Sameinuðu þjóðanna. EPA

Öryggisráð Sameinuðu þjóðanna hittist síðar í dag til að ræða ástandið í Úkraínu en óttast er að Rússar hyggist ráðast inn í landið.

Þetta verður í fyrsta sinn sem öryggisráðið kemur saman til að ræða þetta tiltekna mál en fundurinn er haldinn að beiðni Bandaríkjamanna.

Sendiherra Bandaríkjanna hjá Sameinuðu þjóðunum, Linda Thomas-Greenfield, segir að aðgerðir Rússa á landamærum Úkraínu ógni friði og öryggi í heiminum og því verði öryggisráðið að ræða málið í þaula.

Rússneski kollegi hennar hefur þegar svarað henni á Twitter og segir boðun fundarins vera einstaka, því aldrei áður hafi ráðið verið kallað saman til að ræða ógn sem enginn fótur sé fyrir.

Rússar hafa þráfaldlega neitað fyrir að þeir hyggi á innrás í Úkraínu.

Sameinuðu þjóðirnar Úkraína Rússland Bandaríkin

Tengdar fréttir

Öldungadeild nálægt því að samþykkja „móður allra refsiaðgerða“

Öldungadeildin í Bandaríkjunum er nálægt því að samþykkja harðar aðgerðir gegn Rússum vegna spennu á landamærum Rússlands og Úkraínu. Öldungadeildarþingmenn telja að Vladimir Pútín Rússlandsforseti muni ekki hætta aðgerðum á landamærum, nema vesturveldin svari.

30. janúar 2022 20:22

Óljóst hve mikil alvara er á bakvið hótanir um viðskiptaþvinganir

Bretar íhuga að tvöfalda herafla sinn í Austur-Evrópu vegna átakanna við landamæri Úkraínu. Þeir segja að öllum tilraunum Rússa til innrásar verði mætt með hörðum viðskiptaþvingunum.

30. janúar 2022 12:03

Blóðsöfnun rússneska hersins eykur áhyggjur Bandaríkjanna

Ótti Bandaríkjamanna og annarra NATO-ríkja um innrás Rússa í Úkraínu eykst með hverjum deginum. Joe Biden forseti Bandaríkjanna hefur tilkynnt að bandarískir hermenn verði fluttir til Austur-Evrópu á næstu dögum.

29. janúar 2022 10:30

Mest lesið

Fleiri fréttir