Ísraelar láta reyna á fjórða skammt bóluefnis

Reuters hefur eftir talsmanni Sheba spítalans í Ísrael að heilbrigðisráðuneyti landsins muni fá niðurstöðurnar afhentar eftir um það bil tvær vikur.

Nefnd heilbrigðisráðuneytisins komst að þeirri niðurstöðu í síðustu viku að í ljósi hættunnar á frekari spítalainnlögnum væri réttast að bjóða heilbrigðisstarfsmönnum, einstaklingum yfir sextugu og ónæmisbældum fjórðu sprautuna. Heilbrigðisráðherra á þó eftir að taka ákvörðun um hvort sú verði raunin.

Ísraelar hafa verið nokkurs konar brautryðjendur þegar kemur að bólusetningu gegn kórónuveirunni. Þeir voru fyrstir til að bólusetja þorra landsmanna fyrir um ári síðan og fyrstir til að hefja veitingu örvunarskammts. 

Þá tilkynnti heilbrigðisráðuneytið í dag að tími milli veitingu annars og þriðja skammt bóluefnis yrði styttur úr fimm mánuðum í þrjá.