Reiðir yfir því að fá ekki boð á lýðræðisfund Bidens Samúel Karl Ólason skrifar 10. desember 2021 13:01 Vladimír Pútín, Joe Biden og Xi Jinping, forsetar Rússlands, Bandaríkjanna og Kína. AP Joe Biden mun í dag loka tveggja daga stafrænum lýðræðisfundi sínum með því að beina athygli að mikilvægi þess að standa í hárinu á harðræðisstjórnum og einræðisherrum og það að tryggja sjálfstæða fjölmiðla. Rússar og Kínverjar eru reiðir yfir því að hafa ekki fengið boð á lýðræðisfundinn. Á fyrsta degi ráðstefnunnar, í gær, hét Biden því að Bandaríkin myndu verja allt að 424 milljónum dala í að ýta undir frjálsa fjölmiðla, baráttu gegn spillingu og annað á heimsvísu. Hann sagði þörf á slíkum aðgerðum, því lýðræðið ætti undir högg að sækja og dregið hefði úr því á undanförnum árum. Biden spurði fundargesti sína að því hvort þeir myndu áfram leyfa það að grafið sé undan lýðræðinu og réttindum fólks eða hvort þeir myndu snúa bökum saman og leiða heiminn í átt að meira frelsi. Forsetinn bandaríski mun halda lokaávarp sitt í kvöld. Sjá einnig: Lýðræði talið fara hnignandi í Bandaríkjunum í fyrsta sinn Þetta er ekki í fyrsta sinn sem Biden hefur lýst yfir áhyggjum af stöðu lýðræðis i heiminum. Þegar hann ávarpaði Bandaríkjaþing í fyrsta sinn á árinu sagði hann meðal annars að lýðræðið þyrfti að sanna sig. Hann sagði hlakka í andstæðingum Bandaríkjanna og einræðisherrum heimsins vegna stöðu lýðræðis þar í landi. Sjá einnig: Sagði lýðræðið þurfa að sanna sig Meðal þeirra ríkja sem ekki fengu boðskort á lýðræðisfund Bidens voru Rússland og Kína. AP fréttaveitan segir frá því að sendiherrar þeirra ríkja í Bandaríkjunum hafi sent frá sér sameiginlega tilkynningu þar sem þeir sökuðu Biden um kalda stríðs hugsunarhátt, eins og bæði ríkin hafa ítrekað gert áður. Lengi verið sakaður um einræðistilburði Vladimír Pútín hefur verið lengur við völd í Rússlandi en nokkur annar frá því Stalín var við völd. Hann hefur verið forseti Rússlands frá árinu 2000, að undanskildum árunum 2008 til 2012 þegar hann var forsætisráðherra. Stjórnarskrá Rússlands gerði honum ekki kleift að sitja lengur í embætti en í tvö kjörtímabil. Eftir 2012 var reglum landsins breytt á þann veg að lengd kjörtímabila var gerð sex ár. Núverandi kjörtímabili hans lýkur árið 2024 og hefði það átt að vera hans síðasta en í fyrra voru gerðar breytingar á stjórnarskrá landsins sem gera honum kleift að bjóða sig fram aftur og sitja tvö kjörtímabil til viðbótar. Hann hefur einnig unnið að breytingum sem myndu koma á fót ríkisráði sem hann gæti stýrt. Í valdatíð sinni hefur Pútín ítrekað verið sakaður um einræðistilburði og það að grafa undan mögulegu lýðræði í Rússlandi. Kosningar hafa ekki farið fram með sanngjörnum og gagnsæjum hætti og forsetinn hefur beitt réttarkerfi Rússlands gegn pólitískum andstæðingum sínum og sjálfstæðum fjölmiðlum. Sjá einnig: Tileinkar friðarverðlaunin sex blaðamönnum hans sem voru myrtir Þá hefur hann jafnvel verið sakaður um að eitra fyrir pólitískum andstæðingum sínum eins og Alexei Navalní, sem situr nú í fangelsi fyrir að rjúfa skilorð þegar hann var fluttur í dái til Þýskalands eftir að eitrað var fyrir honum með taugaeitrinu Novichok. Hann var á skilorði vegna fyrri dóms sem Mannréttindadómstóll Evrópu hefur sagt vera gerræðislegan. Á meðan Navalní hefur setið í fangelsi hefur hann fengið stöðu öfga- og hryðjuverkamanns og samtök hans eru skilgreind sem ólögleg öfgasamtök. Kínverjar reiðir og segja Kína lýðræðisríki Ráðamenn í Kína brugðust reiðir við því að hafa ekki verið boðið á lýðræðisfundinn en ráðamönnum í Taívan hafi verið boðið. Kínverjar telja lýðræðisríkið Taívan tilheyra þeim og hafa heitið því að sameina það meginlandinu, með valdi ef þörf sé á. Í Peking hafa menn ítrekað gagnrýnt lýðræðisfundinn og Bandaríkin. Meðal annars með Harry Potter brandara og með því að halda því fram að Kína sé lýðræðisríki og betra lýðræðisríki en Bandaríkin. Ríkisráð Kína birti til að mynda um síðustu helgi grein með titlinum „Kína: Lýðræði sem virkar“. Þar er því haldið fram að ekki sé til nein ein rétt tegund lýðræðis. „Lýðræði“ Kína virki því það sjái um þarfir íbúa landsins. Samkvæmt frétt Washington Post var því haldið fram í greininni að „lýðræðiskerfi“ Kína væri í grunninn í takt við hugmyndir forn Grikkja um lýðræði. Þar stóð einnig að öflug miðstýring væri nauðsynleg til að tryggja að áhyggjum 1,4 milljarða íbúa væri mætt. Ríkisstjórn Kína hefur lengi verið sökuð um margvísleg mannréttindabrot en einnig um þjóðarmorð á Úígúrum sem hafa verið sendir í hundruð þúsunda tali í þrælkunarbúðir og konur sem tilheyra minnihlutahópnum hafa verið þvingaðar í ófrjósemiaðgerðir. Kommúnistaflokkur Kína fer með öll völd í landinu og Xi Jinping, forseti, fer með öll völd í flokknum. Honum tókst nýverið að gera breytingar á stjórnarskrá Kína svo hann geti í raun setið í embætti forseta til æviloka. Sjá einnig: Xi festir sig í sessi og setur sig á stall með Mao og Deng Engar kosningar eru haldnar í Kína og stjórnarandstaða er svo gott sem ekki leyfð. Pólitískir andstæðingar Kommúnistaflokksins hafa ítrekað verið fangelsaðir eða einfaldlega látnir hverfa. Þá hefur Kommúnistaflokkurinn verið harðlega gagnrýndur vegna andlýðræðislegra aðgerða í Hong Kong þar sem mótmælum var mætt af mikilli hörku. Þá hefur Kommúnistaflokkurinn komið á hörðum öryggislögum sem hafa meðal annars gert mannréttindasamtökum ómögulegt að starfa í Hong Kong. Sjá einnig: Amnesty yfirgefur Hong Kong vegna umdeildra öryggislaga Ríkismiðlar Kína, talsmenn utanríkisráðuneytis þess og aðrir hafa á undanförnum dögum farið mikinn á samfélagsmiðlum eins og Twitter í gagnrýni þeirra á lýðræðið í Bandaríkjunum. Þeirra á meðal er Lijian Zhao, einn talsmanna utanríkisráðuneytisins. Hann deildi þessari mynd frá ríkismiðlinum Global Times. Vert er að taka fram að almennum borgurum í Kína er ekki veittur aðgangur að Twitter. #GTCartoon: A troubling backdrop for the US-convened “democracy summit.” Can the US save its self-decided democratic norms in one meeting? #WeaponizedDemocracy pic.twitter.com/z9mlwvbEPL— Global Times (@globaltimesnews) December 9, 2021 Bandaríkin Rússland Kína Eitrað fyrir Alexei Navalní Árás á bandaríska þinghúsið Hong Kong Taívan Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Íkveikjan ekki talin hafa beinst að Trump eða réttarhöldunum Erlent Þjófunum yfirsást taska með milljónum króna Innlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent Kveikti í sér fyrir utan dómshúsið þar sem réttað er yfir Trump Erlent Átta forsetaefni klár með listana Innlent Fleiri fréttir Íkveikjan ekki talin hafa beinst að Trump eða réttarhöldunum Kveikti í sér fyrir utan dómshúsið þar sem réttað er yfir Trump Fyrstu loftárásir Ísraela í Íran frá 1979 Fengu aðstoð Demókrata við að koma hernaðaraðstoð úr nefnd Hefur mátt sitja undir svívirðingum um sjálfan sig Segjast hafa skotið niður dýrmæta sprengjuflugvél Handtekinn í tengslum við áform um að ráða Selenskí af dögum Ísraelar gera árás á Íran Kennedy-fjölskyldan lýsir yfir stuðningi við Biden Bandaríkin stöðvuðu fulla aðild Palestínumanna að SÞ Hrunið í gömlu kauphöllinni heldur áfram Afsalta sjó til drykkjar í þurrki í Barcelona Eiginmaður Sturgeon ákærður fyrir fjárdrátt Mega koma til að snæða í Grindavík en aðeins í rútu Johnson í erfiðri stöðu Hafa vitneskju um mögulegan dvalarstað Íslendings sem flýr réttvísina Útsendarar Rússa sakaðir um skipulagningu árása í Þýskalandi Mikill mannskaði eftir sögulegt úrhelli í eyðimörkinni Kjarnorkuknúin drónaþyrla mun leita að lífrænum sameindum á Títan Sendi ösku í allt að þriggja kílómetra hæð Ákærður fyrir að nota slagorð SS-sveitanna á fjöldafundi Stjórnvöld í Katar að endurskoða sáttasemjarahlutverk sitt Réði lífvörð eftir árásina á bandamann Navalnís Borgarstjóri sakaður um brot gegn dóttur sinni Hæsta vindmylla heims á landi reist í Danmörku Þingforsetinn segist ekki ætla að fara fet Ísraelar sagðir búnir að ákveða að svara fyrir sig Boðflennusæfíll hrellir Kanadamenn Mannskæð loftárás Rússa í Norður-Úkraínu Toppurinn á spírunni fundinn: „Margir í sjokki og enn að ná sér“ Sjá meira
Rússar og Kínverjar eru reiðir yfir því að hafa ekki fengið boð á lýðræðisfundinn. Á fyrsta degi ráðstefnunnar, í gær, hét Biden því að Bandaríkin myndu verja allt að 424 milljónum dala í að ýta undir frjálsa fjölmiðla, baráttu gegn spillingu og annað á heimsvísu. Hann sagði þörf á slíkum aðgerðum, því lýðræðið ætti undir högg að sækja og dregið hefði úr því á undanförnum árum. Biden spurði fundargesti sína að því hvort þeir myndu áfram leyfa það að grafið sé undan lýðræðinu og réttindum fólks eða hvort þeir myndu snúa bökum saman og leiða heiminn í átt að meira frelsi. Forsetinn bandaríski mun halda lokaávarp sitt í kvöld. Sjá einnig: Lýðræði talið fara hnignandi í Bandaríkjunum í fyrsta sinn Þetta er ekki í fyrsta sinn sem Biden hefur lýst yfir áhyggjum af stöðu lýðræðis i heiminum. Þegar hann ávarpaði Bandaríkjaþing í fyrsta sinn á árinu sagði hann meðal annars að lýðræðið þyrfti að sanna sig. Hann sagði hlakka í andstæðingum Bandaríkjanna og einræðisherrum heimsins vegna stöðu lýðræðis þar í landi. Sjá einnig: Sagði lýðræðið þurfa að sanna sig Meðal þeirra ríkja sem ekki fengu boðskort á lýðræðisfund Bidens voru Rússland og Kína. AP fréttaveitan segir frá því að sendiherrar þeirra ríkja í Bandaríkjunum hafi sent frá sér sameiginlega tilkynningu þar sem þeir sökuðu Biden um kalda stríðs hugsunarhátt, eins og bæði ríkin hafa ítrekað gert áður. Lengi verið sakaður um einræðistilburði Vladimír Pútín hefur verið lengur við völd í Rússlandi en nokkur annar frá því Stalín var við völd. Hann hefur verið forseti Rússlands frá árinu 2000, að undanskildum árunum 2008 til 2012 þegar hann var forsætisráðherra. Stjórnarskrá Rússlands gerði honum ekki kleift að sitja lengur í embætti en í tvö kjörtímabil. Eftir 2012 var reglum landsins breytt á þann veg að lengd kjörtímabila var gerð sex ár. Núverandi kjörtímabili hans lýkur árið 2024 og hefði það átt að vera hans síðasta en í fyrra voru gerðar breytingar á stjórnarskrá landsins sem gera honum kleift að bjóða sig fram aftur og sitja tvö kjörtímabil til viðbótar. Hann hefur einnig unnið að breytingum sem myndu koma á fót ríkisráði sem hann gæti stýrt. Í valdatíð sinni hefur Pútín ítrekað verið sakaður um einræðistilburði og það að grafa undan mögulegu lýðræði í Rússlandi. Kosningar hafa ekki farið fram með sanngjörnum og gagnsæjum hætti og forsetinn hefur beitt réttarkerfi Rússlands gegn pólitískum andstæðingum sínum og sjálfstæðum fjölmiðlum. Sjá einnig: Tileinkar friðarverðlaunin sex blaðamönnum hans sem voru myrtir Þá hefur hann jafnvel verið sakaður um að eitra fyrir pólitískum andstæðingum sínum eins og Alexei Navalní, sem situr nú í fangelsi fyrir að rjúfa skilorð þegar hann var fluttur í dái til Þýskalands eftir að eitrað var fyrir honum með taugaeitrinu Novichok. Hann var á skilorði vegna fyrri dóms sem Mannréttindadómstóll Evrópu hefur sagt vera gerræðislegan. Á meðan Navalní hefur setið í fangelsi hefur hann fengið stöðu öfga- og hryðjuverkamanns og samtök hans eru skilgreind sem ólögleg öfgasamtök. Kínverjar reiðir og segja Kína lýðræðisríki Ráðamenn í Kína brugðust reiðir við því að hafa ekki verið boðið á lýðræðisfundinn en ráðamönnum í Taívan hafi verið boðið. Kínverjar telja lýðræðisríkið Taívan tilheyra þeim og hafa heitið því að sameina það meginlandinu, með valdi ef þörf sé á. Í Peking hafa menn ítrekað gagnrýnt lýðræðisfundinn og Bandaríkin. Meðal annars með Harry Potter brandara og með því að halda því fram að Kína sé lýðræðisríki og betra lýðræðisríki en Bandaríkin. Ríkisráð Kína birti til að mynda um síðustu helgi grein með titlinum „Kína: Lýðræði sem virkar“. Þar er því haldið fram að ekki sé til nein ein rétt tegund lýðræðis. „Lýðræði“ Kína virki því það sjái um þarfir íbúa landsins. Samkvæmt frétt Washington Post var því haldið fram í greininni að „lýðræðiskerfi“ Kína væri í grunninn í takt við hugmyndir forn Grikkja um lýðræði. Þar stóð einnig að öflug miðstýring væri nauðsynleg til að tryggja að áhyggjum 1,4 milljarða íbúa væri mætt. Ríkisstjórn Kína hefur lengi verið sökuð um margvísleg mannréttindabrot en einnig um þjóðarmorð á Úígúrum sem hafa verið sendir í hundruð þúsunda tali í þrælkunarbúðir og konur sem tilheyra minnihlutahópnum hafa verið þvingaðar í ófrjósemiaðgerðir. Kommúnistaflokkur Kína fer með öll völd í landinu og Xi Jinping, forseti, fer með öll völd í flokknum. Honum tókst nýverið að gera breytingar á stjórnarskrá Kína svo hann geti í raun setið í embætti forseta til æviloka. Sjá einnig: Xi festir sig í sessi og setur sig á stall með Mao og Deng Engar kosningar eru haldnar í Kína og stjórnarandstaða er svo gott sem ekki leyfð. Pólitískir andstæðingar Kommúnistaflokksins hafa ítrekað verið fangelsaðir eða einfaldlega látnir hverfa. Þá hefur Kommúnistaflokkurinn verið harðlega gagnrýndur vegna andlýðræðislegra aðgerða í Hong Kong þar sem mótmælum var mætt af mikilli hörku. Þá hefur Kommúnistaflokkurinn komið á hörðum öryggislögum sem hafa meðal annars gert mannréttindasamtökum ómögulegt að starfa í Hong Kong. Sjá einnig: Amnesty yfirgefur Hong Kong vegna umdeildra öryggislaga Ríkismiðlar Kína, talsmenn utanríkisráðuneytis þess og aðrir hafa á undanförnum dögum farið mikinn á samfélagsmiðlum eins og Twitter í gagnrýni þeirra á lýðræðið í Bandaríkjunum. Þeirra á meðal er Lijian Zhao, einn talsmanna utanríkisráðuneytisins. Hann deildi þessari mynd frá ríkismiðlinum Global Times. Vert er að taka fram að almennum borgurum í Kína er ekki veittur aðgangur að Twitter. #GTCartoon: A troubling backdrop for the US-convened “democracy summit.” Can the US save its self-decided democratic norms in one meeting? #WeaponizedDemocracy pic.twitter.com/z9mlwvbEPL— Global Times (@globaltimesnews) December 9, 2021
Bandaríkin Rússland Kína Eitrað fyrir Alexei Navalní Árás á bandaríska þinghúsið Hong Kong Taívan Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Íkveikjan ekki talin hafa beinst að Trump eða réttarhöldunum Erlent Þjófunum yfirsást taska með milljónum króna Innlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent Kveikti í sér fyrir utan dómshúsið þar sem réttað er yfir Trump Erlent Átta forsetaefni klár með listana Innlent Fleiri fréttir Íkveikjan ekki talin hafa beinst að Trump eða réttarhöldunum Kveikti í sér fyrir utan dómshúsið þar sem réttað er yfir Trump Fyrstu loftárásir Ísraela í Íran frá 1979 Fengu aðstoð Demókrata við að koma hernaðaraðstoð úr nefnd Hefur mátt sitja undir svívirðingum um sjálfan sig Segjast hafa skotið niður dýrmæta sprengjuflugvél Handtekinn í tengslum við áform um að ráða Selenskí af dögum Ísraelar gera árás á Íran Kennedy-fjölskyldan lýsir yfir stuðningi við Biden Bandaríkin stöðvuðu fulla aðild Palestínumanna að SÞ Hrunið í gömlu kauphöllinni heldur áfram Afsalta sjó til drykkjar í þurrki í Barcelona Eiginmaður Sturgeon ákærður fyrir fjárdrátt Mega koma til að snæða í Grindavík en aðeins í rútu Johnson í erfiðri stöðu Hafa vitneskju um mögulegan dvalarstað Íslendings sem flýr réttvísina Útsendarar Rússa sakaðir um skipulagningu árása í Þýskalandi Mikill mannskaði eftir sögulegt úrhelli í eyðimörkinni Kjarnorkuknúin drónaþyrla mun leita að lífrænum sameindum á Títan Sendi ösku í allt að þriggja kílómetra hæð Ákærður fyrir að nota slagorð SS-sveitanna á fjöldafundi Stjórnvöld í Katar að endurskoða sáttasemjarahlutverk sitt Réði lífvörð eftir árásina á bandamann Navalnís Borgarstjóri sakaður um brot gegn dóttur sinni Hæsta vindmylla heims á landi reist í Danmörku Þingforsetinn segist ekki ætla að fara fet Ísraelar sagðir búnir að ákveða að svara fyrir sig Boðflennusæfíll hrellir Kanadamenn Mannskæð loftárás Rússa í Norður-Úkraínu Toppurinn á spírunni fundinn: „Margir í sjokki og enn að ná sér“ Sjá meira