Enski boltinn

Enginn Rangnick á hliðarlínunni gegn Arsenal

Hjörtur Leó Guðjónsson skrifar
Ralf Rangnick þarf að bíða í nokkra daga í viðbót áður en hann stýryr Manchester United í fyrsta skipti.
Ralf Rangnick þarf að bíða í nokkra daga í viðbót áður en hann stýryr Manchester United í fyrsta skipti. vísir/getty

Michael Carrick verður enn við stjórnvölin hjá Manchester United er liðið tekur á móti Arsenal í ensku úrvalsdeildinni næstkomandi fimmtudag.

Enn er unnið í því að fá atvinnuleyfir fyrir nýráðinn bráðabirgðastjóra félagsins, Ralf Rangnick, en Carrick hefur stýrt liðinu í seinustu tveimur leikjum.

United vann 2-0 sigur gegn Villareal í Meistaradeildinni í síðustu viku og gerði svo 1-1 jafntefli gegn Chelsea í ensku úrvalsdeildinni á sunnudaginn.

Rangnick var formlega kynntur sem nýr bráðabirgðastjóri Manchester United í gær, en forráðamenn félagsins vonast til þess að hann geti stýrt liðinu gegn Crystal Palace í ensku úrvalsdeildinni næsta sunnudag.

Leikur Manchester United og Arsenal er gríðarlega mikilvægur fyrir bæði lið, en Arsenal situr í fimmta sæti deildarinnar með 23 stig eftir 13 leiki. United situr hins vegar í áttunda sæti með fimm stigum minna, en sigur kemur þeim að fullu inn í baráttuna um Meistaradeildarsæti á ný.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.