Erlent

Þrí­höfða sam­komu­lag til höfuðs Kína á Kyrra­hafi

Þorgils Jónsson skrifar
Scott Morrison, forsætisráðherra Ástralíu, með Boris Johnson, forsætisráherra Bretlands og Joe Biden Bandaríkjaforseta á sitthvora hönd. Leiðtogarnir kynntu í dag nýtt samstarf á sviði öryggismála í Kyrrahafi, sem mun að öllum líkindum koma illa við kínversk stjórnvöld.
Scott Morrison, forsætisráðherra Ástralíu, með Boris Johnson, forsætisráherra Bretlands og Joe Biden Bandaríkjaforseta á sitthvora hönd. Leiðtogarnir kynntu í dag nýtt samstarf á sviði öryggismála í Kyrrahafi, sem mun að öllum líkindum koma illa við kínversk stjórnvöld.

Bandaríkin, Bretland og Ástralía tilkynntu í dag þríhliða öryggissamstarf ríkjanna á Indlands- og Kyrrahafi, sem felur meðal annars í sér að Ástralía komi sér upp kjarnorkuknúnum kafbátum á næstu misserum.

Fulltrúum ríkjanna var nokkuð í mun að taka fram að þessu nýja samstarfi væri hvorki beint gegn Kína né nokkru öðru einstöku ríki. Tilgangurinn sé, að sögn Joe Bidens Bandaríkjaforseta, „að tryggja frið og stöðugleika“.

Í fréttaskýringu AP er þó talið líklegt að Kína muni gefa frekar lítið fyrir þá afstöðu, enda hafa kínversk yfirvöld gagnrýnt Biden fyrir að leggja mikla áherslu á Kyrrahaf í utanríkisstefnu sinni.

Áherslan á þróun kjarnorkuknúinna kafbáta til handa ástralska sjóhernum vekur nokkra athygli þar sem Bandaríkin hafa hingað til aðeins deilt tækniþekkingu á þessu sviði með einu öðru ríki – Bretlandi.

Samkomulag ríkjanna þriggja felur meðal annars í sér að Bretland og Bandaríkin munu aðstoða Ástralíu við að koma sér upp kjarnorkuknúnum kafbátum.

Scott Morrison, forsætisráðherra Ástralíu, þvertók fyrir að takmark þeirra væri að koma sér upp kjarnorkuvopnum. Ástralar muni, sem fyrr, virða samninginn um bann við útbreiðslu kjarnavopna (NPT) frá 1968.

Engu að síður snöggbreytist staða Ástrala á hafi úti með þessu, þar sem kjarnorkuknúnir kafbátar hafa mun meira drægi en hefðbundnir kafbátar sem ganga fyrir olíu, auk þess sem kafbátafloti kínverska sjóhersins hefur verið þeirra Akkilesarhæll.

Nokkur spenna hefur ríkt í samskiptum Kína og annarra ríkja í Suðaustur-Asíu síðustu ár, þar sem meðal annars hefur verið tekist á um yfirráð yfir hafsvæði á Suður-Kínahafi. Bandaríkin hafa undanfarið lagt hart að bandalagsríkjum sínum að mæta Kína, sem hefur á að skipa stærsta sjóher heims, með meira afgerandi hætti.


Tengdar fréttir

Kínverskir námsmenn reiðir yfir því að vera bendlaðir við njósnir

Ráðamenn í Bandaríkjunum hafa meinað hundruðum kínverskra nemenda um vegabréfsáritun eða rift þeim að undanförnu. Það hefur verið gert á grundvelli stefnu frá stjórnartíð Donalds Trump, fyrrverandi forseta, sem ætlað var að gera Kínverjum erfiðara að stunda njósnir í Bandaríkjunum.

Gætu lamað varnir Taívans í skyndi

Kínverjar vita nákvæmlega hvar varnir Taívans eru og gætu lamað þær á skömmum tíma. Með umfangsmiklum netárásum, í sambland við eldflaugaárásir og laumuárásir sérsveitarmanna á mikilvæga innviði, væri hægt að draga verulega úr varnargetu Taívans.

Segir að Japan muni aðstoða Taívan verði gerð innrás

Taro Aso, aðstoðarforsætisráðherra Japans, segir nauðsynlegt fyrir Japani að koma Taívan til aðstoðar, auk Bandaríkjanna, geri Kínverjar innrás í eyríkið. Þetta sagði hann í gær og hafa ummælin þegar vakið mikla reiði í Peking.

Taívan býr sig undir átök við Kína

Joseph Wu, utanríkisráðherra Taívan, segir stjórnvöld þurfa að undirbúa sig undir möguleg hernaðarátök. Þetta sagði hann í viðtali við CNN en fyrir um viku síðan flugu 28 kínverskar herþotur og sprengjuflugvélar inn í lofthelgi landsins.

Vilja kaupa háþróaða dróna af Bandaríkjunum

Ríkisstjórn Taívan á í viðræðum við Bandaríkin um að kaupa minnst fjóra hátækni hernaðardróna. Gangi viðræðurnar etir yrði það í fyrsta sinn sem eyríkið kaupir slík vopn.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.