Kínverskir námsmenn reiðir yfir því að vera bendlaðir við njósnir

Samúel Karl Ólason skrifar 14. september 2021 14:41

Öryggisvörður stendur vörð við sendiráð Bandaríkjanna í Peking. AP/Ng Han Guan

Ráðamenn í Bandaríkjunum hafa meinað hundruðum kínverskra nemenda um vegabréfsáritun eða rift þeim að undanförnu. Það hefur verið gert á grundvelli stefnu frá stjórnartíð Donalds Trump, fyrrverandi forseta, sem ætlað var að gera Kínverjum erfiðara að stunda njósnir í Bandaríkjunum.

Minnst fimm hundruð nemendur segja að þeim hafi verið neituð innganga í Bandaríkin vegna þessa. Samkvæmt frétt AP fréttaveitunnar kvarta nemendurnir yfir því að Bandaríkjamenn beiti reglunum of frjálslega og segjast reiðir yfir ásökunum um njósnir.

Reglurnar sem um ræðir snúa að því að meina fólki sem talið er tengjast Kommúnistaflokk Kína, herafla Kína eða háskólum sem bendlaðir hafa verið við herinn inngöngu í Bandaríkin.

Sjá einnig: Enn einn fyrrverandi starfsmaður CIA ákærður fyrir njósnir

Sendiráð Bandaríkjanna í Kína segir reglunum ekki beitt í ógáti. Þær séu nauðsynlegar til að verja hagsmuni Bandaríkjanna og hafi verið settar á í kjölfar þess að vegabréfsáritanir vegna náms hafi verið misnotaðar.

Þá segir ráðuneytið að á undanförnum fjórum mánuðum hafi rúmlega 85 þúsund kínverskir námsmenn fengið vegabréfsáritun.

Bandaríkjamenn hafa á undanförnum árum sakað Kínverja um umfangsmiklar njósnir þar í landi. Fyrr á þessu ári sagði Christopher Wray, yfirmaður Alríkislögreglu Bandaríkjanna, að stofnunin opnaði nýja rannsókn sem sneri að meintum njósnum Kínverja á um tíu klukkustunda fresti.

Embættismenn segja að talið sé að þúsundir kínverskra námsmanna og vísindamanna taki þátt í tilteknum verkefnum yfirvalda í Kína, þar sem þeir séu hvattir til að stela alls konar leyndarmálum og koma þeim til Kína.

Þá segja Bandaríkjamenn að Kommúnistaflokkur Kína noti meint einkafyrirtæki og háskóla í hernaðarlegum tilgangi og til að koma höndum yfir hernaðarleyndarmál og tækni.

Samhliða þessari þróun hefur spenna milli ríkjanna aukist verulega. Meðal annars vegna ólöglegs tilkalls Kína til nánast alls Suður-Kínahafs, kórónuveirunnar, Taívans og annarra málefna.

Bandaríkin Kína

Tengdar fréttir

Herða tökin á sjónvarpsstöðvum og banna „kvenlega“ leikara

Yfirvöld í Kína hafa skipað sjónvarpsstöðvum þar í landi að ráða ekki listamenn sem þykja of kvenlegir og hafi rangar pólitískar skoðanir. Þau beri forsvarsmönnum sjónvarpsstöðvanna að byggja upp andrúmsloft sem ýti undir ættjarðarást.

2. september 2021 15:39

Gætu lamað varnir Taívans í skyndi

Kínverjar vita nákvæmlega hvar varnir Taívans eru og gætu lamað þær á skömmum tíma. Með umfangsmiklum netárásum, í sambland við eldflaugaárásir og laumuárásir sérsveitarmanna á mikilvæga innviði, væri hægt að draga verulega úr varnargetu Taívans.

1. september 2021 23:01

Komust ekki að niðurstöðu um uppruna veirunnar

Bandarísku leyniþjónustunni tókst ekki að komast til botns í því hvernig nýtt afbrigði kórónurveirunnar barst fyrst í menn. Í skýrslu sem hún skilaði Joe Biden Bandaríkjaforseta er engin afgerandi niðurstaða um hvort að veiran hafi borist náttúrulega úr dýrum í menn eða hvort hún hafi sloppið af rannsóknastofu.

25. ágúst 2021 10:41

Gagnrýninn milljarðamæringur dæmdur í átján ára fangelsi

Sun Dawu, kínverskur milljarðamæringur sem hefur verið gagnrýninn á stjórnvöld þar í landi, hefur verið dæmdur í átján ára fangelsi fyrir ýmsar sakir, þar á meðal fyrir að „ýta undir ósætti“.

29. júlí 2021 16:08

Segir höfuð óvina verða blóðguð á stálmúr kínversku þjóðarinnar

„Aðeins sósíalisminn mun bjarga Kína og framþróun Kína mun byggja á kínverskum sósíalisma,“ sagði Xi Jinping, forseti Kína, í hátíðarávarpi í aðdraganda aldarafmælis kínverska kommúnistaflokksins.

1. júlí 2021 07:37

Kínverjar sagðir byggja fjölda byrgja fyrir langdrægar eldflaugar

Kínverjar eru sagðir vera að byggja allt að 119 eldflaugabyrgi í eyðimörk í vesturhluta landsins. Byrgi þessi gætu hýst langdrægar eldflaugar sem geta borið kjarnorkuvopn.

30. júní 2021 22:30

Taívan býr sig undir átök við Kína

Joseph Wu, utanríkisráðherra Taívan, segir stjórnvöld þurfa að undirbúa sig undir möguleg hernaðarátök. Þetta sagði hann í viðtali við CNN en fyrir um viku síðan flugu 28 kínverskar herþotur og sprengjuflugvélar inn í lofthelgi landsins.

24. júní 2021 11:34

Segja Kínverja hafa skapað „dystópískt helvíti“ í Xinjiang

Mannréttindasamtökin Amnesty International saka kínversk stjórnvöld um glæpi gegn mannkyninu með meðferð sinni á úígúrum í Xinjiang-héraði. Framkvæmdastjóri samtakanna segir kommúnistastjórnina hafa skapað „dystópískt helvíti af gífurlegri stærðargráðu“.

10. júní 2021 15:54

Selunum sigað á Kína og Rússland

Yfirmenn herafla Bandaríkjanna hafa ákveðið að gera töluverðar breytingar á einhverjum frægust herdeildum sérsveitarmanna í heiminum. Með breytingunum eiga svokallaðir Selir að leggja minni áherslu á stríðið gegn hryðjuverkum og meiri áherslu á átök milli ríkja.

28. apríl 2021 15:07

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.