Enski boltinn

Býst við að Tuchel verði rekinn frá Chelsea innan tveggja ára

Ingvi Þór Sæmundsson skrifar
Thomas Tuchel er efstur á óskalista forráðamanna Chelsea.
Thomas Tuchel er efstur á óskalista forráðamanna Chelsea. getty/Aurelien Meunier

Gary Neville segir að Thomas Tuchel muni bíða sömu örlög hjá Chelsea og Franks Lampard og annarra knattspyrnustjóra liðsins undanfarin tæp tuttugu ár.

Lampard var látinn taka pokann sinn hjá Chelsea í gær og fastlega er búist við því að Tuchel taki við liðinu. Hann var síðast stjóri Paris Saint-Germain.

Neville segir að Tuchel muni ekki fá mikinn tíma hjá Chelsea, ekki frekar en aðrir stjórar liðsins.

„Tuchel mun lenda í því sama og Frank og við munum segja það sama um hann eftir eitt og hálft til tvö ár,“ sagði Neville.

Hann kveðst ekki hafa áhyggjur af Lampard og framtíð hans sem stjóra. „Þetta er Chelsea. Frank varð fyrir barðinu á þessari tilhneigingu Chelsea að skipta um stjóra á eins og hálfs til tveggja ára fresti ef hlutirnir ganga ekki eins og þeir vilja. Ég hef ekki miklar áhyggjur af ferli Franks.“

Chelsea er í 9. sæti ensku úrvalsdeildarinnar. Næsti leikur liðsins er gegn Wolves á morgun.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.