Erlent

Gjörólík viðbrögð þjóða hafi aukið hættuna

Margrét Helga Erlingsdóttir skrifar
Forseti framkvæmdastjórnar ESB segir samhæfðar aðgerðir og samstöðu þjóða vera það eina geri heimsbyggðinni kleift sigrast á vágestinum og þeim heilsufars- og efnahagslegu vandamálum sem fylgja.
Forseti framkvæmdastjórnar ESB segir samhæfðar aðgerðir og samstöðu þjóða vera það eina geri heimsbyggðinni kleift sigrast á vágestinum og þeim heilsufars- og efnahagslegu vandamálum sem fylgja. Vísir/EPA

Ursula von der Leyen, forseti framkvæmdastjórnar Evrópusambandsins, segir að mismunandi viðbrögð þjóða við kórónuveirufaraldrinum hafi stefnt fólki í hættu. Allt of mörg þjóðríki hafi einblínt á eigin vandamál og virt vandamál og viðvaranir annarra þjóða að vettugi. Þetta hafi verið sérstaklega áberandi á fyrstu dögum faraldursins.

Hún segir samhæfðar aðgerðir og samstöðu þjóða vera það eina geri heimsbyggðinni kleift sigrast á vágestinum og þeim heilsufars- og efnahagslegu vandamálum sem fylgja.

Von der Leyen sagði að Evrópusambandið myndi tryggja að allt að hundrað milljarðar evra yrðu tiltækir fyrir þau Evrópulönd sem hefðu orðið verst úti í faraldrinum. Fjármunum yrði varið í atvinnuleysistryggingar vegna skerts starfshlutfalls og atvinnuleysis vegna veirunnar. Sagði hún að fyrst yrði byrjað á Ítalíu sem, eins og kunnugt er, hefur farið afar illa út úr kórónuveirunni.

Kórónuveiran sem veldur sjúkdómnum Covid-19 hefur dregið hátt í þrettán þúsund og tvö hundruð manns á Ítalíu til dauða. Staðan á Spáni er líka grafalvarleg, þar hafa hátt í níu þúsund og fjögur hundruð látist í faraldrinum. Nýjum smit-tilfellum fer þó fækkandi á Spáni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.