Að kaupa Kane gæti reynst Woodward ofviða

Harry Kane hefur verið orðaður við Manchester United en nennir Ed Woodward, framkvæmdastjóri félagsins, að standa í þeim erfiðleikum sem fylgja því að reyna kaupa leikmann af Tottenham Hotspur?

The Athletic greinir frá en í frétt þeirra kemur einnir fram að sumarið 2011 hafi Luka Modrić sýnt áhuga á að koma til félagsins.

David Gill, þáverandi framkvæmdastjóri félagsins, hafi í samráði við Sir Alex Ferguson, þjálfara liðsins á þeim tíma, ákveðið að þó Modrić væri stórbrotinn leikmaður þá væri einfaldlega ekki þess virði að eyða öllu sumrínu í að reyna semja við Daniel Levy, formann Lundúnaliðsins.

Gill hefur kallað sumarið 2008, þegar Man Utd nældi í hinn búlgarska Dimitar Berbatov, algjöra martröð þar sem Levy dró viðræðurnar allt fram á lokadag félagaskiptagluggans. Á endanum fór Modrić ekki fet fyrr en ári síðar þegar Real Madrid keypti hann á 33 milljónir punda.

Sama ástæða ku vera á bak við ákvörðun Man United að eltast ekki við Christian Eriksen í janúar síðastliðnum.

Þrátt fyrir allt þetta þá herma heimildir The Athletic að Man Utd hafi sent fyrirspurn á Tottenham varðandi þann möguleika að fá Kane í sínar raðir. Louis van Gaal vildi fá enska framherjann árið 2015 og síðan hefur liðið fylgst vel með framgöngu Kane í ensku úrvalsdeildinni.

Árangur Kane talar sínu máli. Hann hefur skorað 181 mark í 278 leikjum fyrir Tottenham ásamt því að hafa skorað 32 mörk í aðeins 45 leikjum fyrir enska landsliðið.

Að því sögðu þá verður hægara sagt en gert fyrir Manchester United, eða önnur félög, að fjárfesta í þessum magnaða framherja. Talið er að Tottenham muni ekki selja fyrir minna en upphæð í kringum 150 milljónir punda.

Launapakki Kane er um 200 þúsund pund á viku og því ljóst að þarna er um gríðarlega fjármuni að ræða. Þá þarf Tottenham þarf ekki að hafa áhyggjur af því að Kane fari frítt á næstunni en samningur hans við félagið gildir til ársins 2024.

Hinn 26 ára gamli Kane verið að glíma við meiðsli aftan í læri síðan á nýársdag. Ekki í fyrsta skipti sem hann missir af leikjum vegna meiðsla en Kane hefur aðeins tvisvar náð meira 30 leikjum í úrvalsdeildinni á þeim sjö tímabilum sem hann hefur leikið í henni.

Svo virðist sem Kane þurfi persónulega að gefa það út að hann vilji yfirgefa Tottenham svo félagið íhugi að selja hann. Svo virðist sem Man Utd haldi í vonina að það gerist í sumar og Kane ákveði í kjölfarið að hann vilji fara til rauða hluta Manchester-borgar.