Nafnanefnd nýsameinaðs sveitarfélags Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar hefur óskað umsagnar Örnefnanefndar á sautján tillögum að nýju nafni sveitarfélagsins. Austurfrétt greinir frá.
Nafnanefndin óskaði eftir tillögum og alls voru sendar inn 112 tillögur. Nafnanefndin hefur setið yfir nöfnunum og valið úr sautján sem Örnefnanefnd þarf nú að taka afstöðu til á næstu þremur vikum. Þegar þeirri vinnu er lokið tekur nafnanefnd sveitarfélagsins aftur við og velur úr nöfn sem íbúar sveitarfélagsins kjósa um, samhliða sveitarstjórnarkosningum þann 18. apríl.
Athygli vakti að Sameinuðu austfirsku furstadæmin var ein af þeim tillögum að nafni sem sendar voru inn en það virðist ekki hafa hlotið náð fyrir augum nafnanefndarinnar.
Nöfnin sem óskað er umsagnar um eru eftirfarandi:
1. Austurbyggð
2. Austurbyggðir
3. Austurþing
4. Austurþinghá
5. Drekabyggð
6. Drekabyggðir
7. Drekaþing
8. Drekaþinghá
9. Eystraþing
10. Eystribyggð
11. Eystribyggðir
12. Eystriþinghá
13. Múlabyggð
14. Múlabyggðir
15. Múlaþing
16. Múlaþinghá
17. Sveitarfélagið Austri
Nánar má lesa um ferlið á vef Austurfréttar.
Sameinuðu austfirsku furstadæmin kemur ekki til greina sem nafn á nýtt sveitarfélag
Tengdar fréttir
Misjöfn kjörsókn í kosningu um sameiningu á Austurlandi
Greidd eru atkvæði um sameiningu fjögurra sveitarfélaga á Austurlandi í dag.
59 nöfn koma til greina fyrir nýtt sveitarfélag á Austurlandi
Yfir eitt hundrað tillögur að nafni nýs sveitarfélags á Austurlandi bárust áður en að frestur til þess að skila inn tillögu rann út í gær.
Samþykktu sameininguna með afgerandi hætti
Kosið var um sameiningu Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar í dag. Sameiningin var samþykkt í öllum sveitarfélögunum fjórum með allt frá 64 til 93% atkvæða.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
