Erlent

Hús hrundi skyndilega með látum

Kristín Ólafsdóttir skrifar
Manneskjurnar tvær sjást lengst til hægri á mynd á meðan húsið hrynur vinstra megin.
Manneskjurnar tvær sjást lengst til hægri á mynd á meðan húsið hrynur vinstra megin. Skjáskot/youtube

Tveggja hæða hús hrundi í Washington D.C. í Bandaríkjunum í gær. Atvikið náðist á öryggismyndavél og sýnir hvernig húsið hrundi rétt eftir að tvær manneskjur gengu fram hjá því - og nokkrum sekúndum áður en slökkviliðsbíll átti leið hjá.

Í frétt Washington Post segir að framkvæmdir hafi staðið yfir í byggingunni, sem áður hýsti verslun en átti að breyta í íbúðarhúsnæði.

Í áðurnefndu myndbandi sjást tvær manneskjur ganga yfir götu við bygginguna, sem hrynur skyndilega með miklum látum. Manneskjurnar tvær taka á rás og rykmökkur rís upp. Andartaki síðar staðnæmist slökkviliðsbíll við húsið, sem var á ferð eftir götunni fyrir tilviljun.

Washington Post segir að einn vegfarandi hafi fengið í sig brak úr húsinu er það féll. Þá hafa ekki fengist upplýsingar um það af hverju byggingin hrundi.

Myndbandið má sjá hér að neðan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.