Erlent

Sér­­­sveit al­­ríkis­lög­­reglunnar leitar á heimili YouTu­be-stjörnu

Hallgerður Kolbrún E. Jónsdóttir skrifar
Húsleit var gerð af alríkislögreglu Bandaríkjanna á heimili YouTube stjörnunnar Jake Paul.
Húsleit var gerð af alríkislögreglu Bandaríkjanna á heimili YouTube stjörnunnar Jake Paul. Getty/Bauer-Griffin

Sérsveit alríkislögreglu Bandaríkjanna gerði húsleit á heimili YouTube stjörnunnar Jake Paul. Talskona alríkislögreglunnar sagði í yfirlýsingu að vopnaðir sérsveitamenn hafi framkvæmt húsleitina sem gerð var þegar Paul var ekki á heimili sínu.

Ástæða húsleitarinnar hefur ekki verið gefin upp en leitin er sögð tengjast rannsókn sem stendur nú yfir. Sérsveitarmenn sáust á myndefni sem tekið var úr lofti einnig gera skotvopn upptæk á staðnum.

Meðal skotvopnanna sem voru gerð upptæk var löng byssa sem að sögn fréttastofu ABC fannst við hlið heita pottsins úti í garðinum við hús Paul.

Paul hefur verið ákærður fyrir að hafa farið ránshendi í Arizona og að hafa haldið partý nýlega þar sem sóttvarnalög voru brotin. Paul, sem er 23 ára gamall, er gríðarlega vinsæll á YouTube en þar hefur hann rúmlega 20 milljón fylgjendur.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×