Brighton með níu fingur á áframhaldandi sæti í úrvalsdeildinni

Ísak Hallmundarson skrifar
Brighton vann í dag og það þarf mikið að gerast til að þeir falli úr ensku úrvalsdeildinni í ár. 
Brighton vann í dag og það þarf mikið að gerast til að þeir falli úr ensku úrvalsdeildinni í ár.  getty/Richard Heathcote

Brighton sigraði Norwich í ensku úrvalsdeildinni núna í hádeginu en með sigrinum eru þeir nánast öruggir um áframhaldandi veru í ensku úrvalsdeildinni. 

Leikurinn var fremur bragðdaufur, lítið var um marktilraunir en heimamenn í Norwich voru þó meira með boltann. 

Belgíski vængmaðurinn Leandro Trossard skoraði það sem reyndist eina mark leiksins fyrir Brighton á 25. mínútu eftir sendingu frá Aaron Mooy. Í uppbótartíma fengu Norwich hættulegt færi til að jafna þegar Adam Idah skallaði boltann í stöngina. Brighton slapp með skrekkinn og lokatölur 1-0.

Brighton eru eftir leikinn í 15. sæti með 36 stig, níu stigum fyrir ofan fallsæti þegar fimm umferðir eru eftir. Norwich er enn á botninum með 21 stig og er svo gott sem fallið. 

Bein lýsing

Leikirnir




    Velkomin á Vísi. Þessi vefur notar vafrakökur. Sjá nánar.