Pétur Viðarsson er hættur við að hætta og mun spila með FH í sumar. Hann lagði skóna á hilluna eftir síðasta tímabil en hefur snúist hugur og FH-ingar munu því njóta krafta hans á komandi tímabili.
Hann er mættur aftur. Miðvörðurinn knái Pétur Viðarsson tekur skónna fram í sumar.#ViðerumFH pic.twitter.com/WRvActL7jI
— FHingar (@fhingar) May 26, 2020
Pétur, sem er 32 ára, hefur leikið með FH allan sinn feril fyrir utan tímabilið 2008 þegar hann lék með Víkingi R.
Á síðasta tímabili lék Pétur nítján leiki í Pepsi Max-deild karla þar sem FH endaði í 3. sæti.
Pétur hefur alls leikið 176 leiki í efstu deild og skorað fimm mörk. Hann hefur fjórum sinnum orðið Íslandsmeistari með Fimfélaginu.
FH mætir HK í fyrsta leik sínum í Pepsi Max-deild karla laugardaginn 13. maí.
