Erlent

Yfir 10.000 látnir í Frakklandi

Andri Eysteinsson skrifar
Íbúar Parísar fá ekki lengur að fara út á daginn og stunda líkamsrækt.
Íbúar Parísar fá ekki lengur að fara út á daginn og stunda líkamsrækt. EPA/IAN LANGSDON

Fjöldi látinna vegna kórónuveirufaraldursins tók stökk í Frakklandi í dag þegar tilkynnt var um andlát 1417 sjúklinga. Hafa því 10.328 manns látið lífið í Frakklandi vegna veirunnar. Sky greinir frá.

Alls hafa 110.049 manns smitast af veirunni og er það eingöngu í Bandaríkjunum, Ítalíu og á Spáni þar sem fleiri tilfelli veirunnar hafa greinst. Heildarfjöldi tilfella á heimsvísu er nú rúmlega 1,4 milljón. 81 þúsund manns hafa látið lífið.

Gripið hefur verið til mikilla aðgerða í Frakklandi en skólastarfi hefur verið aflýst og stendur útgöngubann yfir til 15. apríl hið minnsta. Fyrsta tilfelli veirunnar í Frakklandi greindist 24. janúar síðastliðinn.

Frakkland Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið